2 Timoti 3:10 - The Keyagana NT and 25 OT books

¹⁰ Nehayaʼmonanafa kagaemo nehuva kavaʼnimo ago ageteka akame huʼnane. Ago ageʼnanana aliʼna apaya maleʼnogeka nagege muki afinaʼmo na agufa kavaʼmo nehufi huka nagege neʼaluva aliʼyaʼmoʼa na agufa neʼyaʼmo afole aisiyafeʼmo aliʼyaʼmo neʼalufi huka nagege Gotifeʼmo nagesamo afiʼna fatago nehugeka nagege gemo noʼafiya vayaʼaitegamo yagu yaga kavaʼmo huʼnogeka nagege Gotiʼe konagatimogiʼefeʼmo nahau nayamopafiʼmo nahauʼnigeka nagege kana yaʼmo aliʼneʼnaeʼmo oʼataleʼna atafauʼna alagi huʼna maiʼnogeka nagege huʼnane.

2 Timoti 3:10 ပူးပေါင်းရင်းမြစ်များ

Neniyo 1:8

Neniyoʼa kini vekamo nopatiʼmo haga neʼyaʼe aniʼeʼmo nesiyafeʼmo ohauʼnigeno aipafi agesamo afinoʼaeʼmo, oʼnegauve, huno huʼniye. Fiku yanageʼna nesuvana Goti aulagaleʼmo mono kavatefeʼmo aliʼna hosu huʼna ategauve, huno agesamo afiʼniye. Afiʼniyaʼmofeʼmo meku vayaʼaite yagaiʼniya vekaeʼmo alu neʼyaʼmo agaemo amisiyafeʼmo ge huno afi geʼniye.

Luki 1:3

Nagaeʼeʼmo yatala afinaʼmo muki kavafeʼmo ava gemo alagepa huʼna ago afiʼnovaʼmofeʼmo muki afole aite afole aite huʼniya kavafeʼmo avoʼmo kaegauve, huʼna nagesamo afiʼnove.

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Apa 20:18

Eʼa maiʼnagenoʼaeʼmo Poloʼa hunoʼaeʼmo, Nagaemo lapakaeʼeʼmo maiʼneʼnaeʼmo na agufa kavaʼmo huʼna maiʼnofi ago nageʼnae. Lapakaemo Esiya kotegatiʼmo eʼna avaʼyi huʼnova afinatetiʼmo muki afinaʼmo lapakaeʼeʼmo maiʼnogetapaeʼmo nageʼnae.

Apa 26:4

Hogoteʼna mafaʼneʼnileʼmo maiʼneʼnaeʼmo vayaʼniʼeʼmo Yulusalemu taonifiʼmo maime maime eʼnaeʼmo huʼnova kavaʼnimo Yu vayaʼmogimo ago nageʼnae.

Lomu 16:17

Konagaʼnimogitapae, huʼna, aliʼna he tiʼna lapatesuvafeʼmo huvanagi mago vayaʼmogi lapakaemo afiʼnaya gelefeʼmo kame huʼa ateteʼa aliʼa fako huʼa lapatege hosu kavaʼmo hisayafeʼmo lapayateʼmo alige nehaya vayaʼaifeʼmo alagepa hutapa yagaita maiʼnetapaeʼmo maitapa halove huta maiyo.

2 Kolitiyani 1:17

Nagaemo huʼnaeʼmo, ani kavaʼmo huguve, huʼna huʼnova gemo navayaʼaletikeʼmo afa gemo huʼnofiye. Haʼao. Ma mopafi vayaʼmogi nehaya agufa ge huʼna hisuva kavafeʼmo lole gemo huʼnaeʼmo magoke afinaʼmo he, huʼna huteʼna, haʼao, huʼna osuʼnove.

Efasasi 4:14

Magoʼe huta mafaʼnegana huta oʼmaita kosigune. Mafaʼnegana huta maiʼnisunaʼmoʼmo aigofe vayaʼmogi aliʼa apaya neʼmalaya gemoʼmo yasimo alinino uneno nehigeno aino afelo afalo nehiya sipigana huta maigune. Apakaemo apakaiʼapimo apakesamo afiteʼa humiʼnami gemo huteʼa apayate neʼaliye.

Filipai 2:20

Nagaeʼeʼmo lokaeʼa aliʼyaʼmo neʼaliya vayapatiʼmo mago vekamoʼa Timotigana huno oʼmaiʼniye. Agaiʼageʼmo alagepa hutapa maisayafeʼmo aipa kaliteno alagi nehaiye.

Filipai 2:22

Nehayaʼmonanafa Gotiʼa Timotiʼmo amalageka hauʼnigeno alagepa vekamo afole aiʼnigetapaeʼmo lapakaemo ago ageʼnae. Mafaʼneʼapimogi afoʼapimogiʼeʼmo lokaeʼa aliʼyaʼmo neʼaliya agufa kava hutaʼa Timotiʼe nagaeʼeʼmo alagepa faigoko gelefeʼmo magokepi lokaetaʼa aliʼyaʼmo aliʼnoʼae.

