Aepa Gemae 11:4 - The Keyagana NT and 25 OT books

⁴ Apakaemo huʼapaeʼmo, Egetao, huʼa, mago taonimo kiteta mago yatala noʼmo kilita kokuʼnapilagamo uta haigune. Ki maleʼnisunageʼapaeʼmo muki vayaʼmogimo ageteʼapaeʼmo lagitileʼmo aliʼa asagauʼa lategae. Fiku yanageta lagaemo atagu faeta uteta huta laote laote huta maigunanagetae, huʼa huʼnae.

Aepa Gemae 11:4 ပူးပေါင်းရင်းမြစ်များ

Aepa Gemae 6:4

Ani afinanagi henagaʼamo afole aiʼniya afinanagi huʼa Gotiʼa ve mafaʼne anagaʼmogimo ma mopafi a mafaʼneʼapiʼeʼmo magokepi lokaeʼa havaeteʼa alopa apakufaʼe vayaʼmo aliʼa apateʼnae. Apakaemo lokiya apayamufa vayaʼmo maiʼneʼa asole aeto aeto agufa kavakoʼmo huteʼa ala apaki vayaʼmo maiʼnae.

Samu 107:26

Sipifi maiʼnaya vayaʼaiteʼmo lusi hanageke yaʼmo afole aiʼnigeʼa kokuʼnapilagamo uʼa haiteʼa emiʼeteʼa huʼnagenoʼaeʼmo apakupi mafaʼnemoʼmo ani hegekana huʼniye.

Samu 92:9

O Ala kava nene, huʼna, Lama gemo haneʼniyana kame vayakamo falige hosu kavaʼmo nehaya vayaʼmo apaune heʼa atagu faeʼa uʼeʼa hugae.

Mai'naya kavane 10:7

Fatago vayaʼmogi apakiʼapimo alino auleno ateʼniya apakiʼapimo afaʼa haneʼnigeʼa apake okaniʼa apakesamo neʼafiyaʼmonanafa hosu vayaʼaifeʼmo apake kanisigeno apakiʼapimo uno vagigiye.

Neniyo 4:11

Haino alopa heteno muga anaga kokuʼnapilegamo haiʼniyanageʼa muki haopalega ma mopafi maiʼnaya vayaʼmogimo agesaya kava huʼniye.

Neniyo 4:22

Ani yosamo kagaekeʼmae. Ani yosamo haino alopa heʼniya kava huka himamukamo kosino aino atagu faeʼnigeka muki ma mopafi vayaʼaiteʼmo yagaika neʼapatane.

Neniyo 4:27

O kini vekamogae, huʼna, kaipa kagesa afi yaʼmo kamisuva gemo afisanafeʼmo nahauʼniye. Alagamuna kavaʼmo kagaeteʼmo afole aigiyanagi hosu kavakamo ataleteka fatago kavaʼmo huvo. Feʼno yaʼapimo ohaneʼniya vayaʼaitegamo hosu kavaʼmo osuka kahau huka apato. Gotiʼa alagepa huka maisanafeʼmo asole yaʼmo kamisifi okamisifigi amalageka huka ago, huno ha paiʼniye.

Neniyo 4:30

Mani Mamiloni taonimo alo huʼnova taonimo vayaʼmogi ageʼa amuse nehaya taonimo ohaneʼnifiye. Nagaiʼni ala nagiʼnilefeʼmo himamuʼniletiʼmo alo hutove, huno huʼniye.

Luki 1:51

Ayatetiʼmo lokiya kavaʼmo huteno ala vayaʼmo maiʼnone, huteʼa, ina kavaʼmo hugune, ma kavaʼmo hugune, huʼa apakesamo neʼafiya vayaʼmo alino hapa faino apatalegeʼa u eʼa nehae.

Yoni 5:44

Vayaʼmogi lapakitapileʼmo aliʼa asaga huʼa lapatesayafeʼmo lapauʼniyaʼmonanafa Gotiʼa lapakitapileʼmo alino magokeʼamokeʼmo asaga huno lapatesiya kavafeʼmo kahauya nosayaʼmofeʼmo haiya kava hutapa nagaefeʼmo lapakesamo afitapa fatago hugae.