2 Timoti 3:16 - The Keyagana NT and 25 OT books

¹⁶ Muki gemo Goti mukufiʼmo avoʼmo kae maleʼnaya gemo Gotiʼa avamusa aiʼniya gemo haneʼniye. Alagepa huno hapa maesiyafeʼmo alino apaya neʼmaleya gemo hanege hosu kavaʼapimo alino apave neliya gemo hanege alino api aino neʼapateya gemo hanege fatago kavaʼmo hisayafeʼmo alino ho huno neʼapateya gemo hanege huʼniye.

2 Timoti 3:16 ပူးပေါင်းရင်းမြစ်များ

Samu 119:11

Kagaetegamo hosu kavaʼmo osisuvafeʼmo gekamo naipafiʼmo aliʼna fala ki maleʼnove.

Samu 119:130

Gekamoʼmo vayaʼai apaipafiʼmo faleno uno haitenoʼaeʼmo aeno ha nele. Negi vayaʼmogi gekamo afiteʼapaeʼmo gemo aepaʼamo afigae.

Samu 119:9

Haiya kava huno neya vekamoʼmo nehiya kavaʼamo afaʼa aeno kalo paeno atalegaiye. Agaemo gekamo alagepa huno afisiya kavatetikeʼmo afaʼa aeno kalo paeno atalegaiye.

Mai'naya kavane 15:10

Mago vekamoʼmo alagepa kaʼmo atalesigenoʼaeʼmo lokiya gefatiʼmo huno alino api aino ategaiye. Mago vekamoʼmo alino api aino atesiya geeʼmo ohaisiyaʼmoʼmo faligiye.

Mai'naya kavane 15:31

Alagepa huʼa maisaya kavafeʼmo aliʼa api aiʼa hapa paisaya gemo alagepa huʼa afisaya vayaʼmogimo afiteʼa ageʼnaya vayaʼeʼmo magokepi lokaeʼa maigae.

Mai'naya kavane 6:23

Afiyo, huno huʼniya gemoʼmo lamugana huno haneʼniye. Keʼaepa gemoʼmo ha le yakana huno haneʼniye. Ani gemoʼmo alino api aino katesigeka alagepa huka maisana yaʼmo alisana kaʼmo alino kave ligiye.

Maika 2:7

Yekopu nofi vayaʼmogitapae, huno, Lapakaemo, Ala kava neʼmo Aunemeʼamo atafautapa ateʼnayanageno aliʼyaʼamo afaʼa oʼalisifiye. Aunemeʼamoʼmo lapakaemo ani nehaya kavafeʼmo amuse nehifiye. Gotiʼa hunoʼaeʼmo, Geʼnimoʼa fatago kavaʼmo nehaya vayaʼmo alagepa huno hapa noʼmaefiye.

Sefanaiya 3:2

Apakaemo Goti gemo oʼafiʼnae. Ala kava neʼmoʼa alino api aino apatesiyafeʼmo nohapaiye. Apakaemo Ala kava neʼmo aliʼa amufa noʼamiye. Apakaemo Gotiʼapimo haopaleʼmo noʼvae.

Matiyu 13:52

Agaemo hapa painoʼaeʼmo, Afamo anagaʼai afoʼapimo noʼapifiʼmo alagepa yaʼmo saufamo ageno maleʼniya yaʼe akeyaʼvilaga ageno maleʼniya yapatiʼeʼmo alino afamo anagaʼamo neʼapamiya kava huʼa muki keʼaepa gemo tisa vayaʼmogimo Gotiʼa yagaino neʼapateya kavafeʼmo aliʼa apaya maleʼnageʼa afiʼnaya tisa vayaʼapimogi saufa geʼe atafa geʼeʼmo aliʼa neʼapamiye, huno hapa paiʼniye.

Matiyu 21:42

Yesuʼa hunoʼaeʼmo, lapakaemo mago Goti gemo avoʼmo kae maleʼniya gemo lekana opaiʼnafiye. Ani gemoʼa hunoʼaeʼmo, Yafatetiʼmo no nekiya vayaʼmogimo mago no nekiya yafafeʼmo huʼapaeʼmo, afa yafane, huʼa huteʼa aliʼa ataleʼnayaʼmonanafa kanale hogote kona yafaʼmo afole aiʼniye. Ala kava neʼmoʼa mani kavaʼmo alino afole aino ateʼnigeta ageteta lahau aitetaeʼmo, vae, huta, alagepa kavaʼmo huʼniye, huta huʼnone, huno huʼniye.

