Aepa Gemae 1:11 - The Keyagana NT and 25 OT books

¹¹ Huteno Gotiʼa hunoʼaeʼmo, Mopamoʼmo kahaumo alino afole aige neʼyaʼmoʼa avina yaʼmo hanesiya neʼyaʼmo afole aige yosamoʼmo alagamo aesigeno ani alagafiʼmo avinaʼamo afole aige hugiye, huno huʼniye. Huʼnigeno ani yaʼamo ago afole aiʼniye.

Aepa Gemae 1:11 ပူးပေါင်းရင်းမြစ်များ

Aepa Gemae 1:12

Kahaugi alu neʼya alu neʼyaʼmo avina yaʼagi alu yosa alu yosamo alagafiʼmo avinaʼagi huno mopaleʼmo afole aiʼnigeno Gotiʼa agetenoʼaeʼmo, kanalene, huno huʼniye.

Aepa Gemae 1:29

Gotiʼa hunoʼaeʼmo, Nagaemo muki neʼyaʼmo avinaʼamo lanamige yosa alagamo avinaʼamo lanamige huvanagetana muki ani neʼyaʼmo afaʼa negaʼae.

Aepa Gemae 2:16

Gotiʼa ha painoʼaeʼmo, kagaemo muki mani hoyafiʼmo haneʼniya yosa alagaʼamo afaʼa negane.

Aepa Gemae 2:5

yosagi kahaugi neʼyanagi huno ohaneʼniye. Hogoteno koʼmo ma mopafiʼmo alino ategeno ailino eminoʼmeʼniyaʼmofeʼmae. Mago hoyamo alino vaisiya vekamo oʼmaiʼniye.

Aepa Gemae 2:9

Gotiʼa alu yosa alu yosamo ageʼa hapaʼye huteʼa alagepa hisigeʼa nesaya yosa alagamo aesiya yosamo mopafatiʼmo alino afole aino ateʼniye. Hoya folagapiʼmo mago haneʼniya yosamoʼmo afaʼa maisaya yaʼmo apamisiya yosamo haneʼniye. Inagi mago yosaʼeʼmo haneʼniyana alagepa kavaʼe hosu kavaʼeʼmo alino apave lisigeʼa afiteʼa agesaya yosamo haneʼniye.

Samu 1:3

Apakaemo ani agoʼnanenamo folagapiʼmo fai maleʼniya yosamoʼmo alagamo neʼaeya afinaʼmo alagamo aesigenoʼaeʼmo haitaʼamo falu noteya yosagana huʼa maiʼnae. Muki aliʼnaya aliʼyaʼapimoʼmo alagepa huno afole neʼaiye.

Samu 147:8

Agaemo kokuʼnateʼmo hiyatetiʼmo aino ati kaege koʼmo aisiyafeʼmo alo huge nehiye. Ina kava huno kahaumo lagisiyafeʼmo koʼmo alino atalegeno emineneʼe.

Aiyeya 61:11

Mopamoʼmo neʼyaʼmo alino afole aino atege hoyafiʼmo hakale maleʼnaya avina yaʼmo hoyamoʼmo alino hageno atege nehiya kava huno Ala kava neʼmo Gotiʼa fatago kavaʼe agiʼaleʼmo aliʼa asaga nehaya kavaʼeʼmo muki nofi vayaʼai apaulagaleʼmo alino afole aino ategaiye.

Matiyu 3:10

Koʼneletiʼmo yosamo hafuʼyaʼaʼeʼmo heno halagatino atalesiyafeʼmo ago alo huno maleʼniye. Agaemo muki yosamoʼmo alagepa alagamo noʼaesiyana koʼneletiʼmo heʼya aino atafiʼmo kaegaiye.

Matiyu 6:30

Inagi Gotiʼa kahaufilaga kahaumo hemenimo haneʼniyanageno egamo ata lesiya kahaumo auseʼamo vaino neʼateyaʼmofeʼmo kukena yatapimo magoʼe huno lapamigiye. Gotifekeʼmo laha maegaiye, hutapa aiseʼamo lapakesamo afita fatago nehae.

Maki 4:28

Mopamokeʼmo ani agufa aliʼyaʼmo neʼaligeno neʼyaʼmo afole neʼaiye. Hogoteno yosaʼageʼmo hagetenoʼaekeʼmo haitaʼamo afole aitegeno neʼyaʼamo afole neʼaiye.

1 Kolitiyani 15:38

Gotiʼa alino hageno atetenoʼaeʼmo apamiguve, huno huʼniya yaʼmo yosaʼaʼe haitaʼaʼeʼmo neʼapamiye. Muki alu avina ya alu avina yaʼmo agaiʼageʼmo yosaʼaʼe haitaʼaʼeʼmo neʼapamiye.

Himulu 6:7

Koʼmo mopafiʼmo aino uno nelamigenoʼaeʼmo neʼyaʼmo nehageya mopamoʼmo hoyamo neʼvaiya vayaʼmo hapa maeʼnigeno Gotiʼa, ani agufa mopaeʼmo alino auleno neʼate.

Yemisi 3:12

Konagaʼnimogitapae, huʼna, fiki yosamoʼa alivi alagamo afaʼa aegaifiye. Nofimoʼa fiki alagamo afaʼa aegaifiye. Haʼao. Ani kava huno solovala anipatiʼmo haga aniʼmo afaʼa alino ohamalegaiye.