Aepa Gemae 12:8 - The Keyagana NT and 25 OT books

⁸ Henagaʼamo Emalemiʼa ani kotetiʼmo ataleno Meto taonimo alino ataleno uno yegemo haine neʼeya kotegamo mago aveleʼmo avaʼyi huteno seli noʼamo alino atateno alino he tino ateʼniye. Meto taonimo yegemo uno lamino nefaleya haopalegamo hanete Ai taonimo yegemo haine neʼeya haopalegamo hanete hutegeno folagapiʼmo Ala kava netefeʼmo ofalinimo nehaya hiʼyalamuʼmo hu maleteno mono huno agiʼaleʼmo keya aeno ge huno nunumuʼmo huʼniye.

Aepa Gemae 12:8 ပူးပေါင်းရင်းမြစ်များ

Aepa Gemae 13:18

Ha paitegenoʼaeʼmo Emalemiʼa ani kotetiʼmo ataleno uno Hipaloni taonifiʼmo alopa yosamo Mamali yosamo aepafiʼmo ofalinimo nehaya hiʼyalamuʼmo Ala kava netefeʼmo huʼniye.

Aepa Gemae 13:3

Agaemo vayaʼaʼeʼmo Negevi koʼmo aliʼa ataleʼa halate Meto taonifiʼmo hogoteno seli noʼamo haneʼniya Meto taonimo hanete Ai taonimo hanete hutegeno folagapiʼmo uʼnae.

Aepa Gemae 13:4

Hogoteno Emalemiʼa ofalinimo nehaya agufa yafa hiʼyalamuʼmo hu maleʼniya yategamo eno halate Ala kava neʼmo agiʼaleʼmo keya aeno ge huno nunumuʼmo huʼniye.

Aepa Gemae 21:33

Inagi Emalehamuʼa mago tamalisiki yosamo Miyasima kotegamo fai maleʼneno Ala kava neʼmo muki afinaʼae afinaʼaeʼmo neʼmaiya Gotitefeʼmo mono huʼniye.

Aepa Gemae 22:9

Inagi anakaemo Gotiʼa ha paiʼniya koteʼmo uʼana avaʼyi huteʼanaeʼmo Emalehamuʼa yafa hiʼyalamuʼmo hu maleteno agotofuleʼmo atamo alino alagepa huno maletenoʼaeʼmo mafaʼneʼamo Aisaki aiyalateʼe ayatalateʼeʼmo nofi kiteno yafa hiʼyalamute atamo agotofuleʼmo alino havaeno ateʼniye.

Aepa Gemae 26:25

Aisakiʼa ani gemo afitenoʼaeʼmo yafa hiʼyalamuʼmo hu maleʼneno Ala kava neʼmo agiʼaleʼmo keya aeno mono huʼniye. Agaemo seli noʼamo alino he tino atetegeʼa aliʼyaʼamo neʼaliya vayaʼmogimo ani keli kotuʼamo kafiʼnae.

Aepa Gemae 28:19

Ani koʼmo agiʼamo Metoli kone huno ateʼniye. Ani agimo aepaʼamo Goti none. Hiyaʼmonanafa ani taonieʼmo hogoteʼa Lusa taonie huʼa agi aeʼnae.

Aepa Gemae 31:25

Yekopuʼa seli noʼamo ani aveleʼmo alino ataleno alino he tino ateʼnigeʼa Lepaniʼe konaga vayaʼaʼeʼmo eʼa atafauteʼa apakaemo seli noʼapimo ani aveleʼmo aliʼa ataleʼa aliʼa he tiʼa ateʼnae.

Aepa Gemae 33:20

Miya faiteno Gotiʼmo ofalini amisiya yafa hiʼyalamuʼmo huteno agiʼamo E Eyohe Isaleliʼae huno ateʼniye.

Aepa Gemae 35:3

Inagi alita vaitetapaeʼmo he tita Meto kotegamo vigetao. Gotiʼa nagaemo kana yaʼmo neʼaluva afinaʼmo geʼnileʼmo aeno atagaina huteno naha maege muki uʼneʼna nehuva kotegamo nagaeʼeʼmo lokaeno maige nehiya Gotiʼmo ofalinimo amisuva yafa hiʼyalamuʼmo huguve, huno hapa paiʼniye.

Aepa Gemae 35:7

Agaemo yafa hiʼyalamuʼmo hu maleteno agiʼamo Elo Meto kone huno ateʼniye. Ani agimo aepaʼamo Meto kotega Gotiʼmae. Nepuʼamotegatiʼmo ataleno aune hetaleno uʼniya afinaʼmo Gotiʼa ani koteʼmo afole aiʼniyaʼmofeʼmae.

Aepa Gemae 4:26

Henagaʼamo Setiʼa mago ve mafaʼnemo alino atetenoʼaeʼmo agiʼamo Inosiʼae huno ateʼniye. Ani afinatetiʼmo aepa faiʼa Ala kava neʼmo agiʼamo aeteʼa agaetefeʼmo mono huʼnae.

