3 Yoni 1:3 - The Keyagana NT and 25 OT books

³ Mago konagatimogi eʼa huʼapaeʼmo, lama geleʼmo alagepa huno maiʼniye, huʼa kava gemo huʼa naha paiʼnageʼna afiteʼnaeʼmo namogaga aiʼnove. Ageʼnovana lama gemo alagepa huka akame nehane.

3 Yoni 1:3 ပူးပေါင်းရင်းမြစ်များ

Samu 119:11

Kagaetegamo hosu kavaʼmo osisuvafeʼmo gekamo naipafiʼmo aliʼna fala ki maleʼnove.

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

1 Kolitiyani 13:6

Apakaemo vayaʼai hosu kavaʼapieʼmo apamogaga noʼaifa lama gemo akame nehaya vayaʼai kavafekeʼmo apamogaga neʼaiye.

Galesiya 6:10

Hapa maesuna kaʼmo haneʼnisiyaʼmoʼmo muki vayaʼaina afaʼa hapa maegaunaʼmonanafa apakesamo afiʼa fatago nehaya afamo anagatimo magoʼe huta hapa maegaune.

Filipai 1:4

Lapakaemo hogote afinatetiʼmo Kalaisifeʼmo alagepa faigoko gemo aino atagu faesiyafeʼmo nagaeʼeʼmo afalu afalugana huta lokaeta maiʼnonaʼmofeʼmo muki afinaʼmo nunumuʼmo huʼna nelapateʼnaeʼmo namogaga neʼauve.

2 Yoni 1:2

Lama gemo laipafiʼmo haneʼniyanageno alagi hanege hanege huno hanegaiyaʼmofeʼmae.

2 Yoni 1:4

Mago mafaʼne anagakamogimo muki yaʼmo Afoʼamoʼa akame hiyo, huno laha paiʼniya keʼaepa geʼamo lama geʼamo akame nehageʼna apaketeʼnaeʼmo lusi kava huʼna namogaga aiʼnove.

3 Yoni 1:10

Ani kava nehiyaʼmofeʼmo siosileʼmo visuva afinaʼmo huʼniya kavafeʼmo huʼnaeʼmo, afa geletiʼmo alino hosu huno lateʼniye, huʼna aeʼna hakalo huguve. Ani kavaʼmo hutenoʼaeʼmo magoʼe kavaʼmo hunoʼaeʼmo konaga vayatimo alino falu fala kavaʼmo huno oʼapateno aliʼa falu fala huʼa apatesaya vayaʼmo apatafauno apateteno siosi vayapatiʼmo alino hapafaino neʼapatale.

3 Yoni 1:2

Nahauʼniya vekaʼnimogae, huʼna, Kagupi mafaʼnekamo alagepa huno neʼmaiya kava huno kagufamoʼmo alagepa huno hanesigeno aliʼyakamoʼmo alagepa huno afole aisiyafeʼmo nunumuʼmo huʼna nekatove.

3 Yoni 1:4

Mafaʼne anagaʼnimogi lama gemo alagepa huʼa akame nehae, huʼa apava gemo huʼa naha paiʼnageʼna afiteʼnaeʼmo namogaga neʼauva kavaʼnimoʼmo alu yafeʼmo namogaga neʼauva kavaʼmo alagi aeno agaseʼniye.

3 Yoni 1:5

Nahauʼniya vekaʼnimogae, huʼna, kagaemo konagatimogimo alagepa huka hapa maege nata vayaʼmo alagepa huka hapa maege nehana kavaʼmo alagepa aliʼyaʼmo neʼaline.