Aepa Gemae 13:16 - The Keyagana NT and 25 OT books

¹⁶ Nagaemo kaginago vayaʼmo ani kahaepagana agufa vayaʼmo aliʼna afole aiʼna apategauve. Apatesuva vayaʼmo ani kahaepamo vayaʼmogimo lekana nopai kava huʼa kaginago vayaʼmo afaʼa lekana opaigae.

Aepa Gemae 13:16 ပူးပေါင်းရင်းမြစ်များ

Aepa Gemae 15:5

Ha paiteno kumatega avalelino uno lamino ina ge huno ha paiʼniye. Kokuʼnategamo alika aulu heka ago. Kanefiʼmo afaʼa lekana paisapigi lekana paika ago. Asole kanefiʼmo haneʼniya kava huʼa kaginago vayaʼmo afole aiʼa maigae, huno ha paiʼniye.

Aepa Gemae 16:10

magoʼe gemo ha painoʼaeʼmo, Kaginago vayakamo asole vayaʼmo aliʼna hamaleʼna apatesugeʼa vayaʼmogi afaʼa lekana opaigae.

Aepa Gemae 17:16

Nagaemo aliʼna auleʼna atesugeno ve mafaʼnekamo alino atesigeʼna magoʼe huʼna aliʼna auleʼna atesugeno asole nofi vayaʼe kini vayaʼmogi itaʼapimoʼeʼmo maigiye, huno ha paiʼnigeno.

Aepa Gemae 17:2

Nagaemo kagaeʼeʼmo kotalakemo hu maleteʼna kaginago mafaʼnekamo asole vayaʼmo aliʼna afole aiʼna apategauve, huno ha paiʼnigeno

Aepa Gemae 17:20

Hu malegauvaʼmonanafa Isamelitefeʼmo huʼnana gekamo ago afiʼnove. Nagaemo aliʼna auleʼna ateʼnovanageno asole mafaʼnemo alagi magoʼe huno alino apategaiye. Agaemo tuolofuʼa nofi vayaʼai afoʼapimogimo alino apategaiyanageʼna ago alagi alopa nofi vayaʼmo aliʼna hamaleʼna ategauve.

Aepa Gemae 17:6

Asole mafaʼnemo alika apatesanafeʼmo aliʼna hamaleʼna kateʼnovanageʼa asole nofi vayaʼmo kagaepatiʼmo aliʼna afole aiʼna apatesugeʼa kagaepatiʼmo kini vayaʼmo afole aigae.

Aepa Gemae 21:13

Ani kavake huʼna kalavusi aliʼyakamo neʼaliya aʼmo mafaʼnekafatiʼeʼmo magoke apaki vayaʼmo asole vayaʼmo aliʼna afole aiʼna apategauve.

Aepa Gemae 22:17

nagaemo aliʼna auleʼna kateʼnaeʼmo aliʼna auleʼna kategauve. Nagaemo kaginago vayaʼmo aliʼna afole aiʼna apatesuva vayaʼmogimo kokuʼnate kanefikana huʼa afole aige ani kahaepagana huʼa afole aige hugae. Kaginago vayaʼmogimo kame vayaʼapimo kamemo huʼa aeʼa apaka seteʼa taoniʼapimo aligae.

Aepa Gemae 26:4

Nagaemo kaginago mafaʼne anagaʼmo magoʼe huʼna kokunate kanefigana huʼna aliʼna afole aiʼna apategauve. Nagaemo muki mani mopaʼamo kaginago mafaʼne anagakamo apamiguve. Nagaemo kaginago vekaletiʼmo muki nofi vayaʼmo aliʼna auleʼna apategauve.

Aepa Gemae 28:14

Kaginago vayaʼmogimo ani kahaepagana vayaʼmo afole aiteʼa ma mopafi muki haopalegamo yegemo haine neʼeya kotegagi uno lamino nefaleya kotegagi hoga haopalegagi lamaga haopalegagi huʼa aiʼa atagu faeʼa maigae. Gotiʼa kagaetetiʼe kaginago vayaʼaitetiʼeʼmo muki ma mopafi nofi vayaʼaifeʼmo aliʼna auleʼna apategauve.

Aepa Gemae 28:3

Gotiʼa muki lokiyaʼamo haneʼniya vekamoʼmo alino auleno katesigeka asole mafaʼnemo alika apatesanageʼa asole vayaʼmo aliʼa alu aiʼa maigae.

