Aepa Gemae 12:2 - The Keyagana NT and 25 OT books

² Inagi nagaemo kagaepatiʼmo asole kaginago vayaʼmo aliʼna afole aiʼna apatesugeʼa magoke nofi vayaʼmo maigae. Nagaemo aliʼna auleʼna katesugeka ala kagimo aliteka aulena gemo hapa paisanageʼa aulena vayaʼmo maigae.

Aepa Gemae 12:2 ပူးပေါင်းရင်းမြစ်များ

Aepa Gemae 13:16

Nagaemo kaginago vayaʼmo ani kahaepagana agufa vayaʼmo aliʼna afole aiʼna apategauve. Apatesuva vayaʼmo ani kahaepamo vayaʼmogimo lekana nopai kava huʼa kaginago vayaʼmo afaʼa lekana opaigae.

Aepa Gemae 15:5

Ha paiteno kumatega avalelino uno lamino ina ge huno ha paiʼniye. Kokuʼnategamo alika aulu heka ago. Kanefiʼmo afaʼa lekana paisapigi lekana paika ago. Asole kanefiʼmo haneʼniya kava huʼa kaginago vayaʼmo afole aiʼa maigae, huno ha paiʼniye.

Aepa Gemae 17:20

Hu malegauvaʼmonanafa Isamelitefeʼmo huʼnana gekamo ago afiʼnove. Nagaemo aliʼna auleʼna ateʼnovanageno asole mafaʼnemo alagi magoʼe huno alino apategaiye. Agaemo tuolofuʼa nofi vayaʼai afoʼapimogimo alino apategaiyanageʼna ago alagi alopa nofi vayaʼmo aliʼna hamaleʼna ategauve.

Aepa Gemae 18:19

Agaemo ina kavaʼmo hiyo ina kavaʼmo osiyo, huno hapa paisigeʼa mafaʼneʼaʼe nofi vayaʼamogiʼeʼmo fatago kavaʼmo huge alagepa huʼa aliʼa fako huʼa apamige hisayafeʼmo lekana paiʼna ateʼnovaʼmofeʼmo hisuva kavafeʼmo afaʼa aliʼna ave liguve.

Aepa Gemae 19:29

Gotiʼa muki otuleʼmo haneʼniya taoniʼamo ata kaeno sagalino ataleʼniyana Emalehamufeʼmo age okanino agesamo afige Loti maiʼniya taonimo alino hano huno ataleʼniyaʼmonanafa Lotiʼmo ago alino ateʼnigeno uge huʼniye.

Aepa Gemae 24:1

Emalehamuʼa ago kosuna leʼniye. Ala kava neʼmoʼa Emalehamuʼmo muki yaʼmo alagepa huno alino auleno ateʼniye.

Aepa Gemae 24:35

Ala kava neʼmoʼa ala vekaʼnimo magoʼe huno haʼmaeteno alino auleno ateʼnigeno ala agi vekamo hamaleʼniye. Ala kava neʼmoʼa asole yaʼmo sipisipigi memegi pulumakagi siluva yafanagi goli yafanagi aliʼyaʼamo neʼaliya ve aʼnegi kamolugi nokigi huno amiʼniye.

Aepa Gemae 25:11

Inagi Emalehamuʼa ago falitegenoʼaeʼmo Gotiʼa Aisakiʼmo alino auleno ateʼniye. Aisakiʼa Mia Lahai Loi ani keli kotuʼmo haopaleʼmo maiʼniye.

Aepa Gemae 26:3

Kalaga hageka uka kalaga vekamo mani mopale maiʼnegeʼnao aliʼna auleʼna kategauvanagi. Nagaemo kagaeʼe kaginago vayaʼeʼmo muki mani mopamo lapamiguve. Nagaemo afokamo Emalehamufeʼmo nagoʼyamo ataleteʼna ha paiʼnova polomasi gemo akame huʼna aliʼna afole aiʼna ategauve.

Aepa Gemae 26:4

Nagaemo kaginago mafaʼne anagaʼmo magoʼe huʼna kokunate kanefigana huʼna aliʼna afole aiʼna apategauve. Nagaemo muki mani mopaʼamo kaginago mafaʼne anagakamo apamiguve. Nagaemo kaginago vekaletiʼmo muki nofi vayaʼmo aliʼna auleʼna apategauve.

Aepa Gemae 27:29

Vayaʼmogimo aliʼyakamo aliʼa kategae. Muki kotega vayaʼmogimo kagae kaiyafiʼmo maigae. Kagaemo konagakamogiteʼmo yagaika apatesanageʼa kaiyafiʼmo maigae. Ala kava neʼmoʼa muki vayaʼmogi kagaemo aliʼa hosu huʼa katesaya vayaʼaifeʼmo lifana huno apategaiye. Ala kava neʼmoʼa aliʼa auleʼa katesaya vayaʼaina aulena gemo hapa paigiye, huno ha paiʼniye.

Aepa Gemae 28:14

Kaginago vayaʼmogimo ani kahaepagana vayaʼmo afole aiteʼa ma mopafi muki haopalegamo yegemo haine neʼeya kotegagi uno lamino nefaleya kotegagi hoga haopalegagi lamaga haopalegagi huʼa aiʼa atagu faeʼa maigae. Gotiʼa kagaetetiʼe kaginago vayaʼaitetiʼeʼmo muki ma mopafi nofi vayaʼaifeʼmo aliʼna auleʼna apategauve.

