3 Yoni 1:8 - The Keyagana NT and 25 OT books

⁸ Lagaemo ani agufa vayaʼmo hapa maesunageno lama geʼamo afole aisiyafeʼmo apakaeʼeʼmo magokepi lokaeta aliʼyaʼmo aligetao.

3 Yoni 1:8 ပူးပေါင်းရင်းမြစ်များ

Matiyu 10:14

Mago vayaʼmogi aliʼa falu fala huʼa olapatege getapimo oʼafige hisayaʼmoʼmo ani vayaʼai noʼapifatiʼmofi taoniʼapifatiʼmofi hutapa ataleta ugefe nehutapaeʼmo lapaigopalegatiʼmo mumusopamo aita fopo hutaletapa apataleta viyo.

Matiyu 10:40

Mago vayaʼmogimo lapakaemo aliʼa falu fala huʼa nelapatesayana ani kava huʼa nagaeʼeʼmo aliʼa falu fala huʼa neʼnatae. Ani kava huʼa nagaemo aliʼa falu fala huʼa neʼnatesaya vayaʼmogimo alino nateʼnigeʼna emiʼnenova vekaeʼmo aliʼa falu fala huʼa neʼatae.

Luki 11:7

noʼafatiʼmo hunoʼaeʼmo, ago kita ki maleta mafaʼne anagaʼniʼe nagaiʼniʼeʼmo ago havaeʼnonaʼmofeʼmo he tiʼna neʼyaʼmo aliʼna okamiguvanagi afaʼa ateka uvo, huno kaha paisigekaeʼmo na agufa kavaʼmo hugane.

2 Kolitiyani 6:1

Lagaemo Gotiʼeʼmo magokepi lokaeta aliʼyaʼamo neʼaluna vayaʼmogitamo hutaeʼmo, Gotiʼa fikumo hapa maeno neʼapamiya kavaʼamo fikumo oʼalitapa agetapa alagepa huʼnetapageʼmo aliyo, huta ge huta nelapatone.

2 Kolitiyani 8:23

Mago vayaʼmogi Taitasifeʼmo ge huʼa afigesayaʼmoʼmo, magoke agufa aliʼyaʼmo neʼaluʼaʼmofeʼmo nafaluʼnimoʼmo maiʼnigetaʼa nagaeʼeʼmo magokepi lokaetaʼa aliʼyaʼmo neʼaluʼae. Agaeʼeʼmo lokaeʼana uʼnaʼa konagatilaʼmoganifeʼmo ge huʼa anafi gesayaʼmoʼmo, siosiʼale siosiʼaleʼmo maiʼnaya vayaʼmogimo aliʼa anatageʼana uʼnaʼa apa vekalaʼmo maiʼnaʼae. Kalaisiʼa anakaetetiʼmo ala agiʼamo neʼaliye.

Filipai 4:3

Goti aliʼyaʼamo nagaeʼeʼmo magokepi lokaeka neʼalina veʼnimogae, huʼna, Kagaefeʼmo kahao ke nehovanagi, ani lole atalaʼmo nagaeʼeʼmo alagepa faigoko gelefeʼmo magokepi lokaeʼana aliʼyaʼmo aliʼnaʼa atalaʼmo alagepa huka hana mao. Anakaegi Kilemeniʼagi muki vayaʼmo nagaeʼeʼmo magokepi lokaeta aliʼyaʼmo neʼaluna vayanagi huno apakiʼapimo Gotiʼa maige maige huʼa maisaya vayaʼai apakiʼapimo avoʼmo kae maleʼniya mukufiʼmo avoʼmo kae maleʼniye.

Kolosi 4:11

Yesuʼa mago agiʼamo Yasitasiʼa ge lapamamaeʼniye. Mani loleʼe magoʼe vayaʼmo Yu nofi vayaʼmo maiʼneʼa Gotiʼa yagaino apatesiya kavaʼmo afole aisiyafeʼmo nagaeʼeʼmo lokaeʼa aliʼyaʼmo neʼaliye. Alagepa huʼa naha maeʼnageno naipamoʼmo falu huʼniye.

1 Tesaloniyani 3:2

Timotiʼmo alitaʼa atesuʼageno uno lapakegaiye, hutaʼa huʼnoʼae. Agaemo lagaeʼeʼmo magokepi lokaeno aliʼyaʼmo neʼalino Kalaisifeʼmo alagepa faigoko geʼamo aeno hakalo huno hapa nepaiya konagatimoʼmo maiʼniye. Lapa maeno alino lokiya vaino lapatesigetapa magoʼe hutapa lapakesamo afita fatago hisayafeʼmo alitaʼa ateʼnoʼageno uʼniye.

3 Yoni 1:10

Ani kava nehiyaʼmofeʼmo siosileʼmo visuva afinaʼmo huʼniya kavafeʼmo huʼnaeʼmo, afa geletiʼmo alino hosu huno lateʼniye, huʼna aeʼna hakalo huguve. Ani kavaʼmo hutenoʼaeʼmo magoʼe kavaʼmo hunoʼaeʼmo konaga vayatimo alino falu fala kavaʼmo huno oʼapateno aliʼa falu fala huʼa apatesaya vayaʼmo apatafauno apateteno siosi vayapatiʼmo alino hapafaino neʼapatale.

3 Yoni 1:7

Apakaemo Goti agiʼalefeʼmo uʼnae. Malaga vayaʼmogi apayapatiʼmo mago yaʼmo oʼaliʼnae.

3 Yoni 1:9

Nagaemo siosilefeʼmo mani gemo avoʼmo kaeʼnovana Naiyotelefisiʼa hogote vekamo maisiyafeʼmo hauʼniyana geʼnimo noʼafiye.