Aepa Gemae 12:6 - The Keyagana NT and 25 OT books

⁶ Emalemiʼa vayaʼaʼeʼmo uʼa Sekemi taonifi Mole haopalegamo mago alopa yosamo aepaleʼmo avaʼyi huʼnae. Ani afinaʼmo Kenani nofi vayaʼmo ani mopaleʼmo maiʼnae.

Aepa Gemae 12:6 ပူးပေါင်းရင်းမြစ်များ

Aepa Gemae 10:15

Kenaniʼmo Saitoniʼmo alino ateteno Hetiʼmo alino ateʼniye.

Aepa Gemae 13:7

Loti sipisipi anagaʼaleʼe pulumaka anagaʼaleʼeʼmo neʼyagaiya vayanagi Emalemi sipisipi anagaʼaleʼe pulumaka anagaʼaleʼemo neʼyagaiya vayanagi huʼa ke vaiʼnae. Ani afinaʼmo Kenani nofi vayaʼe Pelesi nofi vayaʼeʼmo ani haopaleʼmo maiʼnae.

Aepa Gemae 33:18

Yekopuʼa Sukoti kotegatiʼmo ataleno Kenani kotega Sekemi taonifiʼmo hanageke yaʼmo oʼalino alagepa huno eno avaʼyi huʼniye. Agaemo ani afinaʼmo Patani Alami kotegatiʼmo ataleno Sekemi taonifiʼmo eno ani taonimo haopaleʼmo seli noʼamo alino ataleno alino he tino ateʼniye.

Aepa Gemae 34:2

Hamoʼa Hivi nofi vekamo yagaino neʼapateya vekamo mafaʼnemo Sekemiʼa Nainaʼmo agetenoʼaeʼmo avalelino uno agaeʼeʼmo magokepi lokaeno havaeteno hosu kavaʼmo huʼniye.

Aepa Gemae 34:30

Inagi Yekopuʼa Simiyoniʼe Livaiʼefeʼmo hana painoʼaeʼmo, lanakaemo lusi kana yaʼmo alitana namiʼnaʼanageʼna muki mani kote vayaʼai apaulagaleʼmo hosu atumo neʼaiya yakana huʼna maiguve. Lagaemo aise vayaʼmo maiʼnonaʼmofeʼmo Kenani vayaʼe Pelesi vayaʼeʼmo aliʼa anupa huteʼa nagaeʼe afamo anagaʼniʼeʼmo kamemo lahaegae, huno huʼnigeʼanaeʼmo

Aepa Gemae 35:4

Inagi apakaemo alu nofi vayaʼmogi muki aigofe gotiʼapimogimo aliʼa Yekopuna amiʼnae. Amiteʼa apakesaleʼmo aeʼa aliʼnaya liniʼeʼmo asagiʼa amigeno Yekopuʼa alino Sekemi kotega alopa yosamo aepafiʼmo keli kafiteno aeno atikaeno ataleʼniye.

Samu 60:6

Gotiʼa aote geʼaletiʼmo hunoʼaeʼmo, Nagaemo kamemo ago huʼna aeʼna apaka seteʼna namogaga aiteʼna Sekemi mopaʼe Sukoti kagoʼmu koʼeʼmo vayaʼnimo aliʼna fako huʼna apamiguve.

Yoni 4:5

Sameliya kotega mago taonimo agiʼamo Saika kotegamo uno avaʼyi huʼniye. Ani haopalega Yekopuʼa mago mopamo alino mafaʼneʼamo Yosefeʼmo amiʼniya mopamo haneʼniye.

Apa 7:16

Faliʼnageʼapaeʼmo apakufaʼamo aliniʼuʼa Sekemi kotegamo kiʼa apateʼnae. Emalehamuʼa Hamo nofi vayaʼai mopamo miya faiʼniya mopafiʼmo kiʼa apateʼnae.

Himulu 11:9

Agesamo afino fatago huʼniya kavatetiʼmo Gotiʼa polomasi gemo ha painoʼaeʼmo, mago mopamo kamiguve, huno ha paiʼniya kotegamo alu nofi vayaʼai mopaleʼmo kalaga vekamo seli nopiʼmo maiʼniye. Gotiʼa Emalehamufeʼmo, fikumo kaha maeʼna kamiguve, huno ha paiʼniya polomasi gemo hana paiʼniya vekalaʼmo Aisikiʼe Yekopuʼeʼmo seli noʼapifi noʼapifiʼmo magokepi lokaeʼa maiʼnae.

Yasuva 20:7

Ani gemo afiteʼapaeʼmo inagi apakaemo Kiʼnesi taonimo Galeliya kotega Nafatali vayaʼmogi aveleʼmo haneʼniya taonimo lekana paige Sikemi taonimo Ifalemi vayaʼmogi aveleʼmo haneʼniya taonimo lekana paige Kayatama taonimo alu agiʼamo Himoni taonimo Yuta vayaʼmogi aveleʼmo haneʼniya taonimo lekana paige huʼnae.

Yasuva 24:32

Isaleli vayaʼmogimo Yosefe ayamufamo Isipi kotegatiʼmo aliniʼa eʼnaya ayamufamo Sekemi taonifiʼmo kiʼa ateʼnae. Akeyaʼvilagamo Yekopuʼa Hemo nofi vayaʼmogi mopamo vani hataleti siluva moniletiʼmo miya fai maleʼniya mopaleʼmo kiʼa ateʼnae. Hemo mafaʼnemo Sekemiʼae. Isaleli vayaʼmogimo kiʼa ateʼnaya mopaeʼmo Yosefe nofi vayaʼmogi mopae, huʼa huʼnae.