Matiyu 22:43

Nevini mafaʼnelupatiʼmo aginago vekamo maiʼniye, huʼa huʼnagenoʼaeʼmo, Nevini aginagomo maiʼnisiyaʼmoʼmo haiya kava higeno Neviniʼa Goti Aunemeʼamoʼa alino amiʼniya geʼaletiʼmo Kalaisi vekaeʼmo hunoʼaeʼmo, kava neʼnie, huno huʼniye.

Matiyu 26:54

Nagaemo Afoʼnimofeʼmo ge hisuvana Goti Mukufiʼmo avoʼmo kae maleʼniya gemoʼa hunoʼaeʼmo, nagaetegamo ani kavaʼmo hugae, huno huʼniyaʼmofeʼmo haiya kava huno ani gemo afole aigiye, huno hapa paiʼniye.

Matiyu 26:56

Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya gemo afole aisiyafeʼmo mani kavaʼmo afole neʼaiye, huno hapa nepaigeʼapaeʼmo muki geʼamo neʼafiya vayaʼmo ataleʼa apaune heʼa uʼnae.

Maki 12:24

Afi geʼnagenoʼaeʼmo, lapakaemo Goti mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye.

Maki 12:36

Aote Aunemeʼamoʼmo Neviniʼmo mago gemo alino amiʼnigeno hunoʼaeʼmo, Ala kava Neʼmoʼa Ala kava neʼnieʼmo hunoʼaeʼmo, lamaga nahaopaleʼmo faika maime maime neʼugeʼnao kame vayakamo apamagisugeʼa kaiya afeʼalumenaga maigayanagi, huno huʼniye.

Yoni 10:35

Ago afiʼnonana Goti mukufi haneʼniya gemo alagi lama gemo hanege hanege huno haneʼneno hano osisiya agufa gemo haneʼniye. Goti mukufiʼmo haneʼniya gemoʼa Goti geʼamo alino apamiʼniya vayaʼaifeʼmo, gotikana hutapa maiʼnae, huno hapa paiʼniye.

Yoni 3:20

Hosu kavaʼmo nehaya vayaʼmogimo ha le yafeʼmo alagi ohapauʼnigeʼapaeʼmo hosu kavaʼapimo afole oʼaisiyafeʼmo ha le yategamo alagi noʼmae.

Apa 1:16

Vayaʼnimogitapae, huno, Goti Aunemeʼamoʼmo akeyaʼvilaga Yutasiʼa Yesuʼmo atafauʼa kalavusi huʼa atesaya vayaʼmo kaʼmo alino ho huno apave liʼniya vekamoʼmo hisiya kavafeʼmo ava gemo laginago vekamo Nevinifeʼmo ha paiʼnigeno avoʼmo ago kae maleʼniye. Ani avoʼmo kae maleʼniya gemo ago afole aiʼniye.

Apa 18:25

Ala kava neʼmo kafeʼmo ava gemo aliʼa aya maleʼnaya vekamo maiʼneno ayamukiki huno alagepa huno Efasasi vayaʼmo alino apaya maleʼniye. Agaemo Yoniʼa aniʼmo faleno neʼapateya vekamo ava geʼageʼmo afiʼniye.

Apa 20:20

Nagaemo muki geʼamoʼmo lapa maesiya agufa gemo lapa paisuvafeʼmo maiʼna halove huteʼna mago gemo fala okiʼnovaʼmonanafa alita anupa hutapa maiʼnayategaʼe notapifi notapifiʼeʼmo ago aliʼna lapaya maleʼnove.

