Aepa Gemae 1:21 - The Keyagana NT and 25 OT books

²¹ Ina kava huno Gotiʼa solovala anipiʼmo alopa noyamegi alu ya alu yaʼmo afaʼa maisaya yanagi alu nama alu namagi huno alo hu maleteno agetenoʼaeʼmo, kanale huʼniye, huno huʼniye.

Aepa Gemae 1:21 ပူးပေါင်းရင်းမြစ်များ

Aepa Gemae 1:18

Ma mopafiʼmo aeno ha lege felugaʼe haniʼilagaʼeʼmo yagaige felugaʼe haniʼilagaʼeʼmo alino fako huge hisiyafeʼmo alo huʼniye. Gotiʼa alo huʼniya kavaʼaeʼmo agetenoʼaeʼmo, Kanale huʼniye, huno huʼniye.

Aepa Gemae 1:20

Huteno Gotiʼa hunoʼaeʼmo, Solovala anipiʼmo alu ya alu yaʼmo afaʼa maisaya yaʼmo maiʼa havaitegae, huno huʼniye. Inagi nama anagaʼmo kokuʼnateʼmo afole aiteʼa halelitata hugae, huno huʼniye.

Aepa Gemae 1:22

Gotiʼa alino auleno anatenoʼaeʼmo, lapakaemo solovala anipiʼmo maiʼnaya yaʼmogitapamo aita atagu faetapa asole hiyo. Inagi nama anagaʼmogitapamo ma mopafiʼmo aita atagu faetapa asole hiyo, huno hapa paiʼniye.

Aepa Gemae 1:25

Gotiʼa afela afugi alu yuna afu alu yuna afugi nagaloʼyavegi yagagafagi huno alo huʼniye. Gotiʼa alo huʼniya yaʼmo apakenoʼaeʼmo, Kanale huʼniye, huno huʼniye.

Aepa Gemae 1:31

Huteno Gotiʼa muki alo huʼniya yaʼaeʼmo agetenoʼaeʼmo alagi alagepa yaʼageʼmo haneʼniye, huno ageʼniye. Hani huteno ko tiʼnigenoʼaeʼmo napa sikisi afinaʼmo afole aiʼniye.

Aepa Gemae 2:19

Huno huteno Gotiʼa mopamo aliteno yagagafagi muki alu afu alu afugi namagi huno alo huʼniye. Gotiʼa ani vekamoʼmo apakiʼapimo apatesiyafeʼmo muki yaʼamo apavalelino eʼniye. Inagi ani vekamoʼmo muki yaʼaeʼmo magoke magoke huno apaki apateteno nama anagaʼeʼmo apaki apateʼniye. Agaemo muki yuna yafeʼmo apaki apatege muki afela yafeʼmo apaki apatege muki nama anagafeʼmo apakimo apatege huʼniye. Ani vekamoʼmo haiya agufa apakimo apateʼnifi ani apakiʼapigeʼmo alagi haneʼniye. Haneʼniyaʼmonanafa ani yaʼafatiʼmo Atamuʼeʼmo mago afaluʼamo yaʼmo huno maiʼneno ha maesiya vekamo oʼmaiʼniye.

Aepa Gemae 6:20

Muki alu nama alu namamo apavalege muki alu afu alu afumo apavalege kalamo apavalege muki alu yagagafa alu yagagafamo apavalege hulikuka sipifiʼmo apatesanageʼa afaʼa maigae.

Aepa Gemae 7:14

Muki agufa afela afugi yuna afugi yagagafagi namagi huʼa Noa afamo anagaʼaʼeʼmo sipifiʼmo uʼa haiʼnae.

Aepa Gemae 8:17

Muki apauneʼapameʼe yaʼmo namagi pulumakagi afugi yagagafagi huka za apavalelika emikegeʼapao, muki haopalegamo uʼeʼa huʼa apanaʼaumo maleʼa aiʼa atagu faesageno magoʼe huno asole hugiye, huno ha paiʼniye.

Aepa Gemae 8:19

Muki alu afu alu afugi yagagafagi namagi huʼa apakaiʼapi apakaiʼapimo aliʼa lokaete lokaete huʼa emiʼeʼnae.

Aepa Gemae 9:2

Muki afumogi yagagafamogi namamogi noyamemogiʼenagi huʼa lapakaefeʼmo kolitapi nehisagetapa yagaitapa apategae. Aliʼna lapayapiʼmo malove.

Aepa Gemae 9:7

Lapakaemo asole mafaʼnemo alitapa apatesageʼa asole vayaʼmo ma mopafiʼmo aiʼa atagu faeʼa maiʼa kili paeyo, huno hapa paiʼniye.

Samu 148:7

Lapakaemo muki ma mopafatiʼmo Ala kava neʼmo agiʼaleʼmo alita asaga hiyo. Alopa noyame anaganagi solovala aniʼmo afepilagamo vasilonafiʼmo maiʼnaya yaʼmogitapagi, huta, Ala kava neʼmo agiʼaleʼmo alita asaga hiyo.

Hatu maeno apate'niya gemae 1:7

Faliʼnayaʼmonanafa Isaleli vayaʼmogimo asole mafaʼnemo aliʼa apateʼnayaʼmofeʼmo magoʼe huʼa asole vayaʼmo afole aiteʼa Isipi koteʼmo maiʼa kili paeteʼa lokiya nofi vayaʼmo afole aiʼnae.

Hatu maeno apate'niya gemae 8:3

Alopa aniʼmoʼmo asole eso anagaʼmo alino apatesigeʼa anipatiʼmo ataleʼa eʼa alopa nokafiʼmo uʼa haiʼa maige nehavana yapilagamo hipakafiʼmo uʼa haiʼa maige aliʼyakamo neʼaliya vayaʼmogi nopiʼmo uʼa haiʼa maige apakufaleʼmo uʼa haiʼa maige sitopufiʼmo uʼa haiʼa maige peleti mayamo nekaya yuvapafiʼmo uʼa haiʼa maige hugae.

Yona 1:17

Ala kava neʼmoʼa alopa noyamemo alino ateʼnigeno uno aka huʼneno Yonaʼmo alino nakaitalegeno uno lamino loleʼe magoʼe felugaʼe haniʼilagaʼeʼmo noyamemo agupafiʼmo maiʼniye.

Yona 2:10

Ala kava neʼmoʼa noyameeʼmo ha paiʼnigeno uno ani agiʼnaleʼmo Yonaʼmo mu valino ateʼniye.

Matiyu 12:40

Yonaʼa alopa noyamemo agupafiʼmo loleʼe magoʼe felugaʼe loleʼe magoʼe haniʼilagaʼeʼmo maiʼniya kava huno Vemo mafaʼnemoʼmo loleʼe magoʼe felugaʼe loleʼe magoʼe haniʼilagaʼeʼmo mopamo afepilagamo uno lamino maigiye.