2 Timoti 4:8 - The Keyagana NT and 25 OT books

⁸ Hemenimo fatago vayaʼmogi alisaya agufa hetamaʼnimo nateʼniyanageʼna aliguve. Ala kava neʼmoʼa agoti gemo alino kanale huno alino fako huno neʼapateya vekamo afole aisiya afinaʼmo namigiye. Nagaiʼnigeʼmo oʼaliguvaʼmonanafa muki vayaʼmo eminesiyafeʼmo hapauʼnisiya vayaʼamogiʼeʼmo aligune.

2 Timoti 4:8 ပူးပေါင်းရင်းမြစ်များ

Aepa Gemae 18:25

Kagaemo fatago vayaʼe hosu vayaʼeʼmo magokepiʼmo alika lokaeka kamitimo apamagisanafeʼmo nehana kavaʼmo kagaemo alagi nosana agufa kavaʼmo hugane. Kagaemo fatago vayaʼaitegaʼe hosu vayaʼaitegaʼeʼmo magoke aiyaya kavaʼmo nosane. Kagaemo ma mopafi vayaʼmo alika fako nehana yasi vekamogamo fatago kavaʼmo alagi osugapiye, huno huʼniye.

Samu 31:19

Kagaefeʼmo koli nehaya vayaʼaiteʼmo magoʼe magoʼe huka alagepa kavaʼmo nehane. Apamisanafeʼmo alagepa kavaʼmo alika anupa huka neʼatane. Kagaemo vayaʼai apaulagaleʼmo kagaefeʼmo aliʼa amufa nekamiya vayaʼmogi kanale alagepa kavaʼmo apamisanafeʼmo alika alo huka ateʼnane.

Samu 7:11

Gotiʼa alagepa huno alino fako nehiya vekamo maiʼniyanageno hosu vayaʼaifeʼmo muki afinaʼmo aipamo leno neʼapate.

Mai'naya kavane 4:9

Ani a kanomoʼmo fikumo kaha maeno kamiteno kagenopaleʼmo konalimo alino kategaiye. Kini vayaʼmogi neʼmalaya agufa kakolitamo ha le konali kakolitamo maleno kategaiye.

Malakai 3:17

Ala kava neʼmoʼa asole vayaʼaiteʼmo yagaino neʼapateya vekamoʼmo hunoʼaeʼmo, Mago vekamoʼmo hogote alagepa yaʼamo alopa moniletiʼmo miya nefaiya yaʼmo alino kesifiʼmo neʼmaleya kava huʼna nagaemo muki nofi vayapatiʼmo apavaleliʼneʼna aliʼna anupa huʼna apateteʼnaeʼmo apakaefeʼmo, lapakaemo nagaiʼni vayaʼmo maigae, huʼna hapa paiguve, huno huʼniye. Mago vekamoʼmo agaiʼa mafaʼnemoʼmo aliʼyaʼamo neʼaliya mafaʼnemo kayoʼmo oʼamino afaʼa agegeno neʼateya kava huʼna kayoʼmo oʼapamiʼna afaʼa apakegeʼna apategauve.

Matiyu 24:36

Hainu afinaʼmofi na kanaleʼmofi huʼa muki vayaʼamogimo alagi oʼafiʼnae. Kokuʼnapi enisole vayaʼmogiʼe Mafaʼneʼamoʼeʼmo alagi oʼafiʼnayaʼmonanafa muki yaʼmo Afoʼamokeʼmo afiʼniye.

Matiyu 7:22

Ani alopa afinaʼmo afole neʼaisigeʼapaeʼmo asole vayaʼmogimo nagaefeʼmo, Ala kava nene, Ala kava nene, huʼa, kagikaletiʼmo Goti geʼamo aeta hakalo huta hapa opaiʼnopiye. Kagikaletiʼmo vayaʼai apaipafatiʼmo sigisiʼa hosu apaune vayaʼmo alita hapa faita oʼapataleʼnopiye. Kagikaletiʼmo asole noʼagaya aune kavaʼmo osuʼnopiye, huʼa naha paisageʼnaeʼmo,

Luki 10:12

Lapa nepauve, huno, Gotiʼa agoti huno apatesiya afinaʼmo Sotomi taonifiʼmo maiʼnaya vayaʼmogimo mago hosu yaʼmo aligayaʼmonanafa mani taonifiʼmo maiʼnaya vayaʼmogi magoʼe huʼa hosu yaʼmo aligae.

