2 Yoni 1:1 - The Keyagana NT and 25 OT books

¹ Nagaemo Goti vayaʼaleʼmo yagaiʼna neʼapatova vayatama vekamoʼnamo Gotiʼa lekana paino kateʼniya a kanoʼe mafaʼne anagakamogiʼefeʼmo mani gemo avoʼmo nekaove. Nagaemo lapakaefeʼmo lama geʼalefeʼmo nahau nayamopafiʼmo nahauʼniye. Nagaeʼe muki vayaʼmogimo lama gemo afiʼnaya vayaʼmogiʼeʼmo lapakaefeʼmo lahau layamopafiʼmo lahauʼniye.

2 Yoni 1:1 ပူးပေါင်းရင်းမြစ်များ

Luki 1:3

Nagaeʼeʼmo yatala afinaʼmo muki kavafeʼmo ava gemo alagepa huʼna ago afiʼnovaʼmofeʼmo muki afole aite afole aite huʼniya kavafeʼmo avoʼmo kaegauve, huʼna nagesamo afiʼnove.

Yoni 8:32

Lama geʼamo afitapa aeto hisageno lama geʼaletiʼmo hatu maeno lapatesigetapa afa vayaʼmo maigae, huno hapa paiʼniye.

Apa 11:30

Ani kavaʼmo huteʼa Manamasiʼe Soloʼeʼmo monimo anamiʼnaʼageʼana alini uʼana Yulusalemu taonifi Goti mafaʼneʼaiteʼmo yagaiʼa neʼapataya vayatama vayaʼmo apamiʼnaʼae.

Lomu 16:13

Lufasiʼa Ala kava nepiʼmo hogoteno maiʼniya vekaeʼmo ha paitapaeʼmo, Poloʼa ge kamamaeʼniye, hutapa ha paitapa nateyo. Itaʼamoʼmo itaʼnimokana huno maiʼniye.

Galesiya 2:14

Nagaemo ageʼnovana lama ge mono kavaʼmo alagepa faigoko gemo akame huʼa alagepa kateʼmo oʼuʼnageʼna apaketeʼnaeʼmo muki vayaʼai apaulagaleʼmo Pitafeʼmo huʼnaeʼmo, Kagaemo Yu nofi vekamo maiʼnanaʼmonanafa Yu nofi vayaʼai kavaʼmo osuka malaga nofi vayaʼai kavaʼmo nehane. Na kava higekaeʼmo malaga nofi vayaʼmogimo Yu nofi vayaʼmogi nehaya agufa kavaʼmo hisayafeʼmo alika he tika apatesanafeʼmo nehane, huʼna ge hauʼnove.

Galesiya 2:5

Lama ge alagepa faigoko gemo lapakaetegamo afaʼa hanege hanege huno hanesiyafeʼmo lagaemo huʼnaya geʼapilefeʼmo he huta osuta geʼapimo alagi oʼafiʼnone.

Galesiya 3:1

Galesiya vayaʼmogitapae, huʼna, alagi lusi kava hutapa negi neʼmalae. Ina laʼmo negi nofiʼmo aeno lapamiʼnigetapaeʼmo lama gemo akame nosae. Lagaemo Yesu Kalaisiʼa malipu yosaleʼmo faliʼniya kavafeʼmo ava gemo lapaulagafatiʼmo ageʼnegekana hutapa afisayafeʼmo lapakae folagapiʼmo maiʼneta aeta hakalo huta ago lapa paiʼnone.

Galesiya 5:7

Hogotetapa Goti kateʼmo alagepa hutapa nagu nagu hutapa uʼnae. Lapakaemo lama gemo ago akame huʼnayana ina laʼmo halate lapatafauno maiʼniye.

1 Timoti 2:4

Agaemo muki vayaʼai apakufamo alino katino apatesigeʼa lama geʼamo afiʼa aeto hisayafeʼmo hauʼniye.

Himulu 10:26

Lagaemo lama gemo ago ageta alagepa huʼnonaʼmofeʼmo amagita atalesunafeʼmo, kanalene, huta hisunana hosu kavatimo aeno kalo paeno atalesiya ofalinimo alagi ohaneʼniye.

1 Pita 1:2

Gotiʼa muki yaʼmo afoʼamoʼmo lapaketenoʼaeʼmo, mafaʼneʼnimo maigae, huteno lekana paino lapateʼniye. Aunemeʼamoʼmo lapakaemo Yesu Kalaisifeʼmo ava gemo afitetapa akame hisageno Yesu Kalaisi kolaʼaletiʼmo aino fuli fuli huno faleno lapatesiyafeʼmo alino lapaote vayaʼamo lapateʼniye. Lusi kava huno fikumo lapa maeno lapamisaʼageno lapaipamoʼmo falu hino.

1 Pita 5:1

Nagaemo lapakaeʼeʼmo magokepi lokaeʼa maiʼneʼa yagaiʼa nelapataya vayatama vayaʼaifeʼmo gemo hapa paigesuve. Nagaeʼeʼmo yagaiʼna neʼapatova vayatama vekamo maiʼnove. Naulagafatiʼmo Kalaisiʼa ageʼnogeno kana yaʼmo aliʼnigeʼna ageteʼnaeʼmo aeʼna hakalo huʼna hapa nepauva vekamo maiʼnovanageʼna Kalaisiʼa ha le konali yaʼamo afole aisigeʼnaeʼmo hetamaʼnimo aliguve. Lapao ke hovanagi,

1 Pita 5:13

Gotiʼa ago lekana paino lapateʼniya kava huno Mamiloni kotega siosi vayaʼmo lekana paino apateʼniye. Apakaemo ge lapamamaeʼnae. Mafaʼneʼnimo Makiʼeʼmo ge lapamamaeʼniye.

1 Yoni 2:21

Inagi lapakaemo lama gemo oʼafiʼnayaʼmofeʼmo mani gemo avoʼmo okaeʼnofa lapakaemo lama gemo ago afitetapaeʼmo aigofe gemoʼmo lama gefatiʼmo afole noʼaiye, hutapa ago afiʼnayaʼmofeʼmo lapakaefeʼmo mani gemo avoʼmo kaeʼnove.

1 Yoni 3:18

Aise mafaʼneʼnimogitapae, huʼna, lavayaʼaletikeʼmo geʼageʼmo hutaeʼmo, lahau layamopafiʼmo nelahaiye, huta osuta alagi lama ge huno lahau layamopafiʼmo lahauʼninageta alagepa kavaʼmo higetao.

2 Yoni 1:13

Gotiʼa lekana paino ateʼniya kaganakamo mafaʼne anagaʼamogimo ge lapamamaeʼnae. He, lama ge.

2 Yoni 1:5

Ane, huʼna, kagaefeʼmo kahaoke heʼnaeʼmo, konagatimogifeʼmo lahaino. Mani gemo saufa keʼaepa gemo ohaneʼnifa hogoteno aepa faino laha paiʼniya afinatetiʼmo afiʼnona gemo haneʼniye.

3 Yoni 1:1

Nagaemo Goti vayaʼaleʼmo yagaiʼna neʼapatova vayatama vekamo Yoniʼnamo lama gelefeʼmo nahau nayamopafiʼmo nahauʼniya Gaiyasigaeʼmo mani gemo avoʼmo nekaove.