Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Timoti 4:10 - The Keyagana NT and 25 OT books

10 Nimasiʼa hemeni haneʼniya ma mopafi yafekeʼmo hauʼnigeno alagi ago nataleno Tesalonaika taonifiʼmo uʼniye. Kilesenisiʼa Galesiya kotegamo uʼniye. Taitasiʼa Namalesiya kotegamo uʼniye.

အခန်းကိုကြည့်ပါ။ ကော်ပီ




2 Timoti 4:10
32 ပူးပေါင်းရင်းမြစ်များ  

Mago vayaʼmogi Vemo mafaʼneeʼmo huʼa faipa huʼa atesaya hosu kavaʼapimo afaʼa alino atalegaiyaʼmonanafa aote Aunemeʼaeʼmo huʼa faipa huʼa atesaya hosu kavaʼapimo hemenimo alino oʼatalege afole aisiya afinaʼmo alagi alino oʼatalege hugiye.


Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya gemo afole aisiyafeʼmo mani kavaʼmo afole neʼaiye, huno hapa nepaigeʼapaeʼmo muki geʼamo neʼafiya vayaʼmo ataleʼa apaune heʼa uʼnae.


Ani kavaʼmo huno lapakaepatiʼmo ina laʼmo muki agaiʼa yafeʼmo afaʼa atalegauve, huno osisiyana geʼnimo neʼafiya vekamo oʼmaigiye, huno hapa paiʼniye.


Aliʼyaʼmo neʼaliya vekamoʼmo lole aliʼyaʼmo afoʼalaʼmogani gemo afiteno akame huno aliʼyaʼmo afaʼa oʼaligiye. Mago vekaeʼmo hauʼnisigeno alu vekaeʼmo aini hugiye. Mago vekamo geʼamo afiteno alu vekaeʼmo akameʼyamo amigiye. Goti aliʼyateʼe moni aliʼyateʼeʼmo afaʼa oʼaligae, huno hapa paiʼniye.


Lapakaemo Loti aʼaʼmoʼmo huʼniya kavafeʼmo lapakesamo afita ho hiyo.


Poloʼe avagi huʼnaʼa vekalaʼeʼmo Pefosi kotegatiʼmo ataleʼa sipifiʼmo uʼa Pega taonifiʼmo Pamifiliya kotegamo uʼa avaʼyi huteʼa Yoni Makiʼa anataleno atagi neno Yulusalemu taonifiʼmo uʼniye.


Huno huʼniyana Poloʼa hunoʼaeʼmo, Haʼao, aliʼyatiʼamo alitaʼa hano osuʼnoʼageno Pamifiliya taonifatiʼmo ago laʼataleno aino atagi neno uʼniya vekae, huno huʼnigeʼana


Apakaemo Filisiya kotegaʼe Galesiya kotegaʼeʼmo umenitata huʼa maiʼnagenoʼaeʼmo Goti Aunemeʼamoʼmo Esiya kotegamo uʼa Goti geʼamo aeʼa hakalo huʼa hapa opaisayafeʼmo ka akanino apateʼniye.


Anakaemo uʼana Amifipolisi taonimo aliʼana atale uʼana Apoloniya taoniʼeʼmo aliʼana atale uʼana Tesalonaika taonifiʼmo uʼana maiʼnaʼae. Yu vayaʼai mono noʼmo haneʼnigeno


Meliya vayaʼmogimo ani gemo afiʼnageno apakesamo aino halo aiʼnigeʼa Tesalonaika vayaʼmo aeʼa apakaseʼa magoʼe huʼa alagepa huʼa afiʼnae. Apakaemo muki afinaʼae afinaʼaeʼmo Poloʼa lama gemo nehifi, huʼa apakesamo afiteʼa Goti Mukufiʼmo haneʼniya geeʼmo kahauya huʼa agege lekana paige huʼa maiʼnae.


Ani kavaʼmo huʼnayaʼmonanafa Tesalonaika Yu vayaʼmogimo afiʼnayana Poloʼa Meliya taonifiʼmo uno maiʼneno Goti geʼamo aeno hakalo huno hapa nepaiye, huʼa huʼnageʼa afiteʼapaeʼmo eʼa alu ge alu gemo huʼa muki vayaʼai apakesamo faiʼnae.


Mago afinaʼmo maiteno ataleno uno Galesiya kotegaʼe Filisiya kotegaʼeʼmo umenitata huno muki vayaʼmogi geʼamo afiʼnaya vayaʼmo Goti geʼaletiʼmo alino lokiya vaino apatemale apatemale huʼniye.


