Aepa Gemae 1:2 - The Keyagana NT and 25 OT books

² Huʼniyaʼmonanafa mopaʼageʼmo hanege kokuʼnaʼageʼmo hanege huʼnigeno magoke yaʼmo alagi ohaneʼniyaʼmofeʼmo kanale osuʼniye. Muki haopalegamo alopa aniʼmo haneʼnigeno hani huʼniye. Goti Aunemeʼamoʼmo ani alopa aniteʼmo halelinuneno huno haku aige aige huno maiʼniye.

Aepa Gemae 1:2 ပူးပေါင်းရင်းမြစ်များ

Samu 104:30

Kagaemo Kaunekameʼmo alika ateʼnanageno uno alo huno neʼapate. Kagaemo ma mopafiʼmo muki saufa afumo afole aisaya kavaʼmo nehane.

Samu 104:6

Kagaemo ma mopamo kukenagana huka solovala anitetiʼmo aika ati kae maleʼnane. Hogoteno aniʼmoʼa muki aveʼamo aeno ati kaeʼniye.

Samu 136:6

Agaemo solovala aniʼmo afepilagamo hanesiyafeʼmo ma mopamo alo huno anagamo maleʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 148:7

Lapakaemo muki ma mopafatiʼmo Ala kava neʼmo agiʼaleʼmo alita asaga hiyo. Alopa noyame anaganagi solovala aniʼmo afepilagamo vasilonafiʼmo maiʼnaya yaʼmogitapagi, huta, Ala kava neʼmo agiʼaleʼmo alita asaga hiyo.

Mai'naya kavane 8:24

Ala kava neʼmoʼa solovala aniʼe muki anilafaʼeʼmo alo osuʼnenoʼaeʼmo hogoteno alino afole aino nateʼniye.

Aiyeya 45:18

Ala kava neʼmoʼa kokuʼnaʼe mopaʼeʼmo alo huʼniya Gotiʼa alino lokiya vaino ateʼniye. Vayaʼmo oʼmaisageno kaʼme koʼmo hanesiyafeʼmo alo osuʼnifa vayaʼmo ma mopafiʼmo maisayafeʼmo alo huʼniye. Agaemo hunoʼaeʼmo, Ala kava neʼmo magokeʼageʼmo maiʼnigeno magoʼe huno alu gotiʼmo oʼmaiʼniye.

Neyomi 2:10

Niniva taonimo taoniʼageʼmo haneʼnigeno vayaʼmo oʼmaiʼnae. Muki yaʼmo alagi hosuʼnigeno no atufaʼageʼmo haneʼniye. Niniva taonifi vayaʼmogi lusi kava huʼa koli huʼnagenoʼaeʼmo apaiyamoʼmo atete huge lokiyaʼapimo hano huge huʼnigeno apaugosamoʼmo alino kola paige huʼniye.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.