Lomu 2:5

Kaipamo alika afe oleʼnanaʼmonanafa kaipamoʼmo lokiya vaiʼnigeka afaʼa maiʼnekaeʼmo Gotiʼa aipamo leno nekateya kayoʼmo alo huka maleme maleme neʼanagenoʼaeʼmo ko nesiye. Gotiʼa aipamo leno neʼapateyanageno vayaʼai apaulagaleʼmo alino alagepa huno agoti huno apatesiya afinaʼmo mani kayoʼmo kamigiye.

Lomu 8:23

Ani yaʼamogigeʼmo kage kage nosafa lagaemo Gotiʼa lamisiya yapatiʼmo hogoteno Aunemeʼamo ago lamiʼniya vayaʼmogitaʼeʼmo muki yaʼamo lamisiyafeʼmo kage kage nehune. Gotiʼa lagufale nofiʼmo hatu maeno latesigeta alopa mafaʼnegana huta maisunafeʼmo agava maiʼneta kage kage nehune.

1 Kolitiyani 2:9

Apakaemo oʼafiʼnayaʼmonanafa avoʼmo kae maleʼniya gemoʼa hunoʼaeʼmo, Gotiʼa agaefeʼmo hapau apayamopafiʼmo hapauʼniya vayaʼmogi alisayafeʼmo muki vayaʼmo alo huno apateʼniya yaʼmo apaulagafatiʼmo oʼagege apakesafatiʼmo oʼafige apaipafiʼmo afole oʼaige huʼniya yaʼmo haneʼniye, huno huʼniye.

1 Kolitiyani 3:13

Kalaisi afinaʼmo afole aisigeʼapaeʼmo haiya kava huʼa noʼmo kiʼnisafigeno henagaʼamo afole yateʼmo alino afole aino ategaiye. Atamo lesiya afinaʼmo muki vayaʼai aliʼyaʼapimo alino apave ligiye. Atamoʼmo muki vayaʼai aliʼyaʼapimo amalageka hugiye. Alagepa aliʼyaʼmo aliʼnafi hosu aliʼyaʼmo aliʼnafi huno apamalageka hugiye.

1 Kolitiyani 9:25

Muki alu yokalo alu yokaloʼamo nelaya vayaʼmogimo aeʼa apakasesayafeʼmo alu kava alu kavaʼmo huteʼa apakufaleʼmo yagaiʼa neʼapatae. Apakaemo kasalisiya yaʼmo alisayafeʼmo ani agufa kavaʼmo nehayaʼmonanafa lagaemo okasalino hanege hanege huno hanesiya hetamatimo alisunafeʼmo laya mukiki nehune.

2 Kolitiyani 5:2

Seli notifiʼmo maiʼneta kage kage nehutaeʼmo kokuʼnapi notimo alita akalo huta vaisunafeʼmo lusi kava huno lahauʼniye.

Filipai 3:11

Atupaleʼmo uʼna avaʼyi huteʼna muki faliʼnaya vayapatiʼmo alagepa huʼna he tisuvafeʼmo amalageka huʼna nayamukiki nehuve.

1 Tesaloniyani 1:10

Maiʼneʼapaeʼmo Gotiʼa alino he tino ateʼniya Mafaʼneʼamoʼmo Gotiʼa aipamo leno nelateyanageno kayoʼmo lamisiya kavategatiʼmo lagufamo alino katino nelateya Mafaʼneʼamo kokuʼnapatiʼmo eminesiyafeʼmo agava neʼmaiye, huʼa nehae.