Apa 28:25

Alu apakesa alu apakesamo afiteʼa ataleʼa uʼnae. Ataleʼa oʼuʼnagenoʼaeʼmo Poloʼa hogoteno hapa painoʼaeʼmo, Goti Aunemeʼamo aote Aunemeʼamoʼmo Aiyeyafeʼmo lama gemo ha paiʼnigeno Aiyeyaʼa lapakinago vayaʼaifeʼmo ani gemo hapa paiʼniye. Goti Aunemeʼamoʼmo ani gemo hunoʼaeʼmo,

Lomu 15:4

Akeyaʼvilagamo avoʼmo kae maleʼnaya gemoʼmo alino laya malesiyafeʼmo avoʼmo kae maleʼnae. Goti mukufiʼmo huʼniya gemoʼa laha maesigeta oʼataleta atafauta alagi huta maiʼnisunageno laipamoʼmo falu huʼnisigeta lavayagunagu huta agava maisunafeʼmo avoʼmo kae maleʼnae.

Lomu 3:2

Muki kavatefeʼmo hapa maesiya yaʼmo ago aliʼnae. Hogote yaʼmo hapa maesiya yaʼmo haneʼniyana Gotiʼa geʼaleʼmo yagaiʼa atesayafeʼmo geʼamo ago apamiʼniye.

Lomu 4:23

Gotiʼa hunoʼaeʼmo, naulagaleʼmo fatago vekamo maiʼnane, huno ha paiʼniya gemo Emalehamufekeʼmo avoʼmo okaeʼnifa lagaeʼefeʼmo avoʼmo kae maleʼniye. Ani kava huno Gotiʼa lagaemo agaefeʼmo Ala kava netimo Yesuʼa faliʼniyatetiʼmo ago alino he tino ateʼniya Gotifeʼmo lagesamo afita fatago nehuna vayaʼmogitaeʼmo, naulagaleʼmo fatago vayaʼmo maiʼnae, huno laha paigiye.

1 Kolitiyani 12:7

Goti Aunemeʼamoʼmo muki siosi vayaʼmo apamete apamete huʼa hapa maesayafeʼmo muki vayaʼai apaipafiʼmo maiʼnigeʼa apakaemo alu kava alu kavatetiʼmo aliʼyaʼmo neʼaliye.

Galesiya 3:8

Gotiʼa hogoteno apakeʼniyana malaga nofi vayaʼmogimo apakesamo afiʼa fatago hisageʼna apaketeʼnaeʼmo, naulagaleʼmo fatago vayaʼmo maiʼnae, huʼna hapa paiguve, huno apakeʼniye. Apaketeno hogoteno alagepa faigoko geʼamo Emalehamufeʼmo polomasi gemo huno ha painoʼaeʼmo, nagaemo kagaetetiʼmo muki nofi vayaʼmo aliʼna auleʼna apategauve, huno ha paiʼniye.

2 Timoti 2:25

Goti aliʼyaʼamo neʼalisiya vekamoʼmo gemo amagiʼa neʼatagaya vayaʼaifeʼmo himuʼnamu gefatiʼmo osuno vase vase gemo huno alino api aino apategaiye. Gotiʼa apakaemo lama gemo afiteʼa agesayafeʼmo apaipamo alino afe leno apatesifi, huteno vase vase gefatiʼmo hugiye.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.

Himulu 11:1

Lagesamo afita fatago nehuna kavaʼmo afole aisiya kavatefeʼmo lavayagunagu huta agava neʼmauna kavaʼmo oʼageʼnona kavaʼmo alino lave neligeta alagi ago ageʼnone.

Himulu 3:7

Ani kavatefeʼmo Goti Aunemeʼamo aote Aunemeʼamo geʼamo alagepa hutapa afiyo. Agaemo hunoʼaeʼmo, Hemenimo lapakaemo Goti geʼamo neʼafisayana lapaipamo alita lokiya vaita oʼateyo. Lapakinago vayaʼmogimo kaʼme kotegamo nata neʼa neʼuʼapaeʼmo namalageka huʼnae. Geʼnimo ago amagiʼa ataleʼnaya kava hutapa geʼnimo amagitapa oʼataleyo.

Himulu 4:12

Goti geʼamo aunemeʼe gemo haneʼneno himamuʼaletiʼmo aliʼyaʼmo neʼaliye. Ani gemoʼa aluga alugaʼamo aveʼmo neʼneya naipemo ago aeno agaseno aveʼmo lusi kava huno neʼne. Agaemo geʼaletiʼmo apagupi mafaʼnefinagi apauneʼapamepinagi apayamufafinagi apatupinagi huno aeteno alino fako nehiye.