2 Timoti 3:15 - The Keyagana NT and 25 OT books

¹⁵ Kagaemo aise mafaʼnemo maiʼnana afinatetiʼmo Goti aote mukufiʼmo avoʼmo kae maleʼnaya gemo afime afime eka hemenimo maiʼnane. Gotiʼa ani geletiʼmo afiteka agesana kaipamo afaʼa kamiteka Kalaisi Yesufeʼmo kagesamo afika fatago nehana kavatetiʼmo kagufamo alino katino kateteno kahau vaigiye.

2 Timoti 3:15 ပူးပေါင်းရင်းမြစ်များ

2 Sitoli 34:3

Yosaiyaʼmo eitiʼa kafugamo neya kini vekamo maiʼnenoʼaeʼmo aginago kini vekamo Nevini Gotiʼamoʼmo agesiyafeʼmo aepa faino kahauya huʼniye. Agaemo tuolofuʼa kafugamo yagaino apatetenoʼaeʼmo Yuta haopalegaʼe Yulusalemu taonifiʼeʼmo yosaletiʼmo alo huʼnaya aune yatefenagi aeniletiʼmo alo huʼnaya aune yatefenagi haginaletiʼmo alo huʼnaya aune yatefenagi huʼa ave koteʼmo mono huʼnaya yaʼmo aepa faino alino ataleʼniye.

Samu 19:7

Ala kava neʼmo keʼaepa geʼamo kanale alagepa gemo haneʼneno apakupi mafaʼnemo alino alagepa huno neʼate. Ala kava neʼmo faigoko geʼamoʼmo aino ataginovano nosifa alagepa huno haneʼnenoʼaeʼmo oʼageʼnaya vayaʼmo alino apaya maleʼnigeʼa apakesamo neʼafiye.

Mai'naya kavane 22:6

Lapakaemo neʼvaya kateʼmo mafaʼne anagatapimogi visayafeʼmo alita apaya maleta aepa faitapa apateʼnigeʼa kosuna lesaya afinaʼmo oʼatalegae.

Mai'naya kavane 8:17

Nagaefeʼmo hapau apamopafiʼmo nehapaiya vayaʼaifeʼmo nahau nayamopafiʼmo neʼnahaiye. Apaya mukiki huʼa kahauya nehisaya vayaʼmogi nagegae.

Matiyu 22:29

Yesuʼa hapa painoʼaeʼmo, lapakaemo Goti Mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye.

Luki 1:15

Goti aulagaleʼmo ala agi vekamo maigiye. Lokiya aniʼmo neteʼa negi nehaya agufa aniʼmo oʼnegaiye. Itaʼamoʼmo alino atesiya afinatetiʼmo Aote Aunemeʼamoʼmo aipafiʼmo havai teno maigiye.

Luki 2:40

Ani mafaʼnemo ko sino alopa hetenoʼaeʼmo lokiya vaino maiʼniye. Gotiʼa alagepa huno ha maeʼnigeno alagepa huno afiteno ageʼnigenoʼaeʼmo alagepa aipa agesamo afole aiʼniye.

Luki 24:27

Agaemo Moseseʼa agaefeʼmo ava gemo huno avoʼmo kae maleʼniya gemo aepa faiteno aepaʼamo alino anaya maleʼniye. Ani kavaʼmo huno muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo agaefeʼmo ava gemo huʼnaya gemo aepaʼamo alino anaya maleme maleme uʼniye.

Luki 24:32

Anakaiʼanimo huʼanaeʼmo, kategamo neʼetaeʼmo Goti Mukufati gemo aepaʼamo alino laʼaya neʼmalegenoʼaeʼmo laʼaipafiʼmo hagaʼage gemo afole aiʼnigeno laʼaipamoʼmo falu huteno laʼamogaga aiʼniye, huʼana huʼnaʼae.

Luki 24:45

huno apakesamo huno halo aino hapa paiteno alino apaya maleʼniye.

Yoni 5:47

Lapakaemo avoʼmo kae maleʼniya geeʼmo lapakesamo afita fatago osuʼnisayana haiya kava hutapa navayafatiʼmo nehuva geʼnieʼmo lapakesamo afita fatago hugae.

Apa 10:43

Muki laginago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogimo ava gemo huʼapaeʼmo, Gotiʼa ani vekamo agiʼaletiʼmo agaefeʼmo apakesamo afiʼa fatago nehaya vayaʼai hosu kavaʼapimo alino atalegaiye, huʼa avoʼmo kae maleʼnae, huno hapa paiʼniye.

Apa 13:29

Goti Mukufiʼmo Yesufeʼmo ava gemo huʼapaeʼmo, Ani kavaʼmo afole aigiye, huʼa huʼnaya agufa kavaʼmo agaetegamo huteʼapaeʼmo nilimo aiʼa akaiʼa alini uʼa kiʼa ateʼnayaʼmonanafa

Apa 16:1

Poloʼa ani haopalegatiʼmo ataleno uno Nemi taonifiʼmo maigeno ataleno Lisitiya taonifiʼmo uno maiʼniye. Mago vekamo geʼamo neʼafiya vekamo agiʼamo Timotiʼa ani taonifiʼmo maiʼniye. Itaʼamoʼmo agesamo afino fatago huʼniya a kanomo Yu a kanomo maiʼnigeno afoʼamoʼmo Galiki nofi vekamo maiʼniye.

