Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aepa Gemae 1:16 - The Keyagana NT and 25 OT books

16 Gotiʼa lole alopa ha le yatalaʼmo alo huʼniye. Alopa ha le yaʼmoʼa felugamo yagaisigeno aise ha le yaʼmoʼa haniʼilagamo yagaisiyafeʼmo alo huʼniye. Gotiʼa ani kava huno kanefiʼeʼmo alo huʼniye.

အခန်းကိုကြည့်ပါ။ ကော်ပီ




Aepa Gemae 1:16
22 ပူးပေါင်းရင်းမြစ်များ  

Mago ha le yaʼmo kokuʼnate afole aiteno ma mopafiʼmo aeno ha legaiye, huno huʼniye. Inagi ha le yaʼmo afole aiʼniye.


Yegemogaʼe kaimogaʼene, huʼna, agiʼaleʼmo alitana asaga hiʼao. Muki aetapa ha nelaya kanefiʼmogitapae, huʼna, agiʼaleʼmo alita asaga hiyo.


Agaiʼageʼmo ge huʼnigeʼa afole aiʼnayaʼmofeʼmo ani yaʼmogimo Ala kava neʼmo agiʼaleʼmo aliʼa asaga hiyo.


Yegemoʼa kokuʼnaʼmo aepalegatiʼmo eno haineno atupalegamo uno nelamiye. Yegemo nelegenoʼaeʼmo mago amuko nosiya haopalegamo ohaneʼnifa muki haopalegamo alagi leno amuko nehiye.


Nagaemo kokuʼnate yaʼmo kayatetiʼmo alo huʼnana yaʼmo kaiʼe muki kanefiʼeʼmo alo huka maleʼnana yafeʼmo nagesamo afiteʼnaeʼmo, ma mopafi vayaʼmo ina agufa vayanagi na kava higeka apakaefeʼmo kagesamo neʼafine. Na kava higeka vemo mafaʼnemo ha neʼmane.


Lapakaemo anaga kokuʼnategamo kanefiʼmo haneʼniyanagi alita maku hutapa ageyo. Ina laʼmo muki kanefiʼmo afa yatetiʼmo alo huʼniye. Agaemo ami vayaʼaiteʼmo yagaino neʼapateya vekagana huno napaʼapimo lekana paiteno alinino hogoteno neʼviye. Agaemo apakiʼapimo aeteno alopa lokiyaʼaletiʼe lokiya himamuʼaletiʼeʼmo yagaino neʼapateyanageʼa magokeʼageʼmo lageso osuʼniyanageno lageso osugiye.


Nagaekeʼmo ge nehugenoʼaekeʼmo aeno ha leteno hani hugiye. Nagaekeʼmo magokepiʼmo alagepa huʼa maisaya afinaʼmo alo huge alopa kana yaʼmo alisaya afinaʼmo alo huge nehuve. Nagaemo muki ani kavaʼmo nehugenoʼaeʼmo afole neʼaiye.


Yegeʼe kaiʼeʼmo oʼuʼana noʼanifiʼmo afaʼa maiʼnaʼae. Kevekamo hetalanageno neʼunoʼaeʼmo aeno halelino uʼniye. Hayokamo yaga auka atalenagenoʼaeʼmo alino alave alave huʼniye.


Ani hanageke yaʼmo afole neʼaisigenoʼaeʼmo malage huno yegemo oleno hani nehisigenoʼaeʼmo kaimo olegaiye. Asole kanefiʼmo kokuʼnapatiʼmo asagauno neʼaisigeno kokuʼnapi neʼmaiya apaune vayaʼmogi atete hugae.


Felugakukuʼmo muki haopalegamo hani huteno loleʼe magoʼe aovamo utegeno halate uneʼmo yegemo leʼniye.


Yegemo konali yaʼamo mago aeto agufa konali yaʼmo haneʼnigeno kaimo konali yaʼamo aeto agufa konali yaʼmo haneʼnigeno muki kanefiʼamogi konali yaʼapimo aeto agufa konali yaʼmo haneʼnigeno alu kanefi alu kanefiʼmoʼa aeto aeto agufa konali yaʼamo haneʼniye.


Gotiʼa ha le konali yaʼamoʼmo aeno ha leʼnigeno aikeli sipisipimoʼa lamugana huno aeno ha neleyaʼmofeʼmo yegemoʼe kaimoʼeʼmo aeʼana ha lesaʼa aliʼyaʼanimo alagi ohaneʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