Aepa Gemae 12:13 - The Keyagana NT and 25 OT books

¹³ Nagaetefeʼmo kanale hisigeʼna kagaetefeʼmo afaʼa maisuvafeʼmo kahaoke hovanagi apakaefeʼmo hapa paikaeʼmo nasaʼnimoʼae, hukageʼmo hapa paiyo, huno ha paiʼniye.

Aepa Gemae 12:13 ပူးပေါင်းရင်းမြစ်များ

Aepa Gemae 11:29

Falitegeʼanaeʼmo Emalemiʼe Nahoʼeʼmo lole atalaʼmo aliʼnaʼae. Emalemi aʼmo agiʼamo Selaʼae. Naho aʼmo Halani a mafaʼnemo agiʼamo Milikaʼmo aliʼniye. Halaniʼa Isaka afoʼamoʼeʼmo maiʼniye.

Aepa Gemae 12:14

Apakaemo Isipi kotegamo ago uʼa avaʼyi huʼnageʼapaeʼmo Isipi ve anagaʼmogimo aʼamo alagepa aʼmo maiʼnigeʼa alagepa apaulagamo ageʼnae.

Aepa Gemae 20:2

Emalehamuʼa Gela taonifi vayaʼaifeʼmo hapa painoʼaeʼmo, Selaʼmo nasaʼnimoʼae, huno hapa paiʼnigeno Amimelekiʼa Gela kini vekamoʼmo mago vayaʼmo alino apateʼnigeʼa uʼa Selaʼmo avaleliʼa eʼnageno aliʼniye.

Aepa Gemae 20:5

Emalehamuʼa hunoʼaeʼmo, Nasaʼnimoʼae, huno huʼniye. Aʼamoʼeʼmo hunoʼaeʼmo, Emalehamuʼmo nasaʼnimoʼae, huno naha paiʼniyaʼmofeʼmo mani a kanomo aliʼnovana hosu kavaʼmo huʼnove, huʼna oʼageʼnove, huno ha paiʼniye.

Aepa Gemae 26:7

Maiʼnigeʼapaeʼmo ani kote ve anagaʼmogimo aʼaeʼmo ge huʼa afi geʼnagenoʼaeʼmo, Nasaʼnimoʼae, huno hapa paiʼniye. Koli huʼniyaʼmofeʼmo aʼnimo maiʼniye, huno osuʼniye. Agaemo, fiku yanageʼa Lipekatetifeʼmo kamitimo namagigae. Agaemo alagepa aʼmo maiʼnigeʼa alagepa apaulagamo neʼagayaʼmofeʼmo kamitimo namagigae, huno agesa afiʼniye.

Aiyeya 57:11

Lapakaemo ina lafeʼmo koli huʼnayaʼmofeʼmo nagaefeʼmo aigofe gemo naha paiteta nagaefeʼmo lapake kaniʼnigetapa lapaipafiʼmo nagaefeʼmo lapakesamo noʼafiye. Yatala afinaʼmo ge osuʼna afaʼa maiʼnovaʼmofeʼmo nagaefeʼmo koli nosafiye.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

Lomu 6:23

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

Kolosi 3:6

Goti geʼamo akame nosaya vayaʼmogi ani agufa kavaʼmo nehayaʼmofeʼmo aipamo leno neʼapateyanageno kayoʼmo apamigiye.