2 Timoti 3:11 - The Keyagana NT and 25 OT books

¹¹ Apaini huʼa nateʼnageka nagege kana yaʼmo aliʼnogeka nagege huʼnane. Nagaemo Atiyoki taonifinagi Lisitiya taonifinagi Aikoniyamu taonifinagi huʼa hanageke yaʼmo namiʼnageka nageʼnane. Ala kava neʼmoʼa muki hanageke kavapatiʼmo nagufamo alino katino nateʼniye.

2 Timoti 3:11 ပူးပေါင်းရင်းမြစ်များ

Aepa Gemae 48:16

Enisole vekamoʼa muki hosu kavategatiʼmo nagufamo alino katino nateʼniya enisole vekamoʼa lole mafaʼnelaʼmo alino auleno anatesigeʼa vayaʼmogimo anakaefeʼmo huʼapaeʼmo, Yekopu mafaʼnelane, huʼa huge Emalehamu nofi vekalane, huʼa huge Aisaki nofi vekalane, huʼa huge hugae. Anakaepatiʼmo Gotiʼa asole vayaʼmo alino afole aino apateno, huno huʼniye.

Samu 34:19

Alagepa vayaʼmogimo lusi hanageke yaʼmo neʼaliyaʼmonanafa Ala kava neʼmoʼa muki hanageke yapatiʼmo apakufamo alino katino neʼapate.

Samu 37:40

Apakaemo Ala kava nefekeʼmo aliʼa amufa neʼamiyaʼmofeʼmo hatu maeno apateteno hosu vayaʼai apayapatiʼmo apavalelineno apakufamo alino katino neʼapate.

Samu 91:14

Gotiʼa, nagaefeʼmo hau ayamopafiʼmo hauʼniyaʼmofeʼmo agufamo aliʼna katiʼna ategauve, huno huʼniye. Nagiʼnimo afino alagepa huʼniyaʼmofeʼmo aliʼna asaga huʼna ategauve.

Aiyeya 43:2

Lapakaemo aniʼmo lakaesaya afinaʼmo lapakaeʼeʼmo magokepi lokaeʼna maiguve. Alopa aniʼmo lakaesayaʼmoʼmo aeno lapati okaegaiye. Lapakaemo atafatiʼmo faitapa kasalo paesaya afinaʼmo leno lapasaga olisigeno ata vaiʼmoʼa lapaleno lapafo osugiye.

Neniyo 6:27

Agaemo hosu kavategatiʼmo apavalelino ege apakufamo alino katino apatege nehiye. Agaemo kokuʼnapiʼe ma mopaleʼeʼmo alagena aune kavaʼmo huge ageteʼa hapau neʼaiya kavaʼmo huge nehiye. Ani Gotiʼmo Neniyoʼa laiyoni anagapatiʼmo agufamo alino katino ateʼniye.

Apa 13:14

Pega taonifiʼmo atale uʼana Atiyoki kotega taonimo Pisitiya kotegamo uʼana avaʼyi huteʼana Sapati afinaʼmo Yu vayaʼai mono nopiʼmo uʼana haiʼnaʼae.

Apa 13:45

Asole vayaʼmo eʼa maiʼnageʼa Yu vayaʼmogi apaketeʼapaeʼmo apaipa kafamo hanaeʼnageʼa Polo geʼamo amagiʼa ataleteʼa Polofeʼmo huʼa faipa huʼa ateʼnayaʼmonanafa

Apa 14:8

Mago vekamo Lisitiya taonifiʼmo maiʼniya vekamo aiyalaʼmo lokiya oʼvaiʼnigeno ka umenitata nosiya vekamo itaʼamoʼmo alino ateʼniya afinatetiʼmo aiyalaʼmo hosuʼnigeno maime maime eʼniye.

Apa 20:19

Yu vayaʼmogi nagaefeʼmo muki afinaʼae afinaʼaeʼmo vegemo huʼa maiʼnageʼnaeʼmo lusi kava huʼna kana alige aviʼyaʼmo huge huʼna maiʼneʼnaeʼmo muki afinaʼmo ina agufa vekamo maiʼnove, huʼna nagiʼnileʼmo aliʼna afepi ateteʼna Ala kava neʼmo aliʼyaʼamo aliʼnogetapa nageʼnae.