Nagaemo konagaʼnimoʼmo Taitasiʼa kahauya huʼna oʼageʼnovaʼmofeʼmo nahausoli huʼnigeʼnaeʼmo maitaleyo, huʼna huteʼna apataleʼna Masetoniya kotegamo uʼnove.


Huʼnonaʼmonanafa Gotiʼa apaipamoʼmo kana nehiya vayaʼai apaipamo alino falu nehiya vekamoʼmo Taitasiʼa alino ateʼnigeno halate lagaetegamo eʼniya kavatetiʼmo laipamo alino falu huʼniye.


Nagaemo lapa maesuvafeʼmo lusi kava huʼna nagesamo neʼafuva kava huno Taitasiʼeʼmo lapa maesiyafeʼmo agesamo neʼafiye. Gotiʼa Taitasi aipafiʼmo agesamo afiʼniya kavaʼmo amiʼniyaʼmofeʼmo Gotifeʼmo hao ke nehove.


Mago vayaʼmogi Taitasifeʼmo ge huʼa afigesayaʼmoʼmo, magoke agufa aliʼyaʼmo neʼaluʼaʼmofeʼmo nafaluʼnimoʼmo maiʼnigetaʼa nagaeʼeʼmo magokepi lokaetaʼa aliʼyaʼmo neʼaluʼae. Agaeʼeʼmo lokaeʼana uʼnaʼa konagatilaʼmoganifeʼmo ge huʼa anafi gesayaʼmoʼmo, siosiʼale siosiʼaleʼmo maiʼnaya vayaʼmogimo aliʼa anatageʼana uʼnaʼa apa vekalaʼmo maiʼnaʼae. Kalaisiʼa anakaetetiʼmo ala agiʼamo neʼaliye.


Lamiʼnayaʼmofeʼmo Taitasiʼa lapakaetegamo uno fikumo hapa maesaya ofalinimo hisaya aliʼyaʼmo aepa faiʼniya vekaeʼmo, uka ani aliʼyaʼmo alime alime uka alika hano huvo, huta ha paiʼnone.


Nagaeʼe muki nagaeʼeʼmo magokepi lokaeʼa maiʼnaya konagatapimogiʼeʼmo Galesiya kotega alita anupa hutapa maiʼnaya siosiʼale siosiʼaleʼmo vayaʼaifeʼmo ge nelapamamaone.


Muki vayaʼmogi Kalaisi Yesu aliʼyafeʼmo apakesamo oʼafiʼa apakaiʼapi aliʼyafekeʼmo apakesamo neʼafiye.


Monieʼmo hapaʼye nehiya kavaʼmoʼa muki alu hosu alu hosu kavaʼmo aepaʼamo haneʼniye. Mago vayaʼmo magoʼe monimo alisayafeʼmo hapaʼye huʼnigeʼapaeʼmo lagesamo afita fatago nehuna gemo ataleʼnageno asole hanageke kavaʼmoʼa apaipafiʼmo hapaeʼnigeʼa asole kana yaʼmo aliʼnae.


Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.


Ago afiʼnanana muki Esiya kotega vayanagi Esiya vekalaʼmo Fiselasiʼagi Hemosenisiʼagi huʼa ago nataleʼnae.


Lomu gamani vayaʼmogimo hogote afinaʼmo agotimo huʼa nateʼnageʼnaeʼmo naha maesiya gemo huʼnogenoʼaeʼmo mago vekamoʼmo eno naha oʼmaeʼnifa muki vayaʼamo ago nataleʼa uʼnae. Inagi Gotiʼa hosu kavaʼapimo anonaʼapilefeʼmo oʼapamisiyafeʼmo nahauʼniye.


Lama ge mafaʼneʼnimo Taitasigaeʼmo mani avoʼmo nekaove. Lagesamo afita fatago huʼnona kava huka kagesamo afika fatago huʼnane. Afotimo Gotiʼe lagufamo alino katino lateʼniya vekamo Yesu Kalaisiʼeʼmo fikumo kaha maeʼana kamiteʼana hanau huʼana katesaʼageno kaipamoʼmo falu hino.


Meo mafaʼnemo Melamiʼa monieʼmo haʼye huʼnigeno hosu kavaʼmo huʼniya kava huʼa alagepa kaʼmo ago ataleʼa u eʼa huʼnae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