1 Tesaloniyani 5:4

Konagatimogitapae, huta, faiʼa kasalo opaegayaʼmonanafa kumaya vayaʼmo neʼageʼapaeʼmo hapau neʼaiya kava hutapa lapakaemo hanipiʼmo oʼmaiʼnayaʼmofeʼmo ani afinaʼmo lapakaetegamo afole aisigetapaeʼmo lapau oʼaigae.

2 Tesaloniyani 2:8

Ani afinaʼmo muki keʼaepa gemo amagino neʼataleya vekamoʼmo muki vayaʼai apaulagaleʼmo afole aisigenoʼaeʼmo Ala kava neʼmo alino alave nehisigeno emineno avamusa aisiya kayotetiʼmo alagi amagigiye.

1 Timoti 6:19

Ani kavaʼmo nehisayana alagepa yaʼapimo henagaʼamo hapa maesiya afinafeʼmo neʼmalayanageʼa maige maige huʼa maisaya yaʼapimo aligae.

2 Timoti 1:10

Akeyaʼvilagamo lamiʼniyaʼmonanafa Yesu Kalaisiʼa lagufamo alino katino lateteno lahau neʼvaiya vekamo afole aiʼnigenoʼaeʼmo hemenimo ani kavaʼmo laulagaleʼmo ago afole aiʼnigeta ageʼnone. Agaemo nefaluna kavaʼmo lokiyaʼamo alino hano huno ataleteno agaiʼaeʼmo alagepa faigoko geʼaletiʼmo maige maige huʼa maisaya yaʼmo alino afole aino ateʼniye.

2 Timoti 1:12

Ani aliʼyaʼmo neʼaluvaʼmofeʼmo mani kana yaʼmo aliʼna maiʼnovaʼmonanafa navagagemo alagi nosiye. Nagaemo naha maesiyafeʼmo ina lafeʼmo nagesamo afiʼna fatago huʼnofi huʼna ago ageʼna aeto huʼnove. Nagaemo ageteʼnaeʼmo amiʼnova yateʼmo afaʼa yagaino nateme nateme neʼviyanageno agaiʼa afinaʼmo afole aigiye, huʼna nagesamo afisuvafeʼmo alino nave liʼnigeʼna ago ageʼnove.

2 Timoti 1:18

Efasasi taonifiʼmo maiʼnogenoʼaeʼmo muki afinaʼaeʼmo naha maeʼniya kavaʼmo ago ageʼnane. Nagaemo Ala kava nefeʼmo, kagae afinaʼmo afole aisigekaeʼmo kahau huka ato, huʼna nunumuʼmo huʼna neʼatove.

2 Timoti 2:5

Nagu nagu huʼa yokalo nelaya vayaʼmogimo nagu nagu hisaya keʼaepa gemo akame osisayana maleʼnaya yaʼmo afaʼa oʼaligae.

2 Timoti 4:1

Ala kava netimo Yesu Kalaisiʼa muki vayaʼai apaulagaleʼmo afole aiteno agoti huno apatetenoʼaeʼmo vayaʼamogitaleʼmo yagaino lategaiye. Nagaemo agae aulagaleʼe Goti aulagaleʼeʼmo huʼnaeʼmo,

Taitasi 2:13

Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.

Himulu 12:11

Gotiʼa kayoʼmo nelamigetaeʼmo, lamogaga neʼauna kavaʼmo ohaneʼnifa lagafu nekiya kavaʼmo haneʼniye, huta lagesamo neʼafunaʼmonanafa Gotiʼa kayotetiʼmo alino laya malesigetaeʼmo henagaʼamo laipafatiʼmo fatago kavaʼmoʼa alagagana huno aesigeta laipamoʼmo falu hugiye.

Himulu 9:28

Ani gelefeʼmo Kalaisiʼa asole vayaʼai hosu kavaʼapimo alino kofisiyafeʼmo magoke afinaʼmo agaiʼa agufamo Gotina amiʼniye. Agaemo henagaʼamo asole vayaʼai hosu kavaʼapimo alino kofisiyafeʼmo ma mopafiʼmo emiʼnoʼmegaifa agaefeʼmo agava neʼmaiya vayaʼai apakufamo alagi alino katino apatesiyafeʼmo apaulagaleʼmo eminegaiye.

