2 Timoti 2:3 - The Keyagana NT and 25 OT books

³ Ani kavatefeʼmo kagaemo Yesu Kalaisi alagepa ati vekaʼagana huka maiʼneka kana yaʼmo alige alige huka maiyo.

2 Timoti 2:3 ပူးပေါင်းရင်းမြစ်များ

Apa 23:31

Ati vayaʼmogimo hapa paiʼniya gemo akame huʼnae. Apakaemo haniʼilagamo Poloʼa avaleliʼuʼa Atipatilisi taonifatiʼmo ateʼnae.

1 Kolitiyani 13:7

Apakaemo kana yaʼmo aliʼa apamiʼnageʼapaeʼmo afaʼa alige lama gemo nehae, huʼa apakesamo afige alagepa kavaʼmo hugae, huʼa apakava maiʼneʼa apavayagunagu huge apaini huʼa neʼapatageʼapaeʼmo anonaleʼmo apaini huʼa oʼapateʼa kaʼapilekeʼmo oʼataleʼa uge uge huʼa maige nehae.

1 Kolitiyani 9:7

Haiya ati vayaʼmogimo kamemo nehuʼapaeʼmo apakaiʼapimo neʼyaʼapimo kahauya huʼa neʼnae. Haiya vayaʼmogimo hoya vaiteʼapaeʼmo hoyaʼapifatiʼmo neʼyaʼmo aliʼa noʼnae. Haiya vayaʼmogimo pulumaka afuleʼmo yagaiʼa maiʼneʼapaeʼmo nuʼanuʼamo noʼnae.

2 Kolitiyani 1:6

Gotiʼa lapa maeno alino lokiya vaino lapateteno lapakufamo alino katino lapatesiyafeʼmo kana yaʼmo neʼalune. Lapaipafiʼmo aliʼyaʼmo neʼaligetapaeʼmo neʼaluna agufa kana yaʼmo aliʼnetapaeʼmo oʼataletapa atafauta alagi nehae. Ani kava huno lapa maeno alino lokiya vaino lapateteno lapakufamo alino katino lapatesiyafeʼmo Gotiʼa laha maeno alino lokiya vaino nelate.

1 Timoti 1:18

Mafaʼneʼnimo Timotiyo, huʼna, Hogoteʼa mago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogi kagaefeʼmo ge huʼnae. Geʼapilefeʼmo huʼnaeʼmo, Geʼapiletiʼmo lokiya vaika alagepa kamemo huka apato.

2 Timoti 1:1

Gotiʼa hunoʼaeʼmo, Kalaisi Yesupiʼmo maige maige huʼa maisaya yaʼmo apamiguve, huno huʼniye. Mani gelefeʼmo, Yesu Kalaisi apa vekaʼamo maigane, huno naha paiʼnigeʼnaeʼmo nagaemo Poloʼnamo aliʼyaʼamo alisuvafeʼmo hauʼnigeno navaleno nateʼniye.

2 Timoti 1:8

Lamiʼniyaʼmofeʼmo Ala kava netimo faigoko geʼamo aeka hakalo huka hapa paisanafeʼmo kavagage osinageka Kalaisi agiʼalefeʼmo kalavusifiʼmo maiʼnova vekaeʼmo kavagage osino. Kavagagemo osinageka faigoko gelefeʼmo hanageke yaʼmo alisayafeʼmo Goti himamuʼaletiʼmo kana yaʼmo aliyo. Nagaemo kana yaʼmo aliʼnova kava huka kana yaʼmo aligetaʼao.

2 Timoti 2:10

Nagaemo lekana paino apateʼniya vayaʼmo Kalaisi Yesupiʼmo maiʼnisageno Gotiʼa apakufamo alino katino apatesigeʼapaeʼmo ha le konali yaʼamo aliteʼa maige maige huʼa maisayafeʼmo Goti aliʼyaʼamo oʼataleʼna neʼaliʼnaeʼmo muki alu kana ya alu kana yaʼmo neʼaluve.

2 Timoti 2:9

Mani Goti gelefeʼmo huʼapaeʼmo, hosu kavaʼmo nehiya vekamo maiʼniye, huʼa huteʼa nofi kiʼa nateʼnayaʼmonanafa Goti geʼamo aino atagu ofaesiyafeʼmo nofi kiʼa oʼateʼnae.

2 Timoti 3:11

Apaini huʼa nateʼnageka nagege kana yaʼmo aliʼnogeka nagege huʼnane. Nagaemo Atiyoki taonifinagi Lisitiya taonifinagi Aikoniyamu taonifinagi huʼa hanageke yaʼmo namiʼnageka nageʼnane. Ala kava neʼmoʼa muki hanageke kavapatiʼmo nagufamo alino katino nateʼniye.

2 Timoti 4:5

Afigayaʼmonanafa kagaemo muki afinaʼmo alagepa huka kagesamo afiteka kagaikaleʼmo alagepa huka yagaika kato. Hanageke yaʼmo neʼalikaeʼmo oʼataleka atafauka alagi huka maiyo. Uʼeʼa huʼa alagepa faigoko gemo aeʼa hakalo huʼa hapa nepaiya vayaʼmogi neʼaliya agufa aliʼyaʼmo lokiya vaika aliyo. Goti aliʼyaʼamo neʼalina aliʼyakamo muki agufa kavaʼalefeʼmo aliyo.

Himulu 10:32

Hogotetapa maiʼnaya kavafeʼmo lapakesamo afita ho hiyo. Gotiʼa ha le yaʼamoʼmo lapaipafiʼmo aeno ha leʼnigetapa ageʼnae. Agetetapaeʼmo lusi hanageke yaʼmo aliʼnetapaeʼmo oʼataleta lokiya vaitapa lapayamukiki huʼnae.

Himulu 11:27

Kini vekamoʼmo aipamo leno ateʼniyaʼmonanafa Moseseʼa agesamo afino fatago huʼniya kavatetiʼmo koli osuno Isipi kotegatiʼmo ataleno uʼniye. Agaemo noʼagaya vekamo agetenoʼaeʼmo geʼaleʼmo oʼataleno atafauno alagi huno maiʼniye.

Himulu 6:15

Huno ha paiʼnigeno Emalehamuʼa oʼataleno agesamo afino fatago huʼneno agava maime maime neʼegenoʼaeʼmo Gotiʼa hu maleʼniya gemo afole aiʼnigeno aliʼniye.

Yemisi 1:12

Hanageke kavaʼmoʼa apamalageka nehisigeʼapaeʼmo oʼataleʼa atafauʼa alagi huʼa maiʼnisaya vayaʼmo aulena vayaʼmo maiʼnae. Na kava hinageʼapaene. Apamalageka nehisigeʼapaeʼmo oʼataleʼa atafauʼa alagi huʼa maiʼnisagenoʼaeʼmo Ala kava neʼmoʼa hunoʼaeʼmo, nagaefeʼmo hapauʼniyaʼmofeʼmo alagepa huʼa maige maige huʼa maisaya yaʼmo apamiguve, huno huʼniya yaʼmo aligae.