3 Yoni 1:5 - The Keyagana NT and 25 OT books

⁵ Nahauʼniya vekaʼnimogae, huʼna, kagaemo konagatimogimo alagepa huka hapa maege nata vayaʼmo alagepa huka hapa maege nehana kavaʼmo alagepa aliʼyaʼmo neʼaline.

3 Yoni 1:5 ပူးပေါင်းရင်းမြစ်များ

Matiyu 24:45

Haiya vayaʼmogi aliʼyaʼapimo oʼataleʼa alige alige huʼa neʼmaiya vayane. Aliʼyaʼmo afoʼamoʼmo aliʼyaʼamo neʼaliya vayaʼaiteʼmo yagaino apatesiyafeʼmo lekana paino ateteno, neʼyaʼmo aligefe hisaya afinaʼmo alika fako huka apamiyo, huno ha paiteno uteno atagi nenoʼeno agesiyana aliʼyaʼamo oʼataleno aliʼyaʼmo neʼaliya vekamoʼmo aulena vekamo maiʼniye.

Matiyu 25:16

Faefu tausenimo amiʼniya vekamoʼmo malage huno alininuno ani moniletiʼmo aliʼyaʼmo aliteno akamelegaʼamo magoʼe huno faefu tausenimo aliʼniye.

Luki 12:42

aliʼyaʼmo afoʼamoʼmo alino amufa amiʼnisiya vekamo alagepa huno ageʼnisiya vekamoʼmo aliʼyaʼamo neʼaliya vayaʼaiteʼmo yagaiʼneno neʼyaʼapimo alino fako huno apamisiyafeʼmo lekana paino ategaiye.

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

Lomu 12:13

Kagemi yatapimo alita fako hutapa apaote vayaʼmo kagemi yaʼapimo ohaneʼnisiya vayaʼmo apamiyo. Nata vayaʼmo esagetapaeʼmo alagepa huta yagaitapa apateyo.

Galesiya 6:10

Hapa maesuna kaʼmo haneʼnisiyaʼmoʼmo muki vayaʼaina afaʼa hapa maegaunaʼmonanafa apakesamo afiʼa fatago nehaya afamo anagatimo magoʼe huta hapa maegaune.

Kolosi 3:17

Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.

Himulu 13:2

Nata vayaʼmo esagetapaeʼmo lapake okanitapa hapa maeta yagaitapa apateyo. Mago vayaʼmogimo ani agufa kavaʼmo huʼa enisole vayaʼmo hapa maeʼa yagaiʼa apateʼnayana, enisole vayaʼmo hapa maeʼnone, huʼa oʼapakeʼnae.

3 Yoni 1:10

Ani kava nehiyaʼmofeʼmo siosileʼmo visuva afinaʼmo huʼniya kavafeʼmo huʼnaeʼmo, afa geletiʼmo alino hosu huno lateʼniye, huʼna aeʼna hakalo huguve. Ani kavaʼmo hutenoʼaeʼmo magoʼe kavaʼmo hunoʼaeʼmo konaga vayatimo alino falu fala kavaʼmo huno oʼapateno aliʼa falu fala huʼa apatesaya vayaʼmo apatafauno apateteno siosi vayapatiʼmo alino hapafaino neʼapatale.

3 Yoni 1:3

Mago konagatimogi eʼa huʼapaeʼmo, lama geleʼmo alagepa huno maiʼniye, huʼa kava gemo huʼa naha paiʼnageʼna afiteʼnaeʼmo namogaga aiʼnove. Ageʼnovana lama gemo alagepa huka akame nehane.