2 Timoti 4:16 - The Keyagana NT and 25 OT books

¹⁶ Lomu gamani vayaʼmogimo hogote afinaʼmo agotimo huʼa nateʼnageʼnaeʼmo naha maesiya gemo huʼnogenoʼaeʼmo mago vekamoʼmo eno naha oʼmaeʼnifa muki vayaʼamo ago nataleʼa uʼnae. Inagi Gotiʼa hosu kavaʼapimo anonaʼapilefeʼmo oʼapamisiyafeʼmo nahauʼniye.

2 Timoti 4:16 ပူးပေါင်းရင်းမြစ်များ

Maki 14:50

Ani gemo hutegeʼapaeʼmo muki geʼamo neʼafiya vayaʼmo ataleʼa apaune heʼnae.

Luki 12:11

Vayaʼmogimo agoti huʼa lapatesayafeʼmo mono nopiʼmofi yagaiʼa neʼapataya vayaʼaitegamofi kanisole vayaʼaitegamofi huʼa lapavaleliʼa visagetapa he tita maiʼnetapaeʼmo, na agufa gemo hugupi na agufa gemo huta geʼapileʼmo aeta atagaina huta hapa paigupi, hutapa lapakesamo afiteta atete osiyo.

Yoni 16:32

Afiyo, huʼna, ani afinaʼmo alagi ago hogo huʼniyaʼmonanafa hemenimo ago afole aiʼniyanagetapa nataletapa atagu faetapa notapilegamo utetapa hisageʼna nagaiʼnigeʼmo maiguve. Maiguvaʼmonanafa muki yaʼmo Afoʼamoʼmo nagaeʼeʼmo magokepi lokaeno maiʼniyaʼmofeʼmo nagaiʼnigeʼmo oʼmaiguvaʼmonanafa muki yaʼmo Afoʼamoʼeʼmo magokepi lokaetaʼa maiguʼae.

Apa 22:1

Poloʼa hunoʼaeʼmo, Nafaluʼnimogitapaʼe afoʼnimogitapaʼeʼmo geʼnimo afiyo. Nagaefeʼmo huʼapaeʼmo, ani kava nehiye ina kava nehiye huʼa nehaya gelefeʼmo mago gemo hugesuve, huno hapa paiʼniye.

Apa 25:16

Naha paiʼnayaʼmonanafa, Haʼao, Lagaemo Lomu vayaʼmogita ani agufa kavaʼmo nosune. Hogoteta agoti huʼa atesaya vekamo agotimo huta ategaune huʼa huʼnaya vayaʼai apaulagaleʼmo alita he tita ateʼnonageno agaiʼamo ha maesiya agufa gemo higeta neʼafune, huʼna hapa paiʼnove.

Apa 7:60

Neʼamagigenoʼaeʼmo aleʼya faiʼneno alopa gefatiʼmo hunoʼaeʼmo, Ala kava nene, huno, mani hosu kavaʼapimo anonaʼapileʼmo apamisanafeʼmo kagesamo oʼafiyo, huno huteno au kaleʼniye. Soloʼa amagiʼnageno faliʼniya kavafeʼmo aipafiʼmo kanalene, huno agesamo afiʼniye.

1 Kolitiyani 13:5

Hapau apayamopafiʼmo nehapaiya vayaʼmogimo vayaʼaitegamo himuʼnamu kavaʼmo osuge apakaiʼapigeʼmo alagepa huʼa maisayafeʼmo hapaʼye nehigeʼa kahauya osuge malage huno apaipamo olege huʼa neʼmaiye. Vayaʼmogimo apakaetegamo mago hosu kavaʼmo huʼnageʼapaeʼmo hosu kavaʼapimo lekana paiʼa apaipafiʼmo noʼmalae.

1 Kolitiyani 9:3

Nagenoka huʼa nafi geʼapaeʼmo maku make huʼa neʼnataya vayaʼaifeʼmo ge huʼna naha maeʼna hisuvafeʼmo aliʼyaʼmo aliʼnogeʼapaeʼmo Kolitiyani vayaʼmogi Goti mafaʼneʼamo hamaleʼnae, huʼna nehuve.

2 Kolitiyani 7:11

Afiyo, huʼna, Gotiʼa hauʼniya agufa lapaipa kana huʼniya kavaʼmoʼa lapaipafiʼmo malage huno aliʼyaʼmo aliʼnigetapaeʼmo lapakaemo huʼnaya kavafeʼmo he titapa ava ge hutetapa lapakaitapieʼmo ge lapautetapa koli lapaipamo kaliʼnigetapaeʼmo hosu kavatapimo alitapa atalesayafeʼmo lusi kava huno lapauʼnigetapa lapayamukiki hutapa kayoʼmo amisayafeʼmo huʼnae. Alu alagepa kava alu alagepa kavaʼmo nehutapaeʼmo alagi alagepa hutapa alita api aita ateʼnae.

Filipai 1:7

Gotiʼa fikumo naha maeno namiʼnigeʼna kalavusifiʼmo maiʼneʼnaeʼmo alagepa faigoko geʼamo ha maesuvafeʼmo ge huʼna aliʼna lokiya vaiʼna neʼatove. Fikumo naha maeno namiʼniya kava huno fikumo lapa maeno nelapamigetaeʼmo magoke agufa aliʼyaʼmo aliteta muki afinaʼmo magoke laipa lagesamo aliʼnonaʼmofeʼmo lapakaefeʼmo alagepa huʼna nagesamo neʼafuve.

2 Timoti 1:15

Ago afiʼnanana muki Esiya kotega vayanagi Esiya vekalaʼmo Fiselasiʼagi Hemosenisiʼagi huʼa ago nataleʼnae.

2 Timoti 4:10

Nimasiʼa hemeni haneʼniya ma mopafi yafekeʼmo hauʼnigeno alagi ago nataleno Tesalonaika taonifiʼmo uʼniye. Kilesenisiʼa Galesiya kotegamo uʼniye. Taitasiʼa Namalesiya kotegamo uʼniye.

2 Timoti 4:15

Agaemo lusi kava huno ayamukiki huno lagaemo aeta hakalo huta hapa nepauna gelefeʼmo kamemo huno ateʼniyanagi agaefeʼmo maika halove huka ateteka ehekae.

1 Pita 3:15

Lapamoʼya oʼaitapa Gotifekeʼmo lapaipafiʼmo koli hutetapaeʼmo, Ala kava netie, hutapa lapaipafiʼmo hiyo. Vayaʼmogimo lapakaefeʼmo huʼapaeʼmo, na kava higetapaeʼmo Gotifeʼmo agava maiʼnetapa lapavayagunagu nehae, huʼa lapafi gesagetapaeʼmo geʼapileʼmo aeta atagaina hutapa hapa paisayafeʼmo muki afinaʼmo alo hutapa maiyo. Himuʼnamu gemo osutapa Gotifekeʼmo koli hutetapa alagepa gemo hutapa hapa paiyo.