Apa 17:2

Poloʼa nehiya kava huno uno haino mono nopiʼmo loleʼe magoʼe Sapati afinaʼmo Goti Mukufi gemo lekana paino alino apaya maleʼnigeʼapaeʼmo agaeʼeʼmo ge huge afige huʼa maiʼnae.

Apa 26:24

Poloʼa agaiʼamo gemo huno ha maesiyafeʼmo ani gemo nehigenoʼaeʼmo Fesitasiʼa Polofeʼmo hunoʼaeʼmo, kagaemo negi neʼmalane. Asole afinaʼmo mukufiʼmo lekana nepainaʼmofeʼmo kagesamo alino hosu huno kateʼnigekaeʼmo negi nagi gemo nehane, huno ha paiʼnigenoʼaeʼmo,

Lomu 1:2

Akeyaʼvilaga Gotiʼa agaetegati gemo alini eʼa aeʼa hakalo huʼa hapa nepaiya vayaʼmogi aote mukufiʼmo avoʼmo kae maleʼnaya geʼapimoʼa mani alagepa faigoko geʼalefeʼmo, afole aigiye, huno hapa paiʼniye.

Lomu 16:26

hemenimo Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya gemo alagepa faigoko geʼamo ha le yategamo ago afole aiʼniye. Maige maige huno neʼmaiya Gotiʼa, alita aeta hakalo hiyo, huno huʼnigeʼa muki nofi vayaʼmogi apakesamo afiʼa fatago hisaya gemo akame hisayafeʼmo aeʼa hakalo huʼa hapa paiʼnae.

Lomu 2:27

Apakufamo olagauʼnageʼa afaʼa maiʼnaya vayaʼmogimo keʼaepa geʼamo akame nehisayaʼmoʼmo agoti huʼa kategae. Keʼaepa geʼamo ago aliʼnanageʼapaeʼmo kagufamo lagauʼnaya vekamogamo ani keʼaepa geʼamo ago amagika neʼatalanaʼmofeʼmo, hosu kavaʼmo huʼnane, huteʼa agoti huʼa kategae.

1 Kolitiyani 1:21

Gotiʼa afiʼniya geʼaletiʼmo ani kavafeʼmo hunoʼaeʼmo, afiteʼa ageʼnaya kavatetiʼmo nageʼa aeto osugae, huno huteno kaʼmo akani maleʼniye. Agaemo negi nagi gemo haneʼniye, huʼa apakesamo neʼafiya faigoko geʼamo aeta hakalo huta hapa nepauna geʼaletiʼmo Kalaisifeʼmo apakesamo afiʼa fatago nehaya vayaʼai apakufamo alino katino neʼapate.

Efasasi 6:4

Afoʼapimogitapae, huʼna, mafaʼnetapimo apaipamo lesiya kavaʼmo osutapa Ala kava neʼmoʼageʼmo alita apaya malege alita api aitapa apatege hutetapa alagepa huta yagaitapa apateyo.

1 Timoti 4:13

Kagaemo Goti geʼamo alagepa huʼa lekana paige ani kavaʼmo hiyo, huʼa aeʼa hakalo huʼa hapa paige aliʼa apaya malege hisayafeʼmo yagaika apateme apateme neʼugeʼna egauve.

2 Timoti 1:1

Gotiʼa hunoʼaeʼmo, Kalaisi Yesupiʼmo maige maige huʼa maisaya yaʼmo apamiguve, huno huʼniye. Mani gelefeʼmo, Yesu Kalaisi apa vekaʼamo maigane, huno naha paiʼnigeʼnaeʼmo nagaemo Poloʼnamo aliʼyaʼamo alisuvafeʼmo hauʼnigeno navaleno nateʼniye.

2 Timoti 1:5

Kagaefeʼmo nagesamo afiʼna ho huʼnaeʼmo, lama gemo huno agesamo afino fatago huʼniye, huʼna nehuve. Mani agufa lama ge kavaʼmo hogoteno alemokamoʼmo Lovisi aipafiʼmo haneʼnigeno itakamoʼmo Yunisi aipafiʼeʼmo haneʼniya kavaʼmo huno kagae kaipafiʼmo haneʼniye, huʼna ago ageʼnovaʼmofeʼmo lole nagesamo oʼafiʼnofa magoke nagesamo neʼafuve.

2 Pita 3:16

Agaemo muki kaeʼniya avoʼamo ani kavafekeʼmo kaeʼniye. Mago avoʼmo kae maleʼniya gemo aepaʼamo afisayafeʼmo kana huʼniye. Kana huʼnigeʼa alagepa huʼa afiteʼa lokiya noʼvaiya vayaʼmogimo aliʼa afe leʼa alino apagoʼya lagauno apatalesiya agufa kavakeʼmo aliʼa afole aiʼa neʼatae. Ani kava huʼa muki gemo Goti mukufiʼmo avoʼmo kae maleʼnaya geeʼmo hosu gemo huʼa aliʼa afeleʼa nehae.

Leveleseni 19:10

Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.

1 Samiyo 2:18

Ani afinaʼmo Samiyoʼmo aise mafaʼnemo maiʼniyaʼmonanafa Ala kava neʼmo aulagaleʼmo agaemo monoʼmo huʼa neʼapataya vayaʼmogimo vaiʼa neʼaliya kukenamo vaino aliʼneno aliʼyaʼmo aliʼniye.