Yemisi 1:12

Hanageke kavaʼmoʼa apamalageka nehisigeʼapaeʼmo oʼataleʼa atafauʼa alagi huʼa maiʼnisaya vayaʼmo aulena vayaʼmo maiʼnae. Na kava hinageʼapaene. Apamalageka nehisigeʼapaeʼmo oʼataleʼa atafauʼa alagi huʼa maiʼnisagenoʼaeʼmo Ala kava neʼmoʼa hunoʼaeʼmo, nagaefeʼmo hapauʼniyaʼmofeʼmo alagepa huʼa maige maige huʼa maisaya yaʼmo apamiguve, huno huʼniya yaʼmo aligae.

1 Pita 1:4

Afoʼapimogi yaʼmo mafaʼneʼapimogi neʼaliya kava huta Gotiʼa agaiʼa yaʼmo alisunafeʼmo kokuʼnapi yateʼmo yagaino nelate. Ani yaʼmo alagi okasalige hosuge atafa osege nehiyanageno alagepa huno hanege hanege huno afaʼa hanegaiye.

1 Pita 5:4

Hogote vekamo sipisipileʼmo yagaino neʼapateya kava vekamo emineno afole aisigetapaeʼmo ha le konali yatapimo alagi hano osisiya hetamatapimo aligae.

Leveleseni 1:7

Afiyo, huʼna, Hiyapiʼmo eminesigeʼa muki vayaʼmogimo agesageʼapaeʼmo agufafiʼmo nili aige faiteʼa atege huʼnaya vayaʼmogiʼeʼmo agegae. Muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. He, alagi lama ge, huno ani kavaʼmo afole aigiye.

Leveleseni 19:11

Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.

Leveleseni 2:10

Aise afinaʼmo utesigeta kana yaʼmo aligayaʼmofeʼmo koli osiyo. Afiyo, huʼna, Sataniʼa lapamalageka huteno kalavusi huno lapatesigetapa naya loleʼa afinaʼmo hanageke yaʼmo aligae. Lapakesamo afita fatago huʼnaya kavatapileʼmo atafauta alagi huta maime maime utapa faliyo. Nehisageʼnaeʼmo aeʼa neʼapakasaya vayaʼmogi neʼaliya agufa kakolitagana yaʼmo maige maige hutapa maisaya yaʼmo lapamiguve.

Leveleseni 22:20

Ani kavafeʼmo ava gemo huʼna hapa nepauva vekamoʼnamo, He, huʼna, aise afinaʼmo utesigeʼna emiʼnegauve, huʼna hapa paiʼnove, huno hapa paiʼnigeʼa, He, lama ge. Ala kava neʼmo Yesugamo emikeno, huʼa ha paiʼnae.

Leveleseni 4:10

Mono nehageʼapaeʼmo tuveti foʼa vayatama vayaʼmogimo maige maige huno neʼmaiya vekamo yagaino neʼapateya siyateʼmo maiʼniya vekalefeʼmo asagau aiʼneʼapaeʼmo mono nehae. Apakaemo kamemo huʼa aeʼa apakaseteʼa aliʼnaya kakolitamo asagiʼa yagaino neʼapateya vekamo siya aulagamo yaga auʼnae.

Leveleseni 4:4

Tuveti foʼa vayaʼmogi yagaiʼa apatesayafeʼmo siyamoʼa faino ku aiʼnigeʼa tuveti foʼa vayatama vayaʼmo ani siyateʼmo fai maiʼnae. Yaveyave kukena yaʼmo vaiʼa aliteʼa apakenopaleʼmo goli yafatetiʼmo alo huʼnaya kakolitamo kamemo huʼa aeʼa neʼapakasaya vayaʼmogi neʼmalaya agufa kakolitamo maleʼa aliʼnae.