Aepa Gemae 35:11

Gotiʼa magoʼe gemo ha painoʼaeʼmo, Nagaemo muki lokiyaʼnimo haneʼniya Gotiʼnamo maiʼnove. Asole mafaʼne alika apategane. Kagaemo asole mafaʼnemo alika apatesanageʼapaeʼmo asole kaginago vayaʼmo maige alu nofi alu nofi vayaʼmo afole aiʼa maige kini vayaʼmo maige hugae.

Aepa Gemae 46:3

Gotiʼa hunoʼaeʼmo, Nagaemo Gotiʼnamo afokamo Gotiʼamoʼnamae, huno huteno, Kagaemo Isipi kotegamo visanafeʼmo koli osuvo. Uka maiʼnisanageʼnaeʼmo alopa nofi vayaʼmo aliʼna afole aiʼna lapategauve.

Samu 107:38

Ala kava neʼmoʼa hapa neʼmaegeʼapaeʼmo asole mafaʼnemo aliʼa neʼapatae. Pulumaka anagaʼmo hapa neʼmaegeʼapaeʼmo magoʼe huʼa aiʼa atagu nefae.

Hatu maeno apate'niya gemae 1:7

Faliʼnayaʼmonanafa Isaleli vayaʼmogimo asole mafaʼnemo aliʼa apateʼnayaʼmofeʼmo magoʼe huʼa asole vayaʼmo afole aiteʼa Isipi koteʼmo maiʼa kili paeteʼa lokiya nofi vayaʼmo afole aiʼnae.

Hatu maeno apate'niya gemae 32:10

Maiʼnayaʼmofeʼmo afaʼa nateʼnegeʼnao naipamoʼmo ata leʼniyanageʼna alina hano huʼna apataleno. Ani vayaʼmogi apaimuʼyaleʼmo asole vayaʼmo alo huʼna apatesugeʼa vayakamo maigae, huno ha paiʼniye.

Aiyeya 51:2

Lapakaemo afotapimo Emalehamuʼe alino lapateʼniya a kanomo Selaʼefeʼmo lapakesamo afiyo. Nagaemo Emalehamuʼamo lekana paiʼna ateteʼna agaefekeʼmo keya aeʼna ge huteʼna huʼna auleʼna ateteʼnaeʼmo asole kaginago vayaʼmo maigae, huʼna ha paiʼnogeʼa afole aiʼnae.

Maika 7:20

Kagaemo Yekopu aginago vayaʼmogita laha maeka Yekopufeʼmo ha paiʼnana lama ge kotalake gemo akame huge Emalehamu aginago vayaʼmogitaeʼmo kahau huka latege hugane. Akeyaʼvilagamo kagaemo laginago vayaʼaifeʼmo kagoʼyamo ataletekaeʼmo, Nagaemo lama gemo huʼnaeʼmo, lapa maeʼna lapamiguve, huka ani hapa paiʼnana gemo akame hugane.

Napa 14:12

Nagaemo alopa hosu kaita kayotetiʼmo apamagiʼna aliʼna hano huʼna apatalegauve. Nagaemo apakae apaimuʼyaleʼmo alopa lokiya Isaleli vayaʼmo maiʼnaya vayaʼmo aeʼa apaka seʼa maisayafeʼmo alo huʼna apatesugeʼa vayakamo maigae, huno ha paiʼniye.

Napa 22:12

Inagi Gotiʼa Melamifeʼmo hunoʼaeʼmo, Kagaemo ani vayaʼeʼmo magokepi lokaeka oʼugane. Ani eʼnaya vayaʼmo aulena vayaʼmo maiʼnayaʼmofeʼmo lifana huka oʼapato, huno ha paiʼniye.

Napa 23:20

Afiyo, huno, Gotiʼa hisuva gemo naha paiʼniye. Kagaemo alika auleka apato. Agaemo alino auleno apateʼniyaʼmofeʼmo alu gemo afaʼa osuguve.

Lomu 4:11

Emalehamuʼa agufamo olagauʼniya vekamo maiʼnenoʼaeʼmo agesamo afino fatago huteno fatago kavaʼamo aliʼniye. Fatago kavaʼamo aliʼniya alagena kavaʼmo haneʼniyana agufamo lagauʼniya alagena kavaʼmo aliʼniye. Mani alagena kavaʼmo aune kavaʼmo haneʼniyana, fatago vekamo maiʼniye, huno alino apave neliya kavaʼmo haneʼniye. Apakufamo olagauʼnaya vayaʼai aepa vekamo maisigeno Gotiʼa apakaeʼeʼmo fatago kavaʼamo apamisayafeʼmo ani kava huno maiʼniye.

Galesiya 3:14

Gotiʼa Emalehamuʼmo alino auleno ateʼniya kava huno alu nofi vayaʼmogita alino auleno latesiyafeʼmo Kalaisiʼa hatu maeno lateʼniye. Gotiʼa polomasi gemo hunoʼaeʼmo, Nauneʼnameʼmo aliʼna lapamiguve, huno huʼnigeta Aunemeʼamo lagesamo afita fatago hisuna kavatetikeʼmo alisunafeʼmo hatu maeno lateʼniye.

Galesiya 3:7

Huno ha paiʼniyaʼmofeʼmo apakesamo afiʼa fatago nehaya vayaʼageʼmo Emalehamu aginago vayaʼamo maiʼnae, hutapa lapakesamo afiyo.