Aepa Gemae 12:7 - The Keyagana NT and 25 OT books

⁷ Ala kava neʼmoʼa Emalemitegamo afole aiteno ina ge huno ha paiʼniye. Nagaemo mani mopamo aliʼna kaginago vayaʼmo apamiguve, huno ha paiʼnigeno Emalemiʼa agaetegamo afole aiʼniya Ala kava netefeʼmo ofalinimo nehaya agufa yafa hiʼyalamuʼmo huʼniye.

Aepa Gemae 12:7 ပူးပေါင်းရင်းမြစ်များ

Aepa Gemae 12:8

Henagaʼamo Emalemiʼa ani kotetiʼmo ataleno Meto taonimo alino ataleno uno yegemo haine neʼeya kotegamo mago aveleʼmo avaʼyi huteno seli noʼamo alino atateno alino he tino ateʼniye. Meto taonimo yegemo uno lamino nefaleya haopalegamo hanete Ai taonimo yegemo haine neʼeya haopalegamo hanete hutegeno folagapiʼmo Ala kava netefeʼmo ofalinimo nehaya hiʼyalamuʼmo hu maleteno mono huno agiʼaleʼmo keya aeno ge huno nunumuʼmo huʼniye.

Aepa Gemae 13:15

Muki ani ageʼnisana mopamo kagaeʼe kaginago vayaʼeʼmo lapamiguve.

Aepa Gemae 13:17

Inagi he tika muki mopaʼaleʼmo uka haisanategamofi emikesanategamofi visanategamofi esanategamofi huka umenitata huka ageteka alagi kamisuva mopamo ago, huno ha paiʼniye.

Aepa Gemae 13:18

Ha paitegenoʼaeʼmo Emalemiʼa ani kotetiʼmo ataleno uno Hipaloni taonifiʼmo alopa yosamo Mamali yosamo aepafiʼmo ofalinimo nehaya hiʼyalamuʼmo Ala kava netefeʼmo huʼniye.

Aepa Gemae 13:4

Hogoteno Emalemiʼa ofalinimo nehaya agufa yafa hiʼyalamuʼmo hu maleʼniya yategamo eno halate Ala kava neʼmo agiʼaleʼmo keya aeno ge huno nunumuʼmo huʼniye.

Aepa Gemae 15:18

Ani afinakeʼmo Ala kava neʼmoʼa Emalemiʼeʼmo mago kotalakemo huʼniye. Ina ge huno huʼniye. Nagaemo kaginago mafaʼne anagakamo ma mopamo aliʼna apamiʼnove. Isipi kotega uno nelamiya anitetiʼmo uno alopa Yufaletisi aniteʼmo utegeʼna mani haopalega haneʼniya mopamo apamiʼnove.

Aepa Gemae 17:1

Emalemiʼa naeti naeniʼa kafugamo maitegenoʼaeʼmo Ala kava neʼmo agaetegamo afole aiʼniye. Afole aitenoʼaeʼmo, Nagaemo Gotiʼnamo muki himamu lokiyaʼnimo haneʼniyanagi naulagaleʼmo vaiʼmo oʼalisana kavaʼmo huka maiyo.

Aepa Gemae 17:3

Emalemiʼa augosalegatiʼmo aino ati kaeno havaeʼnigeno Gotiʼa mago gemo ina ge huno ha paiʼniye.

Aepa Gemae 17:8

Hemenimo maiʼnana mopamo Kenani nofi vayaʼai mopalekeʼmo kalagaʼmo eka maiʼnane. Hiyaʼmonanafa mani muki mopaʼamo kagaikagi kaginago vayaʼenagi huʼna lapamisugeno alagi lapakaitapi mopamo hanesigeʼna Gotitapimoʼnamo maiguve.

Aepa Gemae 18:1

Henagaʼamo Mamale kotega alopa yosamo aepafiʼmo Ala kava neʼmo agaetegamo afole aiʼniyana Emalehamuʼmo lusi kava huno amuko huʼniya afinaʼmogeno seli noʼamo kipateʼmo itopaleʼmo fai maiʼniye.

Aepa Gemae 22:9

Inagi anakaemo Gotiʼa ha paiʼniya koteʼmo uʼana avaʼyi huteʼanaeʼmo Emalehamuʼa yafa hiʼyalamuʼmo hu maleteno agotofuleʼmo atamo alino alagepa huno maletenoʼaeʼmo mafaʼneʼamo Aisaki aiyalateʼe ayatalateʼeʼmo nofi kiteno yafa hiʼyalamute atamo agotofuleʼmo alino havaeno ateʼniye.

