2 Yoni 1:9 - The Keyagana NT and 25 OT books

⁹ Muki vayaʼamogi Kalaisiʼa alino apaya maleʼniya geleʼmo atafauʼa alagi huʼa oʼmaiʼnisayana Gotiʼa avaleʼa apaipafiʼmo oʼateʼnae. Muki vayaʼamogi Kalaisiʼa alino apaya maleʼniya geleʼmo atafauʼa alagi huʼa maiʼnisayana Gotiʼa avaleʼa apaipafiʼmo ateʼnageno maiʼnigeno Mafaʼneʼaʼeʼmo apaipafiʼmo maiʼniye.

2 Yoni 1:9 ပူးပေါင်းရင်းမြစ်များ

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Luki 10:22

Hutenoʼaeʼmo, Afoʼnimoʼmo muki yateʼe vayaʼaiteʼeʼmo yagaisuvafeʼmo alino nateʼniye. Muki vayaʼmogimo mafaʼneʼamo ageʼa alagepa huʼa oʼageʼnafa afoʼamokeʼmo ageno alagepa huno ageʼniye. Ani kavaʼmo huʼa vayaʼmogimo muki yaʼmo Afoʼamoʼmo ageʼa alagepa huʼa oʼageʼnafa mafaʼneʼamokeʼmo ageno alagepa huno ageʼniye. Ani kavaʼmo huno mafaʼneʼamoʼmo lekana paino apateʼnisiya vayaʼmo alino apave lisigeʼapaeʼmo muki yaʼmo Afoʼamoʼmo ageʼa alagepa huʼa agegae, huno hapa paiʼniye.

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Yoni 15:6

Mago vekamoʼa nagaepiʼmo aeno hanino oʼmaiʼnisiyaʼmoʼmo akopamo hatagauno ataleʼnisigeno leno vaitesigeʼa aliʼa anupa huteʼa atafiʼmo aliʼa yaga auʼa kaesageno leno sagaligiye.

Yoni 5:23

Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.

Yoni 8:31

Inagi Yesuʼa Yu vayaʼmogi agaefeʼmo apakesamo afiʼa fatago nehaya Yu vayaʼaifeʼmo hunoʼaeʼmo, geʼnifiʼmo maime maime neʼvisayana lama ge vayaʼmo geʼnimo neʼafiya vayaʼmo maiʼnae.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

Himulu 6:1

Lagaemo agava maiʼnona vekamo Kalaisi vekaeʼmo ava gemo aepa faita afiʼnona gemo afiʼnone. Aepa faita afiʼnona gemo haneʼniyana lokiya ovaiʼniya kavatefeʼmo lapaipamo alita afe leyo, huʼa huʼnageta afige Gotifeʼmo lapakesamo afita fatago hiyo, huʼa huʼnageta afige sese nehaya kavafeʼmo aliʼa laya maleʼnageta afige aliʼa apaya neʼmalaya gemo afige faliʼnaya vayaʼmo he tisaya kavafeʼmo ava gemo afige agoti huno apatesiya kavafeʼmo ava gemo afige huʼnone. Ani aepa faita afiʼnona gemoʼmo noʼmo faiʼa neʼataya yakana huno haneʼniye. Fiku yanageta halate alita faita ategaunanagi ataleta uta haita hapaigetao.

1 Yoni 1:3

Lagaemo afiteta ageʼnona kavafeʼmo ava gemo hutaeʼmo lapakaemo lagaeʼeʼmo afalu afalugana huta maisunafeʼmo aeta hakalo huta lapa nepaune. Lagaemo Afotimoʼe mafaʼneʼamo Yesu Kalaisiʼeʼmo afalu afalugana huta neʼmaune.

3 Yoni 1:9

Nagaemo siosilefeʼmo mani gemo avoʼmo kaeʼnovana Naiyotelefisiʼa hogote vekamo maisiyafeʼmo hauʼniyana geʼnimo noʼafiye.