Aepa Gemae 10:11 - The Keyagana NT and 25 OT books

^11-12 Nimalotiʼa ani kotetiʼmo ataleno Asiliya kotegamo uno maiʼneno Niniva taonigi Lehomoti taonigi Kala taonigi Leseni taonimogi huno kiʼniye. Niniva taoniʼe hogote taonimo Kala taoniʼeʼmo hanetegeno folagapiʼmo Leseni taonimo haneʼniye.

Aepa Gemae 10:11 ပူးပေါင်းရင်းမြစ်များ

Esala 4:2

Afiteʼapaeʼmo Selamamategaʼe Isaleli vayaʼmogi apakinago vayaʼaiteʼmo neʼagaiya vayaʼaitegaʼeʼmo eʼa huʼapaeʼmo, Lagaemo afaʼa lategeta eta lapakaeʼeʼmo magokepi Gotitimo mono noʼamo kino. Lapakaemo Gotitapimoʼmo agesayafeʼmo kahauya nehaya kava huta kahauya nehune. Asiliya kini vekamo Isahatoniʼmo lavalelino eʼnigeta eta mani koteʼmo maiʼnona afinatetiʼmo aepa faiteta Gotitefeʼmo ofalini hume hume eta hemenimo maiʼnone, huʼa huʼnae.

Yona 1:2

Alo huka alopa taonimo Niniva taonifiʼmo uka ge hapauvo. Lusi hosu kavaʼmo nehageʼna apakeʼnove, huno ha paiʼniyaʼmonanafa

Maika 5:6

Asiliya koteʼmo Nimilotiʼmo aepa faiʼniya koteʼmo uʼa naipeletiʼmo kamemo huʼa aeʼa apaka segae. Asiliya vayaʼmogi lagae mopaleʼmo esageʼapaeʼmo apakaemo kame hisageno agaemo ani kavatetiʼmo Asiliya vayaʼai apayapatiʼmo hatu maeno lavalelino egaiye.

Neyomi 1:1

Neyamiʼmo Elikosi taonifiʼmo maiʼniya vekamoʼmo mago alagamuna agegekana agufa kavaʼmo huno Gotiʼa ani kana huʼniya gemo alopa Niniva taonieʼmo ha paiʼniye.

Neyomi 2:8

Akeyaʼvilagamo Niniva taonimo alopa ani keli kotugana huno haneʼniyaʼmonanafa hemenimo vayaʼamo taonifatiʼmo ataleʼa apaune heʼnae. Apakaefeʼmo huʼapaeʼmo, Maiyo, maiyo, huʼa keya aeʼnayaʼmonanafa oʼafiʼa magoke vekamoʼa aino atagineno oʼuʼniye.

Neyomi 3:7

Apakaemo kagaemo kagesaya afinaʼmo mukiʼamogimo halate alime ugae. Ageyo, huʼa, Niniva taonimo noʼatufaʼageʼmo haneʼniyanageno mago vekamoʼmo agaefeʼmo hau huno oʼategaiye. Haiyategatiʼmo mago vekamoʼmo ha maesiya agufa alagepa gemo hisiya vekamo egaiye.

Sefanaiya 2:13

Ala kava neʼmoʼa Asiliya vayaʼmogi hoga koteʼmo maiʼnaya vayaʼmo naipeletiʼmo alagi apaisageno Niniva taoniʼapimo noʼatufaʼageʼmo hanesigeno kaʼme koʼmo hau huteno kalusopa kokana huno hanegaiye.

Napa 24:22

Maiʼnayaʼmonanafa Asiliya vayaʼmogimo eʼa apakaeʼeʼmo kame huteʼa aliʼa hosu huʼa apatege apavaleliʼuʼa kalavusi huʼa apatege hugae.

Napa 24:24

Saipalusi vayaʼmogimo koʼapilegatiʼmo sipimo aliniʼeʼa Asiliya vayaʼe Imo vayaʼeʼmo kame huteʼa huʼa aeʼa apaka segayaʼmonanafa Saipalusi vayaʼeʼmo alagikeʼmo asagauʼa aigae.