2 Timoti 2:19 - The Keyagana NT and 25 OT books

¹⁹ Asagauno aiʼniyaʼmonanafa Goti noʼamo lokiya yafateʼmo faino ateʼniya yafaʼmo afaʼa haneʼniye. Gotiʼa faino ateʼniya yafateʼmo alagena yaʼmo hu maleʼniya yateʼmo haneʼniya gemoʼmo hunoʼaeʼmo, Ala kava neʼmoʼa vayaʼamo apakeʼniye, huno huteno magoʼe gemoʼmo hunoʼaeʼmo, Muki vayaʼamogimo Kalaisi agiʼamo neʼaya vayaʼmogi hosu kavategatiʼmo ataleʼa viyo, huno hu maleʼniye.

2 Timoti 2:19 ပူးပေါင်းရင်းမြစ်များ

Samu 1:6

Ala kava neʼmoʼa fatago vayaʼmogimo nehaya kavaʼapieʼmo apakeno amuse nehiyaʼmonanafa agaefeʼmo mono nosaya vayaʼai aliʼyaʼapimo alino hano huno atalesigeʼa alagi afela hegae.

Samu 112:6

Alagepa vekamo asagauno oʼaisigeʼa vayaʼmogimo agaefeʼmo apake kaniʼa oʼataleʼa muki afinaʼmo apakesamo afigae.

Samu 34:14

Hosu kavategatiʼmo maitapa halove hutapa eta alagepa kavakeʼmo hiyo. Kaveta osutapa alagepa hutapa magokepi lokaeta maisayafeʼmo kahauya huta agetetapa vegala aeyo.

Samu 37:18

Ala kava neʼmoʼa fatago vayaʼmo alagepa huʼa maigae, huno apakeʼniye. Hetamaʼapimo afaʼa hanege hanege huno hanegaiye.

Samu 97:10

Ala kava nefeʼmo lapau lapayamopafi lapauʼnisiya vayaʼmogitapae, huʼna, Hosu kavafeʼmo lapaini hino. Agaemo apaote vayaʼamo maige maige huʼa maisayafeʼmo yagaino neʼapate. Agaemo hosu vayaʼai apayapatiʼmo neʼapavale.

Mai'naya kavane 10:25

Lusi yasimo alisigeʼapaeʼmo hosu vayaʼmo magoʼe huʼa oʼmaigayaʼmonanafa fatago vayaʼmogimo he tiʼa lokiya vaiʼa maigae.

Mai'naya kavane 3:7

Afiteʼna ageʼnove, huka osuka Ala kava nefeʼmo koli huka hosu kavafeʼmo kakameʼya amiyo.

Aiyeya 63:19

Lagaemo akeyaʼvilagamo maiʼnaya vayaʼmo alagi yagaika oʼapateʼnana agufa vayakana huta hamaleʼnone. Kagaemo apakaeteʼmo kagikamo oʼmaleʼnane.

Aiyeya 65:15

Ala kava neʼmo Gotiʼa kamitimo lapamagigiyaʼmofeʼmo lekana paiʼna lapateʼnova vayaʼmogitapamo lapakitapiletiʼmo vayaʼaifeʼmo huʼapaeʼmo, Gotiʼa alino Yu vayakana huno hamaleno lapateno, huʼa huteʼa lifana huʼa apategae. Apategayaʼmonanafa nagaemo aliʼyaʼnimo neʼaliya vayaʼaifeʼmo alu apakimo aegauve.

Neyomi 1:7

Ala kava neʼmoʼa alagi alagepa vekamo maiʼniye. Agaemo vayaʼamo kana yaʼmo neʼaliya afinaʼmo fala nekiya koʼapigana huno maiʼneno alagepa huno yagaino neʼapate. Agaefeʼmo aliʼa amufa neʼamiya vayaʼaifeʼmo, Vayaʼnimo maiʼnae, huno apakeʼniye.

Hagai 2:23

Gotiʼnamo asole vayaʼaiteʼmo neʼyagauva vekamoʼnamo huʼnaeʼmo, Silatili mafaʼnemo Selamamaligamo aliʼyaʼnimo neʼalina vekamo lekana paiʼna kateʼnovaʼmofeʼmo ani afinaʼmo nayate linimo alagena yaʼnimo haneʼniya linigana huʼna aliʼna katesugeka himamuʼniletiʼmo ge hugane, huno ha paiʼniye.

Napa 16:5

Moseseʼa Kolaʼagi akame huʼnaya vayaʼaifenagi huno hapa painoʼaeʼmo, Ega netepiʼmo Ala kava neʼmoʼa agaiʼa aote vekaʼamo alino apave liteno ani vekamo agaiʼa haopaleʼmo avalelino egaiye. Ani lekana paino atesiya vekamo agaiʼa haopaleʼmo avalelino egaiye, huno hapa paiʼniye.

Napa 6:27

Apakaemo ani kavatetiʼmo nagiʼnimo aliʼa Isaleli vayaʼaiteʼmo male sageʼna nagaemo aliʼna auleʼna apategauve, huno hapaiʼniye.

Matiyu 24:24

Mago vayaʼmogi, Kalaisiʼnamo maiʼnove, huʼa huge mago vayaʼmogi Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa magoʼe huʼa noʼagaya agufa apaune kavaʼmo hugayaʼmofeʼmae. Lekana paino apateʼniya vayaʼmo humi apatesayafeʼmo hugayana afaʼa humi oʼapategae.

