Aepa Gemae 1:1 - The Keyagana NT and 25 OT books

¹ Akeyaʼvilagamo aepa faiʼniya afinaʼmo Gotiʼa kokuʼnaʼe mopaʼeʼmo afa yatetiʼmo alo huʼniye.

Aepa Gemae 1:1 ပူးပေါင်းရင်းမြစ်များ

Samu 104:24

O Ala kava nene, huʼna, asole aliʼyaʼmo alu aliʼya alu aliʼyaʼmo aliʼnane. Kagaemo afiteka ageʼnana kavakamo alopa kavaʼmo haneʼnigeka muki yaʼmo alo huʼnane. Kagaemo alo huʼnana yaʼmoʼmo ma mopafiʼmo alagi havaiteʼniye.

Samu 104:30

Kagaemo Kaunekameʼmo alika ateʼnanageno uno alo huno neʼapate. Kagaemo ma mopafiʼmo muki saufa afumo afole aisaya kavaʼmo nehane.

Samu 115:15

Kokuʼnaʼe ma mopaʼeʼmo alo huʼniya Ala kava neʼmoʼa alino auleno lapateno.

Samu 121:2

Avelegatiʼmo naha maesiya yaʼmo afole oʼaigifa Ala kava neʼmo kokuʼnaʼe mopaʼeʼmo alo huʼniya vekamokeʼmo naha maegaiye.

Samu 124:8

Ala kava neʼmoʼa kokuʼnaʼmo alo hute mopamo alo hute huʼniya vekamo agaiʼafiʼmo laha neʼmaeya kavaʼmo haneʼniye.

Samu 134:3

Kokuʼnaʼe ma mopaʼeʼmo alo huʼniya Ala kava neʼmoʼa Saiyoni taonifatiʼmo alino auleno lapateno.

Samu 136:5

Agaiʼamo afiteno ageʼniya kavaʼaletiʼmo muki kokuʼnaʼmo alo huʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 146:6

Ani Gotiʼmo kokuʼnanagi ma mopagi solovala aninagi ani yateʼmo muki maiʼnaya yanagi huno alo huʼniye. Agaemo muki afinaʼaeʼmo agaiʼa geʼamo akame nehiye.

Samu 8:3

Nagaemo kokuʼnate yaʼmo kayatetiʼmo alo huʼnana yaʼmo kaiʼe muki kanefiʼeʼmo alo huka maleʼnana yafeʼmo nagesamo afiteʼnaeʼmo, ma mopafi vayaʼmo ina agufa vayanagi na kava higeka apakaefeʼmo kagesamo neʼafine. Na kava higeka vemo mafaʼnemo ha neʼmane.

Samu 90:2

Akeyaʼvilagamo aveʼe ma mopaʼeʼmo alo osuʼnana afinaʼmo hogoteka maiʼnananageka maige maige huka alagi maigane.

Samu 96:5

Muki alu nofi vaya alu nofi vayaʼai gotiʼapimogimo aigofe gotigimo maiʼnayaʼmonanafa Ala kava neʼmoʼa kokuʼnaʼmo alo huʼniye.

Hatu maeno apate'niya gemae 20:11

Ala kava neʼmoʼa sigisiʼa afinaʼmo kokuʼnanagi mopagi solovala aninagi muki alu ya alu yaʼmo haneʼniya yanagi huno alo huno hano huteno seveni afinaʼmo maino haga leʼniyaʼmofeʼmo Ala kava neʼmoʼa Sapati afinaʼmo alagepa huno aoteʼmo haneno, huno hu maleʼniye.

Hatu maeno apate'niya gemae 31:18

Ala kava neʼmoʼa Sainai avefiʼmo ani gemo ha paitenoʼaeʼmo lole latapa yafatalateʼmo ayatetiʼmo avoʼmo kae maleʼniya yafatalaʼmo amiʼniye.

Mai'naya kavane 16:4

Ala kava neʼmoʼa muki yaʼamo agaiʼalefeʼmo alo hu maleʼniye. He, hosu vayaʼmo afela hesaya afinaʼmo alo hu maleʼniye.

Mai'naya kavane 3:19

Ala kava neʼmoʼa alagepa huno afiteno ageʼniya kavatetiʼmo ma mopamo faino ateʼniye. Afino aeto huʼniya kavatetiʼmo kokuʼnaʼmo alo huʼniye.

Aiyeya 40:21

Lapakaemo oʼagesafiye. Lapakaemo oʼafigafiye. Gotiʼa ma mopamo alo huʼniya afinatetiʼmo lama ge Gotiʼa maiʼniye, hutapa oʼafiʼnafiye. Haiya kava huno ma mopamo afole aiʼnifi hutapa oʼafiʼnafiye.

