Aepa Gemae 10:5 - The Keyagana NT and 25 OT books

⁵ Ani nofi vayaʼmo solovala ani haigilegamo neʼmaiya vayaʼai apakinago vayane. Ani vayaʼmo Yefeti aginago vayaʼai mafaʼne anagamae. Apakaemo aliʼa fako huʼa apamete apamete huʼa alu nofi vaya alu nofi vayaʼmo koʼapile koʼapileʼmo maiʼneʼa alu apake alu apakemo aiʼa maiʼnae.

Aepa Gemae 10:5 ပူးပေါင်းရင်းမြစ်များ

Aepa Gemae 10:20

Ani nofi vayaʼmo Hamu aginago vayaʼmo maiʼnae. Apakaemo aliʼa fako huʼa alu nofi vaya alu nofi vayaʼmo alu kote alu koteʼmo maiʼneʼa alu apake alu apakemo aiʼa maiʼnae.

Aepa Gemae 10:25

Emeʼa lole mafaʼnelaʼmo Pelekiʼe Yokataniʼeʼmo alino anateʼniye. Pelekiʼmo maiʼniya afinaʼmo muki vayaʼmo aliʼa fako huʼa apaote apaote huʼa maiʼnayaʼmofeʼmo agiʼamo Pelekiʼae huʼa ateʼnae. Ani agimo aepaʼamo aliʼa fako huʼa apaote apaote huʼa maiʼnae. Inagi konagaʼamo agiʼamo Yokataniʼae.

Aepa Gemae 10:32

Mani vayaʼmo Noa mafaʼne anagapati vayaʼmo maiʼnae. Alopa aniʼmo heno hano hutegeʼapaeʼmo ani nofi vayapatikeʼmo alu nofi vaya alu nofi vayaʼmo afole aiteʼa ma mopafiʼmo maiʼnae.

Aepa Gemae 10:4

Yavani mafaʼne anagaʼmogi apakiʼapimo Elisaʼagi Tasisiʼagi Kitimiʼagi Nonanimiʼagi huʼa maiʼnae.

Aepa Gemae 10:6

Hamu ve mafaʼne anagaʼamogi apakiʼapimo Kusiʼagi Isipiʼagi Putiʼagi Kenaniʼagi huʼa maiʼnae.

Aepa Gemae 9:19

Mani loleʼe magoʼe mafaʼne anagaʼmo Noa mafaʼnemo maiʼnageʼa apakaepatiʼmo muki ma mopafi vayaʼmo aiʼa atagu faeʼnae.

Esata 10:1

Kini vekamo Sekisiʼa muki yagaino neʼapateya vayaʼaifeʼmo hunoʼaeʼmo, Takesi monimo namiyo, huno hapa paiʼnigeʼa amiʼnae.

Samu 72:10

Sipeni koteʼmo yagaiʼnaya vayaʼmogiʼe muki solovala ani haigifiʼmo yagaiʼnaya vayaʼmogiʼeʼmo muki yaʼmo fiku alini eʼa amigae. Alepiya koteʼmo yagaiʼnaya vayaʼmogiʼe Itiyopiya koteʼmo yagaiʼnaya vayaʼmogiʼeʼmo ofalinimo fiku amigae.

Aiyeya 11:11

Ani afinaʼmo Ala kava neʼmoʼa napa tu afinaʼmo lokiyaʼamo alino apave litenoʼaeʼmo logufa vayaʼamo noʼapilegamo apavalelino egaiye. Agaemo Asiliya kotegatinagi Isipi kotegatinagi Patalasi kotegatinagi Kasi kotegatinagi Ilami kotegatinagi Saina kotegatinagi Hemati kotegatinagi afagi kotegatinagi huno apavalelino egaiye.

Aiyeya 40:15

Ageyo, huno, muki alu nofi vaya alu nofi vayaʼmo aniʼmo paketifatiʼmo magokeʼatomo lape huno asagauno neʼaiya anikana huʼa maiʼnae. Sigelileʼmo aise mumusopamo haneʼniya kava huno aulagaleʼmo haneʼniye. Ageyo, huno, agaemo aise yaʼmo alino neʼasagaiya kava huno solovala aniʼmo folagapiʼmo muki haneʼniya mopaʼamo alino neʼasagaiye.