1 Tesaloniyani 1:5

Alagepa faigoko geʼamo aeta hakalo huta lapa paiʼnonagenoʼaeʼmo lapaipafiʼmo geʼageʼmo afole oʼaiʼnifa himamuʼaʼe geʼaletiʼmo aliʼyaʼmo aliteno alino afole aino ateʼniye. Aote Aunemeʼaletiʼmo lapa paiʼnonagetapaeʼmo, he, lama gemo nehae, hutapa magoke lapaipa lapakesamo afiʼnae. Lapa maesunafeʼmo lapakaeʼeʼmo magokepi lokaeta maiʼneta haiya agufa kavaʼmo huta aliʼyaʼmo aliʼnopi huta ago lageʼnae. Ani kavaʼmo lapakaeteʼmo afole aiʼniyaʼmofeʼmo Gotiʼa lekana paino lapateʼniye, huta lapakeʼnone.

1 Timoti 1:3

Nagaemo Masetoniya kotegamo visuvafeʼmo huʼnaeʼmo, Efasasi taonifiʼmo maiʼneka mago hosu gemo nehaya vayaʼaifeʼmo, alu gemo alita apaya oʼmaleyo, huka hapa paiyo.

1 Timoti 4:6

Kagaemo konagatimogifeʼmo ani kavafeʼmo alika apaya malesanana Yesu Kalaisi alagepa aliʼyaʼamo neʼalina vekamo maigane. Lagesamo afita fatago nehuna gemo alagepa huka akame huʼnana gemo neʼyaʼmo negekana huka nesanagenoʼaeʼmo lokiya vaino kategaiye.

1 Timoti 6:11

Apakafu nekiyaʼmonanafa kagaemo Goti vekamogae, huʼna, ani kavategatiʼmo ataleka kaune heka fatago kavanagi mono kavanagi kahau kayamopafiʼmo kahauʼniya kavanagi atafauka alagi hisana kavanagi yagu yaga kaipa kali kavanagi huka atafauka alagi hisanafeʼmo vegala ao.

2 Timoti 2:22

Neya vayaʼmogimo apakufamoʼmo hauʼniya kavaʼmo nehaya kavategatiʼmo ataleka kaune heka eka yaveyave apaipafatiʼmo Ala kava nefeʼmo keya aeʼa ge nehaya vayaʼeʼmo magokepiʼmo lokaetapa maiʼnetapaeʼmo fatago kavanagi lapau lapayamopafiʼmo nelapaiya kavanagi yuna lapaipa nekaliya kavanagi hutapa atafausayafeʼmo vegala aeyo.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.

2 Timoti 4:3

Henagaʼamo kaita haugekana huno ohaneʼneno vayaʼmo alino hapageno neʼapateya geeʼmo ohapaugiyaʼmofeʼmo ani agufa gemo alika apaya malo. Apakaiʼapi nehapaiya kavaʼmo akame huteʼa hapauʼniya gemo afisayafeʼmo aliʼa apaya neʼmalaya vayaʼmo apavaleliʼa ete ete hugae.

2 Timoti 4:7

Kanale kamemo Goti vayaʼamogimo nehaya agufa kamemo ago huʼnove. Nagu nagu huʼna uʼna atupaleʼmo he tiʼnove. Apakesamo afiʼa fatago nehaya geleʼmo yagaiʼna ateʼnogeno afaʼa alagepa huno haneʼniye.

Taitasi 2:7

Kagaemo muki kavaʼalefeʼmo vayaʼmogi kakame hisaya agufa alagepa kavaʼageʼmo huvo. Alika apaya neʼmalekaeʼmo okasalisiya geletiʼmo lokiya geletiʼmo Gotitefeʼmo aliʼyaʼmo alika apaya malo.

Himulu 13:9

Fiku yanageʼa mago vayaʼmogi aeto aeto agufa geletiʼmo lapayateʼmo heʼa lapavayu huliʼa ugayanagi ehetapiye. Alagepa kavanageno Gotiʼa fikumo lapa maeno nelapamiya gemoʼa lapaipa lapakesamo alino lokiya vaino lapategaiye. Neʼyafeʼmo, neyo, huʼa huge oʼneyo, huʼa huge nehaya gemoʼa lapaipa lapakesamo alino lokiya vaino olapategaiye. Ani gemo akame nehaya vayaʼmo hapa oʼmaeʼniye.

2 Pita 3:11

Muki yaʼamo alagi hano hugiyaʼmofeʼmo hemenimo lapakaemo haiya agufa kavaʼmo hutapa maisaya kavaʼmo haneʼniye. Lapaote kavaʼmo nehutapaeʼmo Gotifekeʼmo mono hiyo.