Aepa Gemae 24:7

Ala kava neʼmo kokuʼnapi Gotiʼa konagaʼnimogi mopale afoʼnimo nopatiʼmo navalelino etenoʼaeʼmo agoʼyamo ataleno polomasi gemo naha painoʼaeʼmo, ani mopamo kaginago vayaʼmo apamiguve, huno naha paiʼniye. Agaemo enisole vekaʼamo alino atesigeno uno hogotetesigeka uka mafaʼneʼnimo aʼmo ani kotegatiʼmo avalelika egane.

Aepa Gemae 26:25

Aisakiʼa ani gemo afitenoʼaeʼmo yafa hiʼyalamuʼmo hu maleʼneno Ala kava neʼmo agiʼaleʼmo keya aeno mono huʼniye. Agaemo seli noʼamo alino he tino atetegeʼa aliʼyaʼamo neʼaliya vayaʼmogimo ani keli kotuʼamo kafiʼnae.

Aepa Gemae 26:3

Kalaga hageka uka kalaga vekamo mani mopale maiʼnegeʼnao aliʼna auleʼna kategauvanagi. Nagaemo kagaeʼe kaginago vayaʼeʼmo muki mani mopamo lapamiguve. Nagaemo afokamo Emalehamufeʼmo nagoʼyamo ataleteʼna ha paiʼnova polomasi gemo akame huʼna aliʼna afole aiʼna ategauve.

Aepa Gemae 28:13

Yekopuʼa ageyana Ala kava neʼmoʼa ani hakayamo anagaʼmo maiʼneno, Nagaemo Ala kava neʼmo kaginago vekamo Emalehamu Gotiʼamoʼnamo maiʼneʼna Aisaki Gotiʼamoʼnamo maiʼnove. Ani havaeʼnana mopamo kagaikaʼe kaginago vayaʼeʼmo lapamiguve.

Aepa Gemae 28:4

Gotiʼa Emalehamuʼmo alino auleno ateʼniya kava huno kagaeʼe kaginago vayakaʼefeʼmo alino auleno lapategaiye. Nata neka eka maiʼnana mopamo Gotiʼa Emalehamuʼmo amiʼniya mopamo kaha maeno alino kamino, huno ha paiʼniye.

Aepa Gemae 32:30

Yekopuʼa ani kotefeʼmo agiʼamo Pinaiyo kone huno ateʼniye. Ani agimo aepaʼamo Goti augosafiʼmo ageʼnove. Yekopuʼa hunoʼaeʼmo, nagaemo Goti augosafiʼmo ageʼnovaʼmonanafa ofaliʼna afaʼa maiʼnove, huno huʼniye.

Aepa Gemae 33:20

Miya faiteno Gotiʼmo ofalini amisiya yafa hiʼyalamuʼmo huteno agiʼamo E Eyohe Isaleliʼae huno ateʼniye.

Aepa Gemae 35:12

Nagaemo Emalehamuʼe Aisakiʼeʼmo anamiʼnova mopamo hemenimo kagaeʼe kaginago vayaʼeʼmo lapamiguve, huno ha paiteno

Aepa Gemae 35:7

Agaemo yafa hiʼyalamuʼmo hu maleteno agiʼamo Elo Meto kone huno ateʼniye. Ani agimo aepaʼamo Meto kotega Gotiʼmae. Nepuʼamotegatiʼmo ataleno aune hetaleno uʼniya afinaʼmo Gotiʼa ani koteʼmo afole aiʼniyaʼmofeʼmae.

Aepa Gemae 50:24

Henagaʼamo Yosefeʼa konagaʼamogifeʼmo hapa painoʼaeʼmo, Falisuva afinaʼmo ago hogo huʼniyaʼmonanafa Gotiʼa emineno lapa maeno mani kotetiʼmo lapavalelino hogoteno agoʼyamo ataletenoʼaeʼmo Emalehamufenagi Aisakifenagi Yekopufenagi huno lapamiguve, huno hapa paiʼniya kotegamo ugiye, huno hapa paiʼniye.

Aepa Gemae 8:20

Noaʼa yafa hiʼyalamuʼmo maleteno ofalini hisiyafeʼmo muki alagepa afufatinagi namafatinagi huno amagino yafa hiʼyalamuteʼmo kaeno ofalinimo Gotina amiʼniye.

2 Samiyo 24:25

Inagi Neviniʼmo ofalini amisiya hiʼyalamuʼmo huteno ata kaeno ofalinimo amige alino nanu aeno atesiya ofalinimo amige huʼniye. Inagi Ala kava neʼmoʼa Neviniʼmo Isaleli vayaʼaifeʼmo nunumuʼmo huʼniya gemo afiteno Isaleli vayaʼaitetiʼmo alopa kaitaʼapimo alino ataleʼniye.