Aepa Gemae 8:20

Noaʼa yafa hiʼyalamuʼmo maleteno ofalini hisiyafeʼmo muki alagepa afufatinagi namafatinagi huno amagino yafa hiʼyalamuteʼmo kaeno ofalinimo Gotina amiʼniye.

Samu 116:4

Ani kava huʼna maiʼneʼna Ala kava nefeʼmo huʼnaeʼmo, Ala kava nene, huʼna, kahao ke hovanagi nagupi mafaʼnemo alika katika ato, huʼna keya aeʼna ge huʼnove.

Hatu maeno apate'niya gemae 17:15

Inagi Moseseʼa ofalinimo hisaya yafa hiʼyalamuʼmo hutenoʼaeʼmo, Ani hiʼyalamufeʼmo Ala kava neʼnimo kalahauʼmeʼnimo maiʼniye, huno agi ateʼniye.

Apa 2:21

Afole aisigeʼapaeʼmo muki vayaʼmogi Ala kava neʼmo agiʼamo aesaya vayaʼai apakufamo alino katino apategaiye, huno huʼniye.

Himulu 11:9

Agesamo afino fatago huʼniya kavatetiʼmo Gotiʼa polomasi gemo ha painoʼaeʼmo, mago mopamo kamiguve, huno ha paiʼniya kotegamo alu nofi vayaʼai mopaleʼmo kalaga vekamo seli nopiʼmo maiʼniye. Gotiʼa Emalehamufeʼmo, fikumo kaha maeʼna kamiguve, huno ha paiʼniya polomasi gemo hana paiʼniya vekalaʼmo Aisikiʼe Yekopuʼeʼmo seli noʼapifi noʼapifiʼmo magokepi lokaeʼa maiʼnae.

Yasuva 18:22

Meti Alama taonigi Semaleyimi taonigi Meto taonigi Evimi taonigi Pela taonigi Ofala taonigi Kefa Amoni taonigi Ofani taonigi Gima taonigi huno tuolofuʼa taonimo haneʼnigeno haopaleʼmo haneʼniya taoniʼenagi huno haneʼniye.

Yasuva 22:10

Apakaemo uʼa Kenani koteʼmo Yoneni aniʼmo haopaleʼmo Lumeni nofi vayanagi Gati nofi vayanagi Manasa vayapati magokayaga nofi vayanagi huʼa uʼa avaʼyi huteʼa mago alopa kanale ofalini hisaya yafa hiʼyalamuʼmo huʼnae.

Yasuva 7:2

Yasuvaʼa Yeliko taonifiʼmo maiʼnenoʼaeʼmo vayaʼmo alino apateʼnigeʼa Ai taonifiʼmo uʼnae. Meto taonimo hanetegeno yegemo haine neʼeya kotegamo Ai taonimo Meteveni taonimo haopaleʼmo haneʼniye. Yasuvaʼa ina gemo huno hapa paiʼniye. Utapa Ai haopalegamo agetapa alagepa hiyo, huno hapa paiʼnigeʼa uʼa Ai taoni haopalegamo ageʼa alagepa huʼnae.

Yasuva 8:12

Yasuvaʼa faefu tauseniʼa agufa vayaʼmo alino apateʼnigeʼa ani taonifiʼmo uʼa yegemo uno nelamiya haopalega Ai taoniʼe Meto taoniʼeʼmo hanetegeno folagapiʼmo fala kiʼa maiʼnae.

Yasuva 8:17

Ai taonifiʼmofi Meto taonifiʼmofi huʼa ve anagaʼmo alagi oʼmaiʼnae. Muki vayaʼamogimo taonimo ataleʼa Isaleli vayaʼmo apavegala aeliʼa uʼnae.

Yasuva 8:3

Inagi Yasuvaʼe muki ati vayaʼeʼmo Ai taonifilagamo visayafeʼmo alo huʼnae. Yasuvaʼa koli osuʼa lokiya vaiʼa kame hisaya vayaʼageʼmo teti tauseniʼa vayaʼmo lekana paino apateteno haniʼilagamo alino apateʼnigeʼa uʼnae.

Yasuva 8:30

Yasuvaʼa Ala kava neʼmo Isaleli vayaʼmogi Gotiʼapimotefeʼmo mago ofalini hisiya yafa hiʼyalamuʼmo Emo avefiʼmo hu maleʼniye.

Yasuva 8:9

Inagi Yasuvaʼa alino apateʼnigeʼa uʼa mago yegemo uno lamino nefaleya kotega Ai taonimo hanete Meto taonimo hanete hutegeʼa folagapiʼmo fala kiʼa maiʼnae. Ani haniʼilagamo Yasuvaʼa Isaleli vayaʼeʼmo havaeʼniye.

1 Samiyo 30:27

Neviniʼmo ani fiku apamiʼniya yaʼmo muki mani taoniʼafiʼmo maiʼnaya vayaʼaina apamiʼniye. Meto taonifi maiʼnaya vayanagi lamaga Lamoti taonifi maiʼnaya vayanagi Yati taonifi maiʼnaya vayanagi