Aepa Gemae 13:10 - The Keyagana NT and 25 OT books

¹⁰ Lotiʼa he tino alino maku huno ageyana mago otu mopamo haneʼnigeno ageʼniye. Ani haopalegamo asole aniʼmo haneʼnigeno alagi kanale hoyamo Ala kava neʼmo hoyagana huno hanege Isipi vayaʼai mopagana huno hanege huʼniye. Ani afinaʼmo Ala kava neʼmoʼa lole taonilaʼmo Satomi taoniʼe Gomola taoniʼeʼmo alino hosu huno oʼataleʼniya afinaʼmae.

Aepa Gemae 13:10 ပူးပေါင်းရင်းမြစ်များ

Aepa Gemae 11:27

Mani gemo Tela aginago vayaʼaifeʼmo huʼniye. Telaʼa Emalemiʼagi Nahoʼagi Halaniʼagi huno alino apateʼniye. Halaniʼa Lotiʼmo alino ateʼniye.

Aepa Gemae 13:11

Lotiʼmo agaiʼa mopamo hanesiyafeʼmo Yoneni aniʼmo uno nelamiya kotega otu mopamo lekana paiteno yegemo haine neʼeya haopalegamo uʼniye. Lotiʼe Emalemiʼeʼmo ani afinaʼmo aliʼana fako huʼnaʼae.

Aepa Gemae 13:9

Ago, huno, kaulagaleʼmo alopa mopamo haneʼniyanagi kahao ke hovanagi kagaikamo mago mopamo lekana paiteka nagaemo nataleka uvo. Kagaemo hoga haopalegamo visanageʼnaeʼmo nagaemo lamaga haopalegamo uguve. Kagaemo lamaga haopalegamo visanageʼnaeʼmo nagaemo hoga haopalegamo uguve, huno ha paiʼniye.

Aepa Gemae 14:8

Ani afinaʼmo Sotomi taonifi kini vekagi Gomola taonifi kini vekagi Atama taonifi kini vekagi Sepoimi taonifi kini vekagi Mela taonifi kini vekagi ati vayaʼapigi huʼa aliʼa anupa huteʼa Sitimi otuleʼmo kamemo huʼnae.

Aepa Gemae 3:6

A kanomoʼmo ani yosa alagamo ageʼniyana alagepa yosa alagamo aeʼnigeno ageno haʼye huʼniye. A kanomoʼmo ina kava huno agesamo afiʼniye, kanalenageʼna mani yosa alagamo neteʼnaeʼmo alagepa huʼna afiteʼna agegauve, huno huteno ani yosa alagamo lagino neʼniye. Neteno anauʼamoʼmo agaeʼeʼmo lokaeno maiʼniya vekamo amiʼnigeno neʼniye.

Aepa Gemae 47:6

Muki Isipi kote mopamo ageʼnane. Kagaemo afokamoʼe konagakamogiʼeʼmo Goseni koteʼmo kanale hogote mopamo afaʼa apamisanageʼa maigae. Inagi kagaemo apakaepatiʼmo pulumakale yagaisaya kavaʼmo ageʼa alagepa huʼnisaya vayaʼmo apakeʼnisana vayaʼmo alika apategeʼa pulumakaʼnileʼmo yagaigae, huno ha paiʼniye.

Aepa Gemae 6:2

Ani afinaʼmo Goti ve mafaʼne anagaʼamogimo ani a mafaʼne anagaʼmo ma mopafi vayaʼai a mafaʼne anagaʼaifeʼmo alagepa apaulagamo apakeʼnaya a mafaʼne anagaʼmo maiʼnageʼa apaketeʼapaeʼmo alisageno aʼne anagaʼapimo maisayafeʼmo hapaʼye huʼniyaʼmofeʼmo aliʼnae.

Samu 107:34

Vayaʼmogimo hosu kavaʼmo huʼnayaʼmofeʼmo asole neʼyaʼmo neʼaeya mopaʼapimo alino hosu mopamo hamaleno neʼate.

Aiyeya 51:3

Ala kava neʼmoʼnamo Saiyoni taonifiʼmo maiʼnaya vayaʼmo aliʼna yuna heʼna apategauve. No atufaʼageʼmo ageteʼnaeʼmo nahau huʼna apategauve. Agaemo kaʼme koʼapimo Iteni kokana huʼna aliʼna ha maleʼna ategauve. Kalukalusopa koʼmo Ala kava neʼmo hoyaʼagana huʼna aliʼna ha maleʼna ategauve. Apakaemo Saiyoni taonifiʼmo apamogaga aige Gotifeʼmo haoke hege yokemo huge hugae.