Aiyeya 40:26

Lapakaemo anaga kokuʼnategamo kanefiʼmo haneʼniyanagi alita maku hutapa ageyo. Ina laʼmo muki kanefiʼmo afa yatetiʼmo alo huʼniye. Agaemo ami vayaʼaiteʼmo yagaino neʼapateya vekagana huno napaʼapimo lekana paiteno alinino hogoteno neʼviye. Agaemo apakiʼapimo aeteno alopa lokiyaʼaletiʼe lokiya himamuʼaletiʼeʼmo yagaino neʼapateyanageʼa magokeʼageʼmo lageso osuʼniyanageno lageso osugiye.

Aiyeya 40:28

Lapakaemo afiʼnafi oʼafiʼnae. Mago vayaʼmogimo lapa paiʼnagetapa oʼafiʼnafiye. Ala kava neʼmo maige maige huno neʼmaiya Gotiʼa muki ma mopamo aluga aluga atupalenagi huno alo huʼniya Gotiʼa aunena oʼaige alaga ohaege huʼnigeno neʼmaiye.

Aiyeya 42:5

Ala kava neʼmo Gotiʼa kokuʼnaʼmo alo huteno palaketimo aliʼa api aiteʼa aliʼa yatala nehaya kava huno kokuʼnaʼmo alino api aiteno alino yatala huʼniye. Agaemo ma mopamo alo huteno muki ma mopafiʼmo maiʼnaya vayaʼe haneʼniya yaʼeʼmo alo huʼniye. Agaemo ma mopafiʼmo maiʼnaya vayaʼaina apavamusaʼmo apamige umenitata nehaya vayaʼmo apauneʼapameʼmo apamige nehiye. Ani Gotiʼa aliʼyaʼamo neʼaliya vekaeʼmo ina gemo huno ha painoʼaeʼmo.

Aiyeya 45:18

Ala kava neʼmoʼa kokuʼnaʼe mopaʼeʼmo alo huʼniya Gotiʼa alino lokiya vaino ateʼniye. Vayaʼmo oʼmaisageno kaʼme koʼmo hanesiyafeʼmo alo osuʼnifa vayaʼmo ma mopafiʼmo maisayafeʼmo alo huʼniye. Agaemo hunoʼaeʼmo, Ala kava neʼmo magokeʼageʼmo maiʼnigeno magoʼe huno alu gotiʼmo oʼmaiʼniye.

Aiyeya 51:13

Lapakaemo alo huʼna lapateʼnova Ala kava neʼmoʼnaeʼmo lapake kaniʼniye. Nagaemo kokuʼnaʼmo aliʼna api aiʼna yatala huge mopamo alo huteʼna aepaʼamo aliʼna lokiya vaiʼna atege huʼnove. Hanagekeyaʼmo nelapamiya vayaʼmogimo aliʼa hano huʼa lapatalesayafeʼmo alo huʼa maiʼneʼa apaipamo leʼa nelapataya kavafeʼmo muki afinaʼaeʼmo koli huʼnae. Koli huʼnayaʼmonanafa apaipamo leʼa nelapataya vayamo hemenimo haiyategamo maiʼnae.

Aiyeya 51:16

Nagaemo kagaemo saufa kokuʼnaʼe saufa mopaʼeʼmo alo huteka Saiyoni vayaʼaifeʼmo hukaeʼmo, lapakaemo vayaʼnimo maiʼnae, huka hapa paisanafeʼmo geʼnimo kavayafiʼmo maleteʼna nagaemo kagufaleʼmo naya auneʼaletiʼmo aiʼna ati kaeʼna kateʼnove, huno ha paiʼniye.

Aiyeya 65:17

Afiyo, huʼna, Nagaemo saufa kokuʼnaʼe saufa mopaʼeʼmo afa yatetiʼmo alo nehuve. Hogoteno afole aiʼniya kavafeʼmo magoʼe huʼa apakesamo oʼafigae.

Matiyu 11:25

Ani afinaʼmo Yesuʼa nunumuʼmo hunoʼaeʼmo, Afo, huno, Kokuʼnapiʼe ma mopafiʼeʼmo neʼyagaina Ala kava neʼmogae, huʼna, ageteʼa afiʼnaya vayaʼe sukulu huʼnaya vayaʼmogiʼeʼmo ani kavaʼmo alagi oʼagesayafeʼmo alika fala ki maleʼnanaʼmonanafa aise mafaʼne anagaʼmo alika apave liʼnanaʼmofeʼmo kahao ke nehove.

Maki 13:19

Ani afinaʼmo afole aisiya hanageke yaʼmoʼa hogoteno afole aiʼniya hanageke yaʼmo Gotiʼa ma mopamo alo huʼniya afinatetiʼmo afole aime aime eʼniya hanageke yanagi muki afole aisiya hanageke yanagi huno ago aeno aga seno afole aigiye.