Apa 23:10

Lusi kava huʼa ge vaiʼnagenoʼaeʼmo ati vayaʼaiteʼmo hogote vekamo yagaino neʼapateya vekamoʼmo hunoʼaeʼmo, Poloʼa heʼa avayu hulitata hisageno faligiye, huno agesa afitenoʼaeʼmo ati vayaʼaifeʼmo hunoʼaeʼmo, Utapa folagapatiʼmo avaletapa lapayateʼmo alita asagaulitetapa yafa nopiʼmo uta haitapa ateyo, huno hapa paiʼniye.

Apa 26:17

Nagaemo Yu vayaʼaitegaʼe alu nofi vayaʼaitegaʼeʼmo aliʼna katesugeka uka maiʼnisanageʼnaeʼmo apayapatiʼmo kagufamo aliʼna katiʼna kategauve.

Apa 26:22

Gotiʼa alagepa huno naha maeme naha maeme eʼnigeʼna apaki haneʼniya vayaʼe apaki ohaneʼniya vayaʼefeʼmo aeʼna hakalo huʼna hapa paiʼna maiʼnove. Gotitegati gemo alini eʼa aeʼa hakalo huʼa hapa nepaiya vayaʼmogiʼe Moseseʼeʼmo huʼapaeʼmo, ani kavaʼmo afole aigiye, huʼa hapa paiʼnaya agufa geʼageʼmo huʼna hapa paime hapa paime eʼna maiʼnove.

Apa 9:16

Nagiʼnilefeʼmo agafu kisiya kavaʼmo aliʼna ave lisugeno aliʼyaʼnimo aligiye, huno ha paiʼniye.

Lomu 15:31

Gotiʼa Yuta kotega apakesamo afiʼa fatago osuʼnaya vayaʼai apayapatiʼmo nagufamo alino katino natesiyafeʼmo nunumuʼmo hutapa natege Yulusalemu taonifi apaote vayaʼmo hapa maesugeʼapaeʼmo amuse hisayafeʼmo nunumuʼmo hutapa natege hiyo.

2 Kolitiyani 1:5

Kalaisiʼa lusi kana yaʼmo aliʼniya kava huta lusi kana yaʼmo hetamatimo neʼalune. Lusi kava huta kana yaʼmo neʼaluna kavaʼmo huno Gotiʼa Kalaisitetiʼmo magoʼe huno laha maeno alino lokiya vaino nelate.

2 Kolitiyani 1:7

Kana yaʼmo neʼaluna kava hutapa kana yaʼmo neʼaliye. Ani kava huno alino lokiya vaino nelateya kava huno alino lokiya vaino lapategaiye, huta ago afiʼnonaʼmofeʼmo, oʼataleʼa atafauʼa alagi hugae, huta lagesamo neʼafune.

2 Kolitiyani 12:10

Aiguvaʼmofeʼmo Kalaisi agiʼalefeʼmo lokiya noʼvauva kavanagi huʼa faipa huʼa neʼnataya gegi kafu nehuva kavanagi apaini huʼa neʼnataya kavanagi hanageke yaʼmo neʼaluva kavatefenagi huʼna lusi kava huʼna namogaga aiguve. Na kavaʼmo higeʼnaene. Lokiya noʼvaiʼnaeʼmo lokiya vaiʼna maiʼnovaʼmofeʼmae.

2 Timoti 4:7

Kanale kamemo Goti vayaʼamogimo nehaya agufa kamemo ago huʼnove. Nagu nagu huʼna uʼna atupaleʼmo he tiʼnove. Apakesamo afiʼa fatago nehaya geleʼmo yagaiʼna ateʼnogeno afaʼa alagepa huno haneʼniye.

2 Pita 2:9

Inagi Ala kava neʼmoʼa agaefeʼmo mono nehaya vayaʼai apakufamo alino katino apatetenoʼaeʼmo hosu kavaʼmo huʼnaya vayaʼmo kayoʼmo apamiteno agoti huno apatesiya afinaʼmo yagaino apatesiyafeʼmo ageʼniye.