3 Yoni 1:7 - The Keyagana NT and 25 OT books

⁷ Apakaemo Goti agiʼalefeʼmo uʼnae. Malaga vayaʼmogi apayapatiʼmo mago yaʼmo oʼaliʼnae.

3 Yoni 1:7 ပူးပေါင်းရင်းမြစ်များ

Yoni 15:21

Apakaemo alino nateʼnigeʼna emiʼneʼnova vekamo oʼageʼnayanageʼa vayaʼnimo maiʼnayaʼmofeʼmo lapakaetegamo muki ani agufa kavakeʼmo hugae.

Apa 20:33

Nagaemo vayaʼai monimofi kagemi yaʼapimofi kukena yaʼapimofi huʼna alisuvafeʼmo nahaʼye osuʼnove.

Apa 20:35

Ani kava nehuʼnaeʼmo apayamufa ohaneʼniya vayaʼmo hapa maegaune, huʼna aliʼna lapave liʼnove. Ala kava neʼmo Yesuʼa hunoʼaeʼmo, Fiku hapa maeʼa neʼapamiya vayaʼmogimo apamiʼnageʼa neʼaliya vayaʼmo aeʼa apakaseʼa aulena vayaʼmo maiʼnae, huno huʼniya geʼaeʼmo alagepa hutapa lapakesa afitapa ho hiyo, huno hapa paiʼniye.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

Apa 8:4

Ataleʼa atagu faeʼa uʼeʼa huʼnaya vayaʼmogimo muki haopalegamo Goti geʼamo aeʼa hakalo huʼa hapa paiʼnae.

Apa 9:16

Nagiʼnilefeʼmo agafu kisiya kavaʼmo aliʼna ave lisugeno aliʼyaʼnimo aligiye, huno ha paiʼniye.

1 Kolitiyani 9:18

Inagi miyaʼnimo na agufa yaʼmo haneʼniye. Miyaʼnimo noʼaluvaʼmonanafa aliʼyaʼniletiʼmo alisuva himamuʼnilefeʼmo nagufale yaʼmo oʼaliʼna alagepa faigoko geʼamo fikumo aeʼna hakalo huʼna hapa nepauva kavakeʼmo miyaʼnimo haneʼniye.

2 Kolitiyani 12:13

Na agufa kavatefeʼmo siosiʼale siosiʼaleʼmo maiʼnaya vayaʼai apakamelega maiʼnae. Lapakaemo apakamelega oʼmaiʼnayaʼmonanafa magoke kavatetiʼmo yagaitapa natesaya agufa kavaʼmo osuʼnova kavatefeʼmo apakamelega maiʼnae. Vaehae, nahauʼnimogitapae, huʼna, ani hosu kavaʼnimo alita ataleyo.

2 Kolitiyani 4:5

Lagaemo lagaitieʼmo aeta hakalo nosupa Yesu Kalaisiʼa Ala kava netiekeʼmo aeta hakalo nehune. Lagaemo Yesu agiʼalefeʼmo aliʼyaʼamo neʼaluna vayatapimo maiʼnone.

Filipai 2:9

Ani kavaʼmo huʼniyaʼmofeʼmo Gotiʼa lusi kava huno alino asaga huno ateteno ala agiʼamo aeno agaseʼniya agiʼamo amiʼniye.

Kolosi 1:24

Nagaemo lapakaetefeʼmo kana yaʼmo neʼaluvaʼmofeʼmo namogaga neʼauve. Kalaisiʼa kana yaʼmo aliʼniya kava huʼna agufalefeʼmo kana yaʼmo neʼaluve. Kalaisi agufaʼamo agaiʼa siosi vayaʼamae. Goti mafaʼneʼamogi kanamo neʼaliya aliʼyaʼapimo hano osuʼniye. Nagaemo kana yaʼmo neʼaluva hetamaʼnimo aliʼna hapa maegauve.

3 Yoni 1:8

Lagaemo ani agufa vayaʼmo hapa maesunageno lama geʼamo afole aisiyafeʼmo apakaeʼeʼmo magokepi lokaeta aliʼyaʼmo aligetao.

Leveleseni 2:3

Nagiʼnilefeʼmo hanageke yaʼmo aliʼnetapaeʼmo alagaʼmo olapaeʼnigetapa oʼataleta atafautapa alagi hutapa maiʼnayaʼmonanafa