1 Kini 18:32

Inagi Ilaiyaʼmo ani yafaʼmo alino Ala kava neʼmo agiʼalefeʼmo ofalinimo amisiya hiʼyalamuʼmo huʼniye. Yafa hiʼyalamuteʼmo ani kaʼmo vailino vego huno ateʼniye. Ani ani kaʼmoʼmo fotini lita aniʼmo atafauno hanesiyafeʼmae.

2 Sitoli 20:11

Apataleʼa uʼnayaʼmonanafa hemenimo ani vayaʼmo lagaetegamo eʼnae. Apakaemo ago eʼnayanageʼa ani laginago vayaʼmogi apakaetegamo alagepa kavaʼmo huʼnaya kavaʼmo anonaʼapilefeʼmo aliʼa lahafaiʼa lataleteʼa akeyaʼvilagamo lamiʼnana mopamo alisayafeʼmo eʼnae.

2 Sitoli 20:7

Gotitimogamo oʼmaiʼnapiye, huno, kagaemo ago lageʼnane. Isaleli vayaʼmogita laginago vekamo Emalehamuʼmo kao vekamo mafaʼne anagaʼamo maiʼneta alagi kagaika vayakamo maiʼnone. Kagaemo akeyaʼvilagamo mani mopaleʼmo maiʼnaya vayaʼmo alika hapafaika apataleteka mani mopamo alika laginago vayaʼmo apamiʼnanageno muki afinaʼmo lagae mopamo haneʼnigeta

Esala 3:2

Inagi Yosateki mafaʼnemo Yesuvaʼagi alu vayaʼmo konagaʼamogimo mono huʼa neʼapataya vayanagi Siyatili mafaʼnemo Selamamaʼagi konagaʼamogiʼenagi huʼa Isaleli vayaʼai Gotiʼapimo yafa hiʼyalamuʼmo ofalini hisaya yaʼmo atafiʼmo kaeʼa sagalisaya hiʼyalamuʼmo huʼnae. Moseseʼmo Goti vekamoʼmo keʼaepa gemo avoʼmo kae maleʼniya gemo akame hisayafeʼmo huʼnae.

Hatu maeno apate'niya gemae 17:15

Inagi Moseseʼa ofalinimo hisaya yafa hiʼyalamuʼmo hutenoʼaeʼmo, Ani hiʼyalamufeʼmo Ala kava neʼnimo kalahauʼmeʼnimo maiʼniye, huno agi ateʼniye.

Hatu maeno apate'niya gemae 24:4

Inagi Moseseʼa Ala kava neʼmoʼa muki huʼniya geʼamo mago mukufiʼmo avoʼmo kae maleʼniye. Kotilamiyapiʼmo he tino avemo aiyafiʼmo ofalinimo hisaya hiʼyalamuʼmo huteno tuolofuʼa yafaʼmo alino faino ateʼniya yafaʼmoʼa tuolofuʼa Isaleli nofi vayaʼaitefeʼmo aune kavaʼmo huʼniye.

Hatu maeno apate'niya gemae 32:13

Kagaemo aliʼyakamo aliʼnaya vayaʼmo Emalehamufenagi Aisakifenagi Yekopufenagi huka kagesamo afiyo. Kagaemo kagikaletiʼmo kagoʼyamo ataleteka hukaeʼmo, Nagaemo asole mafaʼnetapimogi aliʼa apatesaya mafaʼnemogi kokuʼnapi haneʼniya kanefikana huʼa maisaya mafaʼnemo aliʼna afole aiʼna apatesugeʼa uʼa ani lapamiguve, huʼna huʼnova koteʼmo muki afinaʼmo maige maige huʼa maigae, huka huʼnane, huno huʼnigenoʼaeʼmo

Hatu maeno apate'niya gemae 33:1

Ala kava neʼmoʼa Mosesefeʼmo ina ge huno ha paiʼniye. Kagaikaʼe Isipi kotegatiʼmo apavalelika eʼnana vayaʼeʼmo mani kotetiʼmo ataletapa nagaemo Emalehamufenagi Aisakifenagi Yekopufenagi huʼna ani mopamo lapakaeʼe lapakinago vayaʼeʼmo hakiʼna lapamiguve, huʼna nagoʼyamo ataleteʼna hapa paiʼnova koteʼmo viyo.

Hatu maeno apate'niya gemae 6:3

Nagaemo Emalehamutegagi Aisakitegagi Yekoputegagi huʼna afole aiʼnogeʼa nageteʼapaeʼmo lokiyaʼamo haneʼniya Gotiʼa maiʼniye, huʼa nageʼnayaʼmonanafa nagiʼnimo Yihovaʼnaʼmae huʼa oʼafiʼnae.

