2 Timoti 2:8 - The Keyagana NT and 25 OT books

⁸ Yesu Kalaisiʼa Nevini aginago vekaʼamoʼmo alagepa faigoko geʼnilefeʼmo faliʼniyatetiʼmo ago alino he tino ateʼniya kavafeʼmo kage okanika kagesa afifi huka maiyo.

2 Timoti 2:8 ပူးပေါင်းရင်းမြစ်များ

Matiyu 1:1

Yesu Kalaisiʼa Nevini aginago vekamo maiʼnigeno Neviniʼa Emalehamu aginago vekamo maiʼniye. Yesu Kalaisi aginago vayaʼai apakiʼapimo haneʼniye.

Luki 24:46

Huno hapa paitenoʼaeʼmo, Kalaisi vekamo agafu kisigeno falitenoʼaeʼmo napa tali afinaʼmo kanolufatiʼmo he tigiye.

Apa 13:23

Gotiʼa hogoteno hunoʼaeʼmo, Nevini aginago vayapatiʼmo lapa maesiya vekamo aliʼna afole aiʼna ategauve, huno huʼniya gelefeʼmo akame huno Yesuʼa Nevini aginagomo Isaleli vayaʼai apakufamo alino katino apatesiya vekamo alino afole aino ateʼniye.

Apa 2:24

Faliʼnigenoʼaeʼmo Gotiʼa faliʼniya nofipatiʼmo hatu maeno ateteno kanolufatiʼmo ago alino he tino ateʼniye. Faliʼniya kavaʼmoʼa alagi afaʼa atafauno oʼategaiye.

Apa 2:30

Neviniʼa aune vekamo maiʼnigenoʼaeʼmo Gotiʼa ha painoʼaeʼmo, kaginago vayapatiʼmo Kalaisi vekamo aliʼna afole aiʼna atesugeno kini vekamo maiʼneka yagaiʼnana kava huno kini vekamo maiʼneno yagaino apategaiye. Lama gemo nehuve, huno hu maleʼniye.

Lomu 16:25

Gotiʼa nagaemo aeʼna hakalo nehuva alagepa faigoko geʼaletiʼe Yesu Kalaisifeʼmo ava gemo aeʼa hakalo nehaya geʼaletiʼeʼmo afaʼa alino lokiya vaino lapategaiye. Ma mopamo alo huʼniya afinatetiʼmo ani gemo fala kino haneme haneme eʼniyaʼmonanafa

Lomu 2:16

Gotiʼa agoti huno apatesiya afinaʼmo alagepa faigoko geʼnilefeʼmo Yesu Kalaisitetiʼmo huʼa fala kiʼa neʼatalaya kavaʼapimo alino fako huno apategaiye.

1 Kolitiyani 15:1

Konagaʼnimogitapae, huʼna, Nagaemo Kalaisifeʼmo alagepa faigoko geʼamo aeʼna hakalo huʼna lapa paiʼnogetapa alita lapaipafiʼmo maleʼnayanagetapaeʼmo ani geleʼmo he titapa maiʼnae. Ani gelefeʼmo magoʼe hutapa lapakesamo afitapa ho hisayafeʼmo lapa paigesuve.

1 Kolitiyani 15:4

Kanolufiʼmo kiʼa ateʼnageno loleʼe magoʼe afinaʼmo utegenoʼaeʼmo ago alino he tino ateʼniye.

2 Tesaloniyani 2:14

Lagaemo alagepa faigoko geʼamo aeta hakalo huta lapa nepaunagenoʼaeʼmo Gotiʼa Ala kava netimo Yesu Kalaisi ha le konali yaʼamo alisayafeʼmo keya aeno ge huʼniye.

1 Timoti 1:11

Mani gemo alagepa faigoko gemo haneʼniyana aliʼa auleʼa neʼataya Goti geʼamo ha le konali faigoko geʼamo haneʼniye. Gotiʼa mani geleʼmo yagaiʼna atesuvafeʼmo namiʼnigeʼna alinineʼna aeʼna hakalo huʼna hapa nepauve.

1 Timoti 2:7

Ani kavatefeʼmo lekana paino nateʼnigeʼna geʼamo aeʼna hakalo huʼna hapa nepauva vekamoʼmo maiʼneʼna apa vekaʼamoʼnamo alu nofi vayaʼmogimo apakesamo afiʼa fatago hisayafeʼmo lama geʼamo aliʼna apaya neʼmalova vekamo maiʼnove. Aigofe gemo nosufa alagi lama gemo nehuve.

2 Timoti 1:8

Lamiʼniyaʼmofeʼmo Ala kava netimo faigoko geʼamo aeka hakalo huka hapa paisanafeʼmo kavagage osinageka Kalaisi agiʼalefeʼmo kalavusifiʼmo maiʼnova vekaeʼmo kavagage osino. Kavagagemo osinageka faigoko gelefeʼmo hanageke yaʼmo alisayafeʼmo Goti himamuʼaletiʼmo kana yaʼmo aliyo. Nagaemo kana yaʼmo aliʼnova kava huka kana yaʼmo aligetaʼao.

2 Timoti 2:7

Mani nehuva geeʼmo kagesa afifi huka maiʼnegenoʼao Ala kava neʼmoʼa kamisigekaeʼmo muki geʼamo afika aeto hugane.

Leveleseni 5:5

mago vayatama vekamoʼmo, Aviʼyaʼmo osuvo. Ago, huno, Yuta nofi vayapatiʼmo ani laiyonimo Nevini nofi vayapatiʼmo hafuʼyaʼagana huno maiʼniya vekamoʼmo muki kavaʼe vayaʼeʼmo aeno apakaseʼniyanageno seveniʼa kamemo afaʼa alino akauteno alino ata legaiye, huno naha paiʼniye.