2 Timoti 2:20 - The Keyagana NT and 25 OT books

²⁰ Goti vayaʼamo afaʼa maigayaʼmonanafa alopa nopatiʼmo lusi moniletiʼmo miya nefaiya yuvapamo goli yafatetiʼmo alo huʼnaya yuvapaʼe siluva yafatetiʼmo alo huʼnaya yuvapaʼageʼmo ohaneʼnifa yosaletiʼmo alo huʼnaya yuvapagi mopaletiʼmo alo huʼnaya yuvapaʼenagi huno haneʼniye. Mago yuvapaʼamo alagepa aliʼyaʼmo alisiya yuvapamo haneʼnigeno mago yuvapamoʼamo hosu aliʼyaʼmo alisiya yuvapamo haneʼniye.

2 Timoti 2:20 ပူးပေါင်းရင်းမြစ်များ

Esala 1:6

Muki Isaleli vayaʼmogi hapaopaleʼmo maiya vayaʼmogimo siluva yafatetiʼmo alo huʼa maleʼnaya yanagi goli yafatetiʼmo alo huʼa maleʼnaya yanagi kagemi yanagi alopa monileʼyaʼmo aeno agaseʼniya yanagi Gotiʼa amisayafeʼmo hapauʼnisiya ofalini yanagi huʼa apamiteʼa apaipamo aliʼa lokiya vaiʼa apateʼnae.

Esala 6:5

Kini vekamo Nepukanesaʼmo Yulusalemu taonifatiʼmo Goti mono noʼafatiʼmo goli yafatetiʼmo alo huge siluva yafatetiʼmo alo huge huʼnaya yaʼmo alinino Mamiloni kotegamo eʼniyaʼmonanafa muki ani yaʼmo Goti saufa mono noʼafiʼmo alinitutapa noʼale noʼaleʼmo maleyo, huno avoʼmo kae maleʼniye.

Neniyo 5:2

Melisasaʼmo nofi alagafati aniʼmo neno afigenoʼaeʼmo aliʼyaʼamo neʼaliya vayaʼaifeʼmo hapa painoʼaeʼmo, goli kapuʼe siluva kapuʼeʼmo alinitapa eyo, huno huʼniye. Lotoʼamo Nepukanesaʼmo ani kapumo Yulusalemu mono nopatiʼmo alinino eʼniye. Kini vekamo agaiʼagi ala vayaʼagi aʼne anagaʼagi fikumo aliʼniya aʼne anagaʼagi huʼa ani kapufatiʼmo nofi alagafati aniʼmo nesayafeʼmo hauʼnigenoʼaeʼmo ani kapumo alinitapa eyo, huno ge huʼniye.

Yoni 8:49

mago hosu aune vekamo naipafiʼmo oʼmaiʼniye. Nagaemo Afoʼnimo agiʼaleʼmo aliʼna asaga huʼna neʼatovaʼmonanafa lapakaemo nagiʼnileʼmo alita afepi neʼnatae.

Lomu 9:20

Vayalafaʼmo maiʼnanaʼmofeʼmo ina lagamo Goti geʼaleʼmo afaʼa aeka atagaina huka nehane. Alo huʼniya yaʼmoʼa alo huʼniya vekaeʼmo, na kava higeka ani kavaʼmo huka alo huka nateʼnane, huno afaʼa hugifiye.

1 Kolitiyani 3:9

Laʼagaemo Gotiʼeʼmo lokaetaʼa aliʼyaʼamo neʼaluʼagetapaeʼmo lapakaemo Goti hoyaʼagana hutapa maige noʼagana hutapa maige huʼnae.

2 Kolitiyani 4:7

Vayaʼmogimo lageʼapaeʼmo, himamuʼapimo apakaemo yaʼmo ohaneʼnifa Gotitegatiʼmo aeno agaseʼniya himamuʼamo aliʼnae, huʼa hisayafeʼmo lagaemo ina agufa mopa samogana huta maiʼnonagenoʼaeʼmo ani lusi alagepa geʼamo mopa samofiʼmo maleʼniye.

Efasasi 2:22

Agaepiʼmo Gotiʼa Aunemeʼamo noʼafiʼmo maisiyafeʼmo lapakaeʼeʼmo alino anupa huno no kigekana huno nelapate.

1 Timoti 3:15

Aise afinaʼmo maigeʼna oʼvisugekaeʼmo Goti nopiʼmo maiʼnekaeʼmo hisana kavaʼmo agesanafeʼmo mani gemo avoʼmo nekaove. Ani noʼmo afaʼa neʼmaiya Goti siosiʼamo haneʼnigeno lama geʼamoʼmo hanege hanege huno hanesiyafeʼmo noʼmo posilekeʼmo nehaneya kava huno lama geʼamo siosiʼaleʼmo haneʼniye.

1 Pita 2:5

Lapakaeʼeʼmo afaʼa maisaya yafakana huta maiʼnagenoʼaeʼmo Gotiʼa lapakaetetiʼmo Goti Aunemeʼamo maisiya noʼmo kime kime neʼe. Lapaote vayaʼmo maiʼnetapa lapaipafatiʼmo Gotiʼa amuse huno lapatesiya ofalinimo Yesu Kalaisitetiʼmo Gotiʼa amisayafeʼmo mono hutapa neʼapataya vayaʼmo maiʼnae.