2 Timoti 3:4 - The Keyagana NT and 25 OT books

⁴ Apakaemo kutulu yaʼmo nege apakesamo oʼafiʼneʼa malage huʼa hosu kavaʼmo huge ala vayaʼmo maiʼnone, huʼa himuʼnamu gemo huge huteʼa Gotifeʼmo ohapauʼnisigeʼa apakufamoʼmo hauʼniya kavafekeʼmo apamogaga aigae.

2 Timoti 3:4 ပူးပေါင်းရင်းမြစ်များ

Apa 19:36

Magoke vekamoʼmo ani kavafeʼmo haʼao, huno osugiyaʼmofeʼmo mago kavaʼmo malage huta osutapa afaʼa vase hutapa maiyo.

Apa 7:52

Lapakinago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼaifeʼmo muki vayaʼmogi apaini huʼa apateʼnae. Goti aliʼyaʼamo neʼaliya vayaʼmogi, Alagepa kavaʼageʼmo nehiya vekamo eminegaiye, huʼa huʼnageʼapaeʼmo lapakinago vayaʼmogi apamagiʼnageʼa ago faliʼnae. Hemenimo lapakaeʼeʼmo kutulu yaʼmo alitetapa ava gemo huʼnaya vekamo ago amagiʼnageno faliʼniye.

Lomu 11:20

He, lama gemo huʼnayaʼmonanafa Kalaisifeʼmo apakesamo afiʼa fatago osuʼnayaʼmofeʼmo alino lo aeno apataleʼnigetapaeʼmo lapakaemo lapakesamo afita fatago nehaya kavatapiletiʼmo afaʼa neʼmaiye. Himuʼnamu kavaʼmo osutapa koligeʼmo huta maiyo.

Lomu 16:18

Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.

1 Timoti 3:6

Saufamo Goti mafaʼnemo hamaleʼnisiya vekamoʼmo vayatama vekamo oʼmaigiye. Sataniʼa himuʼnamu agesamo afiʼnigenoʼaeʼmo Gotiʼa hunoʼaeʼmo, hosu kagesamo afiʼnane, huno huʼniya agufa gemo huno saufamo agesamo afino fatago huʼnisiya Goti mafaʼnemoʼmo agufamo avalelino nehaisigenoʼaeʼmo Gotiʼa, hosu kavaʼmo huʼnane, huno hugiye.

1 Timoti 5:6

Neʼmaiyaʼmonanafa apakufamoʼmo hauʼniya kavaʼmo nehaya kogu aʼnemogimo afaʼa maiʼneʼapaeʼmo falisaya kavategamo neʼmaiye.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.

Yuti 1:19

Ani kavaʼmo nehaya vayaʼmogimo siosi vayaʼmo aliʼa fako huʼa neʼapatae. Goti Aunemeʼamo oʼaliʼa ma mopafi vayaʼmo maiʼnae.

Yuti 1:4

Mago vayaʼmogimo Gotifeʼmo alagepa huʼa mono nosaya vayaʼmo kesi katetiʼmo eʼa lagae folagapiʼmo afole aiʼnae. Apakaemo hapaʼye nehigeʼa kumai kavaʼmo hisayafeʼmo Goti geʼamoʼmo fikumo laha maeno nelamiya kavafeʼmo ava gemo aliʼa afe leʼa alu gemo nehae. Magoke vekamo yagaino neʼapateya Ala kava netimo Yesu Kalaisifeʼmo apakameʼyamo amiʼnae. Akeyaʼvilagamo Gotiʼa ani kavatefeʼmo lekana pai maleʼniyana agoti huʼna apateteʼna kayoʼmo apamiguve, huno hu maleʼniye.