Hatu maeno apate'niya gemae 6:4

Nagaemo apakaeʼe kotalakemo magokepi hu maleteʼnaeʼmo inagi nagaemo Kenani nofi vayaʼmo kalaga vayaʼmo uʼa maiʼnaya mopamo aliʼna apamiguve, huʼna hapa paiʼnove.

Apa 7:5

Gotiʼa mago hoyamo vaisiyafeʼmo aise mopamo oʼamiʼniyaʼmonanafa Emalehamuʼa anamo vekamo maiʼnigenoʼaeʼmo ani mopamo kamisugeʼapaeʼmo kaginago vayaʼmogimo aligae, huno ha paiʼniye.

Lomu 9:8

Ani gemo aepaʼaeʼmo huʼnaeʼmo, apakufaletiʼmo aliʼa neʼapataya vayaʼmo Goti mafaʼneʼamo oʼmaiʼnafa Gotiʼa huguve, huno hu maleʼniya polomasi geʼaletiʼmo alino afole aino neʼapateya vayaʼageʼmo lama ge aginago vayaʼamo maiʼnae.

Galesiya 3:16

Inagi Gotiʼa Emalehamufeʼmo, fikumo kaha maegauve, huno ha paiʼniya polomasi gemo aginago vekaeʼmo, kaha maegauve, huno ha paiʼniye. Gotiʼa Emalehamu aginago vayaʼaifeʼmo ani gemo hapa opaiʼnifa magoke aginago vekaeʼmo ani gemo ha paiʼniye. Ani magoke aginago vekamo Kalaisiʼmae.

Galesiya 4:28

Inagi konagaʼnimogitapae, huʼna, Aisikiʼa fikumo kaha maeʼna kamiguve, huno ha paiʼniya polomasi geʼaleti mafaʼnemo maiʼniya kava huta polomasi geʼaleti mafaʼneʼamo maiʼnone.

Himulu 11:13

Ani muki vayaʼamogimo apakesamo afiʼa fatago hume hume eʼa faliʼnae. Gotiʼa polomasi gemo hunoʼaeʼmo, fikumo lapa maeʼna lapamiguve, huno hu maleʼniya yaʼmo oʼaliʼnayaʼmonanafa muga afagiʼaleʼmo haneʼnigeʼa ageteʼapaeʼmo, aligune, huʼa magoke apakesamo afiteʼa ani geleʼmo atafauʼa anukiʼa alagi huʼa maigekana huʼa atafauʼa alagi huʼa maiʼnae. Ani kavaʼmo huʼa maiʼneʼapaeʼmo, nata vayaʼmo alu kotega vayaʼmo maiʼnone, huʼa huʼnae.

Himulu 11:8

Gotiʼa Emalehamuʼmo amiʼniya kotegamo visiyafeʼmo keya aeno ge huʼnigeno Emalehamuʼa agesamo afino fatago huʼniya kavatetiʼmo ani gemo afiteno koʼamo ago ataleno oʼageʼniya kotegamo uʼniye.

Yasuva 1:6

Kagaemo koli osuge kamoʼya oʼaige huteka he tika lokiya vaikageʼmo maiyo. Nagaemo mopamo lapamiguve, huʼna lapakinago vayaʼaifeʼmo nagoʼyamo ataleʼna polomasi gemo ago hu maleʼnove. Vayakamogimo ani mopamo apakaiʼapi mopamo alisayafekeʼmo kagaemo alika fako huka apamiganaʼmofeʼmo koli osuvo.

Yasuva 22:10

Apakaemo uʼa Kenani koteʼmo Yoneni aniʼmo haopaleʼmo Lumeni nofi vayanagi Gati nofi vayanagi Manasa vayapati magokayaga nofi vayanagi huʼa uʼa avaʼyi huteʼa mago alopa kanale ofalini hisaya yafa hiʼyalamuʼmo huʼnae.

Yasuva 8:30

Yasuvaʼa Ala kava neʼmo Isaleli vayaʼmogi Gotiʼapimotefeʼmo mago ofalini hisiya yafa hiʼyalamuʼmo Emo avefiʼmo hu maleʼniye.

1 Samiyo 7:17

Agaemo ani kotegamo aliʼyaʼmo alino hano hutenoʼaeʼmo agaemo halate agaiʼa taonimo Lama taonifiʼmo uʼniye. Ani taonifiʼmo agoti gemo afiʼniye. Ani taonifiʼmo Ala kava netefeʼmo ofalini yafa hiyalamuʼamo huʼniye.