Apa 14:15

Alopa gefatiʼmo huʼanaeʼmo, Na kava higetapa ani agufa kavaʼmo hugefe nehae. Laʼagaemo lapakaekana hutaʼa vayalafatalaʼmo maiʼnoʼae. Laʼagaemo lapa paitaʼaeʼmo, Ani agufa kavaʼmo ina agufa kavaʼmo haneʼniyanageno lapa oʼmaegaiyanagi ataletapa Gotiʼa afaʼa maiʼniya vekamoʼmo kokuʼnanagi ma mopagi solovala aninagi muki ma mopafiʼmo haneʼniya yanagi kokuʼnate haneʼniya yanagi huno alo huʼniya Gotitegamo viyo, hutaʼa lapa paitetaʼa alagepa faigoko gemo aetaʼa hakalo hutaʼa lapa nepauʼae.

Apa 17:24

Gotiʼa ma mopaʼe muki ma mopafi haneʼniya yaʼeʼmo alo huteno kokuʼnate haneʼniya yateʼe ma mopafi haneʼniya yateʼeʼmo neʼyagaiye. Vayaʼmogi muki ki maleʼnaya mono nopiʼmo noʼmaiye.

Apa 4:24

Ani gemo afiteʼapaeʼmo magoke apaipa apakesamo aliʼneʼa Gotifeʼmo nunumuʼmo huʼapaeʼmo, Ala kava nene, huʼa, kokuʼnanagi mopagi solovala aninagi kokuʼnapi haneʼniya yanagi ma mopafi haneʼniya yanagi solovala anipi haneʼniya yanagi huka alo huʼnana vekae, huʼa,

Lomu 11:36

Gotiʼa muki yaʼmo afoʼamoʼmo maiʼnigeno muki yaʼamo agaetetikeʼmo afole neʼaiye. Muki yaʼamo agaetetiʼmo hemenimo haneʼnigeno yagaino neʼate. Agaiʼalefeʼmo muki vayaʼe yaʼeʼmo afole aiʼnae. Muki vayaʼmogimo muki afinaʼmo agiʼaleʼmo aliʼa asaga huge huge huʼa maiyo. He, lama ge.

1 Kolitiyani 8:6

Maiʼnayaʼmonanafa ago afiteta ageʼnonana magoke Gotiʼa afotimoʼmo maiʼniye. Agaemo muki yaʼmo afoʼamoʼmo maiʼnigeta agaetefeʼmo afaʼa maiʼnone. Ani kavaʼmo huno magoke Ala kava netimo maiʼniye. Agaemo Yesu Kalaisiʼa maiʼnigeno Gotiʼa agaetetiʼmo muki yaʼamo alo hu maleʼniye. Lagaemo agaetetiʼmo afaʼa maisuna yaʼmo aliteta maiʼnone.

Efasasi 3:9

Gotiʼa Yesu Kalaisitetiʼmo muki yaʼmo afa yatetiʼmo alo huʼniya vekamoʼmo agesamo afitenoʼaeʼmo, ani kavaʼmo huguve, huno huʼniya kavaʼmo akeyaʼvilagamo alino fala ki maleʼnigeʼa muki kafugaʼae kafugaʼaeʼmo oʼageʼnae. Oʼageʼnayaʼmonanafa hemenimo Gotiʼa haiya kava huno agesamo afiʼniya kavaʼmo hisifi huʼa muki vayaʼmogimo ageʼa alagepa huʼa agesayafeʼmo aliʼyaʼamo alisuvafeʼmo navaleno nateʼniye.

Himulu 1:10

Magoʼe gemo hunoʼaeʼmo, Ala kava neyo, huno, aepa faiʼniya afinaʼmo ma mopamo alo huʼnane. Kagaemo kayatetiʼmo kokuʼnaʼmo alo huʼnane.

Himulu 1:2

Hemenimo henaga afinaʼmo Mafaʼneʼaletiʼmo laha paiʼniye. Mafaʼneʼapimogimo afoʼapimogi muki yaʼapimo neʼaliya kava huno Mafaʼneʼamoʼmo muki yaʼamo alisiyafeʼmo ago lekana paino ateʼniye. Gotiʼa agaetetikeʼmo muki yaʼmo alo huʼniye.

Himulu 11:3

Lagaemo lagesamo afita fatago nehuna kavatetiʼmo hutaeʼmo, Gotiʼa geʼaletiʼmo ma mopagi kokuʼnanagi muki neʼagona yanagi huno oʼageʼnona yatetiʼmo alo hu maleʼniye, huta afita aeto nehune.