Aiyeya 42:10

Lapakaemo Ala kava nefeʼmo saufa yokemo hiyo. Muki ma mopafi vayaʼmogitapamo ala agiʼamo amiyo. Solovalapiʼmo sipifiʼmo neʼvaya vayaʼmogitapamo ala agiʼamo amiyo. Muki solovalapiʼmo maiʼnaya yaʼmogitapamo ala agiʼamo amiyo. Afagi kotegatiʼe ani kotegamo maiʼnaya vayaʼmogitapaʼeʼmo ala agiʼamo amiyo.

Aiyeya 42:4

Agaemo aliʼyaʼalefeʼmo aipamoʼmo kana hisigeno haino me otalegaiye. Haino me otalegaifa aliʼyaʼamo alime alime neʼvisigeno muki ma mopafiʼmo fatago kavaʼmo afole aigiye. Afagi kotega vayaʼmogimo keʼaepa geʼamo alino apaya malesiyafeʼmo agava maigae.

Aiyeya 49:1

Lapakaemo solovala ani haigifiʼmo maiʼnaya vayaʼmogitapaʼe afagitegamo maiʼnaya vayaʼmogitapaʼeʼmo geʼnimo afiyo. Itanimoʼmo alino oʼnateʼniya afinaʼmo Ala kava neʼmoʼa lekana paino nateteno nagiʼnimo nateʼniye.

Aiyeya 51:5

Fatago kavaʼnilefeʼmo ava gemo muki nofi vayaʼmogi hapaopaleʼmo aino atagu faegaiye. Nagaetegatiʼmo lokiyaʼnimo uʼniyanageʼna vayaʼmogi apakufamo aliʼna katiʼna apategauve. Nagaemo ani lokiyaʼniletiʼmo muki vayaʼamo agoti huʼna apategauve. Afagi kotega maiʼnaya vayaʼmogimo nagava maiʼneʼa lokiya kavaʼnilefeʼmo aliʼa amufa amigae.

Aiyeya 59:18

Agaemo hosu kavaʼapilefeʼmo ina kava huno anonaʼapilefeʼmo kayoʼmo apamigiye. Aipamo neleya kavaʼaletiʼmo kame vayaʼamogi hosu kavaʼapimo anonaʼapilefeʼmo alino kanale huno kayoʼmo apamigiye. Agaemo solovala ani haigileʼmo afagiʼaleʼmo maiʼnaya vayaʼmogi hosu kavaʼapimo anonaʼapilefeʼmo lusi kava huno kayoʼmo apamigiye.

Aiyeya 60:9

Alagi lama gemo huʼnaeʼmo, afagi kotega vayaʼmogimo nagava maigae. Nagava maiʼneʼa sipiʼapimo aliʼa atesageno lapakae mafaʼne anagaʼmo apavalelino lapakaetegamo egaiye. Aote Isaleli vayaʼmogi Gotiʼapimoʼmo ala lapakitapimo lapamigiyaʼmofeʼmo apakaemo Ala kava neʼmo Gotitapimo agiʼalefeʼmo siluvaʼe goli yafaʼeʼmo sipifiʼmo lapakaetegamo aliniʼa egae.

Neniyo 11:18

Inagi agaemo solovala ani haigileʼmo haneʼniya kotegamo uno kamemo huno aeno apaka seno asole koʼmo aligiye. Aligiyaʼmonanafa mago ati vayaʼaiteʼmo neʼyagaiya vekamoʼmo kamemo huno aeno aga seno himamuʼamo alino hano huno ateteno agaetegamo lokiya kavaʼmo hugiye.

Sefanaiya 2:11

Ala kava neʼmoʼa apakaetegamo alopa kavaʼmo hisigeʼapaeʼmo lusi kava huʼa apamoʼyamo aigae. Agaemo ma mopafi vayaʼai gotiʼapimogimo ina agufa yakana huno alino ha maleno apatesigeʼa muki kotegamo maiʼnaya vayaʼmogimo koʼapileti koʼapiletiʼmo agaetefekeʼmo mono hugae.