2 Timoti 4:3 - The Keyagana NT and 25 OT books

³ Henagaʼamo kaita haugekana huno ohaneʼneno vayaʼmo alino hapageno neʼapateya geeʼmo ohapaugiyaʼmofeʼmo ani agufa gemo alika apaya malo. Apakaiʼapi nehapaiya kavaʼmo akame huteʼa hapauʼniya gemo afisayafeʼmo aliʼa apaya neʼmalaya vayaʼmo apavaleliʼa ete ete hugae.

2 Timoti 4:3 ပူးပေါင်းရင်းမြစ်များ

1 Kini 18:22

Inagi Ilaiyaʼmo vayaʼaifeʼmo hapa painoʼaeʼmo, Ala kava neʼmo geʼamo aliniʼeʼa aeʼa hakalo nehaya vayapatiʼmo nagaemo magokeʼageʼmo maiʼnovaʼmonanafa Meo geʼamo aeʼa hakalo nehaya vayaʼmo fo hataleti fifitiʼa vayaʼmo maiʼnae.

Hatu maeno apate'niya gemae 32:33

Ala kava neʼmoʼa Mosesefeʼmo ha painoʼaeʼmo, Ina lagimo nagaetegamo hosu kavaʼmo huʼnisafigeʼna ani vayaʼmogi apakigeʼmo aeʼna kalo paeʼna atalegauve.

Maika 2:11

Mago aigofe aune vekamo humi neʼapateya vekamoʼmo aigofe aune gemo nehisiyana, nagaemo naune gemo huʼna ina ge huʼnaeʼmo, Lapakaemo asole nofi alagafati aniʼe miya aniʼeʼmo negae, huno hisiyaʼmoʼmo vayaʼmogimo ani agufa aune vekaeʼmo hapausigeʼa aune vekaʼapimo lekana paiʼa ategae.

Luki 20:19

Keʼaepa gemo avoʼmo kaeʼa aliʼa apaya neʼmalaya vayaʼe mono huʼa neʼapataya vayaʼaiteʼmo yagaiʼa neʼapataya vayaʼmogiʼeʼmo huʼapaeʼmo, ani aeno kalafefa gemo lagaefekeʼmo huʼniye, huʼa huteʼa ani afinaʼmo kalavusi huʼa atesayafeʼmo huʼnayaʼmonanafa afa vayaʼaifeʼmo koli huʼnae.

Luki 6:26

Muki vayaʼmogimo lapakitapileʼmo aliʼa asagauʼa lapatesaya afinaʼmo vaehae, huʼna, kage kage hisaya kavaʼmo afole aigiye. Apakinago vayaʼmogimo ani kavaʼmo huʼa aigofe gemo alini eʼa aeʼa hakalo huʼa hapa nepaiya vayaʼmogi apakiʼapileʼmo aliʼa asagauʼa apateʼnae.

Yoni 8:45

Maiʼniyaʼmonanafa nagaemo lama gemo lapa nepauvaʼmofeʼmo nagaefeʼmo alagi lama gemo nehiye, hutapa lapakesamo afita fatago nosae.

Apa 17:21

Muki Atenisi taonifi vayaʼe nata vayaʼmogiʼeʼmo saufa gemo huge afige huʼa maisayafeʼmo hapauʼniye.

1 Kolitiyani 2:1

Konagaʼnimogitapae, huʼna, Nagaemo Gotitegatiʼmo aliʼnova gemo aeʼna hakalo huʼna lahapa paisuvafeʼmo lapakaetegamo uʼnaeʼmo muki geʼamo alagepa huʼa afiʼneʼa nehaya vayaʼmogimo nehaya agufa gemo huʼna afiteʼna ageʼnova geʼniletiʼmo lahapa opaiʼnove.

1 Kolitiyani 2:4

Nagaemo ma mopafi vayaʼmogi afiteʼa ageʼnaya geletiʼmo apakesamo nefaiya agufa geletiʼmo ge osuge aeʼna hakalo huʼna lahapa opaige huʼnovaʼmonanafa nagaemo lahapa nepaugenoʼaeʼmo Goti Aunemeʼamoʼmo himamuʼaletiʼmo lapaipafiʼmo alino lapave liʼnigetapaeʼmo, alagi lama gemo haneʼniye, hutapa huʼnae.

Galesiya 4:16

Lama gemo lapa nepauvaʼmofeʼmo kame vekatapigeʼmo hamaleteʼna maiʼnofiye.

1 Timoti 1:10

Kumai kavaʼmo nehaya vayaʼaitefenagi vemogi ve apafalugi neʼaliya vayaʼaitefenagi vayaʼmo kumayaʼmo neʼapavalaya vayaʼaitefenagi aigofe gemo nehaya vayaʼaitefenagi apagoʼyamo ataleteʼa aigofe gemo nehaya vayaʼaitefenagi huno hu maleʼniye. Inagi mani hosu kavatefenagi muki alu hosu kava alu hosu kavatefenagi huno hu maleʼniye. Kaitaʼmo haugekana gemo ohaneʼneno vayaʼmo alino hapageno neʼapateya geʼamo ago amagiʼa neʼatalaya kavateʼefeʼmo hu maleʼniye.

2 Timoti 1:13

Kagaemo aliʼna kaya maleʼnogeka afiʼnana geleʼmo atafauka alagi huvo. Ani gemoʼa kaita haugekana huno ohaneʼneno vayaʼmo alino hapageno neʼapateya gemo akame hisana kavaʼmo auneʼamo aliʼna kave liʼnove. Kalaisi Yesupiʼmo maiʼnekaeʼmo kagesamo afika fatago nehukaeʼmo kahau kayamopafiʼmo kahauʼninageka ani geleʼmo atafauka alagi huvo.

Yuti 1:18

Apakaemo, mago vayaʼmogimo henagaʼamo Goti geʼaeʼmo kigi huteʼa mono osuʼa apakufamoʼmo hauʼniya kavakeʼmo hugae, huʼa ago lapa paiʼnae.