Aepa Gemae 32:12

Hogoteka naha paikaeʼmo, kagaeteʼmo alagi alagepa kavatetiʼmo yagaiʼna kateʼnisugeʼa kaginago vayaʼmo ani kahaepagana vayaʼmo afaʼa lekana opaisana agufa vayaʼmo afole aigae, huka naha paiʼnane, huno nunumuʼmo huʼniye.

Aepa Gemae 32:13

Yekopuʼa ani haniʼilagamo havaeteno egaʼamo agaemo apavalelino eʼniya yapatiʼmo nepuʼamoʼmo Isoʼmo fikumo amisiya yaʼmo lekana paino ateʼniye.

Aepa Gemae 35:11

Gotiʼa magoʼe gemo ha painoʼaeʼmo, Nagaemo muki lokiyaʼnimo haneʼniya Gotiʼnamo maiʼnove. Asole mafaʼne alika apategane. Kagaemo asole mafaʼnemo alika apatesanageʼapaeʼmo asole kaginago vayaʼmo maige alu nofi alu nofi vayaʼmo afole aiʼa maige kini vayaʼmo maige hugae.

Aepa Gemae 46:3

Gotiʼa hunoʼaeʼmo, Nagaemo Gotiʼnamo afokamo Gotiʼamoʼnamae, huno huteno, Kagaemo Isipi kotegamo visanafeʼmo koli osuvo. Uka maiʼnisanageʼnaeʼmo alopa nofi vayaʼmo aliʼna afole aiʼna lapategauve.

Hatu maeno apate'niya gemae 1:7

Faliʼnayaʼmonanafa Isaleli vayaʼmogimo asole mafaʼnemo aliʼa apateʼnayaʼmofeʼmo magoʼe huʼa asole vayaʼmo afole aiteʼa Isipi koteʼmo maiʼa kili paeteʼa lokiya nofi vayaʼmo afole aiʼnae.

Hatu maeno apate'niya gemae 32:13

Kagaemo aliʼyakamo aliʼnaya vayaʼmo Emalehamufenagi Aisakifenagi Yekopufenagi huka kagesamo afiyo. Kagaemo kagikaletiʼmo kagoʼyamo ataleteka hukaeʼmo, Nagaemo asole mafaʼnetapimogi aliʼa apatesaya mafaʼnemogi kokuʼnapi haneʼniya kanefikana huʼa maisaya mafaʼnemo aliʼna afole aiʼna apatesugeʼa uʼa ani lapamiguve, huʼna huʼnova koteʼmo muki afinaʼmo maige maige huʼa maigae, huka huʼnane, huno huʼnigenoʼaeʼmo

Napa 23:10

Yekopu nofi vayaʼmo asole vayaʼmo mumusopagana huʼa maiʼnayanagi ina laʼmo apakaemo afaʼa lekana paigiye. Ina laʼmo magokayaga vayaʼamo lekana paigiye. Fatago vayaʼmo alagepa huʼa nefaliya kava huʼna natesanageʼna faligesuve. Kaʼapimo atupaleʼmo alagepa huʼa uʼa avaʼyi nehayanageʼna kaʼnimo atupaleʼmo alagepa huʼna uʼna avaʼyi hugesuve.

Himulu 11:12

Huʼniyaʼmofeʼmo magoke vekamo alagi ago hogoʼamo falisiyafeʼmo huʼniya vekafatiʼmo asole aginago vayaʼmo kokuʼnate asole kanefiʼmo haneʼniyanageta lekana opaige ani kahaepamo lekana opaige hisuna agufa aginago vayaʼmo afole aiʼnae.

Leveleseni 7:9

Ani kavaʼmo afole aitegeʼna ageʼnovana asole vayaʼmo lekana opaisuna agufa vayaʼmo muki alu kotega alu kotegamo neʼmaiya vayanagi muki alu nofi vaya alu nofi vayanagi muki alu apakufaʼe alu apakufaʼe vayanagi muki alu apake alu apakemo neʼaiya vayanagi huʼa yagaino neʼapateya vekamo siya aulagaʼe aikeli sipisipimo aulagaʼeʼmo eʼa he tiʼa maiʼnageʼna apakeʼnove. Apakaemo yatala yaveyaveʼage kukenamo vaiʼa aliʼnaya vayaʼmogi vayaveʼmo haitagana yaʼmo apayapiʼmo aliʼnae.