Himulu 3:4

Muki noʼamo agaiʼamo afaʼa afole noʼaifa vayaʼmogigeʼmo nekiye. Inagi Gotiʼa muki yaʼmo afoʼamoʼmo maiʼniye.

2 Pita 3:5

Huʼa hugayaʼmonanafa akeyaʼvilaga Gotiʼa hunoʼaeʼmo, afole aino, huno huʼnigeno ma mopaʼe kokuʼnaʼeʼmo afa yatetiʼmo afole aiʼniye. Mopamo anipatiʼmo afole aiʼnigeno solovala aniʼmoʼa faino vego huno ateʼnigeno mopamo folagapiʼmo haneʼniye. Haneʼniya mopamo haneʼnigeno aniʼmoʼa henagaʼamo ago aeno ati kaeʼnigeno atafa mopamo ago hano huʼniye. Ani vayaʼmogimo mani kavafeʼmo apakesamo afisayafeʼmo ohapauʼnigeʼa apaulagamo ali huʼnigeʼa noʼagae.

1 Yoni 1:1

Lagaemo mago vekamo agiʼamo Goti Geʼamo maige maige huʼa neʼmaiya yaʼmo afoʼamofeʼmo ava gemo huta mani gemo avoʼmo nekaone. Ani vekamo aliʼyaʼamo aepa faino aliʼniya afinatetiʼmo maime maime eʼnigetaeʼmo geʼamo afiteta laulagafatiʼmo ageʼnone. He, aulu haeta ageteta agufaleʼmo layatetiʼmo ame aliʼnone.

Leveleseni 10:6

apagoʼyamo ataleʼa ge nehaya kavakana huno Goti agiʼaletiʼmo ge huʼniye. Agaemo maige maige huno maiʼneno kokuʼnaʼe muki kokuʼnateʼmo haneʼniya yaʼenagi ma mopaʼe muki ma mopafiʼmo haneʼniya yaʼenagi solovala aniʼe muki solovala anipiʼmo maiʼnaya yaʼeʼmogi huno alo huʼniya vekamo agiʼaletiʼmo lokiya gemo hunoʼaeʼmo, afinaʼapimo ago hano hugiye, huno huʼniye.

Leveleseni 14:7

Halelino neʼunoʼaeʼmo alopa gefatiʼmo hunoʼaeʼmo, Gotiʼa agoti huno apatesiya afinaʼmo ago afole aiʼniyaʼmofeʼmo Gotifeʼmo koli hutetapa agiʼaleʼmo alita asaga hutapa ateyo. Kokuʼnanagi ma mopagi solovala aninagi ma mopafiʼmo uno nelamiya aniʼmogi huno alo huʼniya vekaekeʼmo mono hiyo, huno huʼniye.

Leveleseni 21:6

Naha paiteno magoʼe gemo hunoʼaeʼmo, Aliʼyaʼnimo aliʼna hano huʼnove. Nagaemo aepa fai maleʼnovanageʼna aliʼna hano huʼna atalesuva vekamo maiʼnove. Hogoteʼna maiʼnovanageʼna hemeniʼeʼmo neʼmauvanageʼna henagaʼaʼeʼmo alagi maiguve. Anifeʼmo hapauʼnisiya vayaʼmogimo miya ofaigayanageʼa meti aniʼmoʼa afaʼa maisaya yaʼmo neʼapamiya aniʼmo afaʼa fikumo hefiʼna apamiguve.

Leveleseni 22:13

Nagaemo aepa fai maleʼnovanageʼna aliʼna hano huʼna atesuva vekamo maiʼnove. Hogoteʼna maiʼneʼna hemeniʼeʼmo neʼmauvanageʼna henagaʼaʼeʼmo alagi maisuva vekamo maiʼnove. Aliʼna aepa faiʼna neʼatova vekamo maiʼneʼnaeʼmo aliʼna hano huʼna neʼatova vekamo maiʼnove.

Leveleseni 3:14

Kagaemo Leyotisiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Gotiʼa geʼamo naha paiʼnigeʼna he lama gemo nehuva vekamo maiʼnove. Gotifeʼmo fatago gemo alagi lama geʼamo aeʼna hakalo huʼna hapa nepauva vekamo maiʼnove. Muki yaʼamo Gotiʼa alo huʼniya yaʼmo aepa faiʼnova vekamo maiʼneʼnaeʼmo mani gemo lapa nepauve.

Leveleseni 4:11

Maleteʼapaeʼmo, Ala kava nene, huʼa, Muki yaʼe vayaʼeʼmo alo huʼnane. Kahauʼnigeka alo huteka afaʼa maisaya yaʼmo apamiʼnanageʼa hanege maige huʼnae. Kagaemo ha le konali yakamo alige ala kagikamo alige kayamufakamo alige hisana vekamo maiʼnane, huʼa huʼnae.