Matiyu 28:19

Namiʼniyaʼmofeʼmo uta muki alu nofi alu nofi vayaʼmo alita apaya malegeʼapao geʼnimo afisaya vayaʼmo hamaleyo. Hamalesagetapaeʼmo Afoʼnimo agiʼaletinagi mafaʼneʼamoʼna nagiʼniletinagi aote Aunemeʼamo agiʼaletinagi hutapa aniʼmo faleta apateyo.

Matiyu 7:23

hosu kavaʼmo nehaya vayanageʼna alagi olapakeʼnovanagi nagaetegatiʼmo ago ataleta lapaune heyo, huʼna hapa paiguve.

Matiyu 7:25

Koʼmo aiteno aniʼmo hege yasimo alige hulineno noʼamo alino agoʼya faisiyafeʼmo huʼniyana alopa yafateʼmo noʼamo faino ateteno ki maleʼniyaʼmofeʼmo asagauno oʼaiʼniye.

Maki 12:16

Apakaemo alini eʼa amiʼnagenoʼaeʼmo, mani laga monileʼmo ina la augosaʼe agiʼeʼmo avoʼmo kae maleʼnaya monimo haneʼniye, huno apafi geʼnigeʼapaeʼmo, Sisa augosaʼe agiʼeʼmo haneʼniye, huʼa huʼnagenoʼaeʼmo,

Maki 13:22

Mago vayaʼmogi huʼapaeʼmo, Kalaisiʼna maiʼnove, huʼa huge Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa noʼagaya apaune kavaʼmo huteʼa ago lekana paino apateʼniya vayaʼaifeʼmo humi apatesayafeʼmo hugayaʼmonanafa afaʼa humi oʼapategae.

Luki 13:27

olapakeʼnova vayanagi haiyaʼalegati eʼnae. Muki vayaʼamogitapamo hosu kavaʼmo nehaya vayanagi nagaetegatiʼmo ataleta lapaune heta viyo, huno lapa paigiye.

Luki 6:48

Apakaemo no kiʼniya vekagana huʼa maiʼnae. Ani vekamoʼmo noʼmo kisiyafeʼmo hogoteno yatala kelimo kafilino lami maleʼneno alopa yafaʼmo faino ateʼneno noʼmo ki maleʼniye. Ki maleʼnigenoʼaeʼmo lusi kava huno aniʼmo heteno noʼmo aeno agoʼya faigefeʼmo huʼniyana alopa yafaʼmo faino ateʼneno ki maleʼniyaʼmofeʼmo alino kanage osuʼniye.

Yoni 10:14

Nagaemo alagepa vekamo sipisipileʼmo yagaiʼna neʼapatova vekamo maiʼnove. Afoʼnimoʼmo nageʼnigeʼna afoʼnimoʼmo ageʼnova kava huʼna nagaemo sipisipi anagaʼnimo apakeʼnogeʼa nagaemo nageʼnae. Ani kava huʼna sipisipi anagaʼnilefeʼmo afaʼa maisuva yaʼnimo ataleʼna faliguve.

Yoni 13:18

Nagaemo mani gemo mukiʼamogitapaeʼmo nosuve. Lekana paiʼna lapateʼnova vayaʼmo ago lapakeʼnovaʼmonanafa Goti mukufiʼmo hu maleʼniya gemo afole aisiyafeʼmo lekana paiʼna ateʼnove. Ani gemoʼa hunoʼaeʼmo, nagaeʼeʼmo magokepi lokaeno maiʼneno neʼyaʼmo neʼniya vekamoʼmo kame huno nateʼniye, huno huʼniye.

Yoni 3:33

geʼamo neʼafiya vayaʼamogigeʼmo huʼapaeʼmo, Gotiʼa lama gemo nehiye, huʼa huʼnae.

Apa 11:26

ageteno avalelino Atiyoki taonifiʼmo eʼniye. Anakaemo mago kafugamo siosi vayaʼeʼmo aliʼana anupa huʼana maiʼneʼanaeʼmo asole vayaʼmo aliʼana apaya maleʼnaʼae. Atiyoki taonifi vayaʼmogimo geʼamo neʼafiya vayaʼaifeʼmo apakiʼapimo Kalisitini vayane huʼa hogote afinaʼapimo apakimo apateʼnae.

Apa 15:17

Muki alu nofi vaya alu nofi vayaʼmogimo vayaʼnimo maigae, huʼna lekana paiʼna apateʼnova vayaʼmogi Ala kava nefeʼmo kahauya huʼa agesayafeʼmo kiʼna ategauve. Ala kava neʼmoʼa ani kavaʼmo nehiya vekamoʼmo ani gemo huʼniye, huʼa avoʼmo kae maleʼnae.

Apa 9:14

Ani vekamoʼmo kagikalefeʼmo nunumuʼmo nehaya vayaʼmo kalavusi huno apatesiyafeʼmo mago avoʼmo mono huʼa neʼapataya vayaʼaiteʼmo yagaiʼa neʼapataya vayaʼaitetiʼmo aliteno mani taonifiʼmo eʼniye, huno ha paiʼnigenoʼaeʼmo

Lomu 11:2

Gotiʼa akeyaʼvilaga hunoʼaeʼmo, mafaʼneʼnimo maiʼnae, huno huʼniya vayaʼmo alino oʼapataleʼniye. Goti mukufi avoʼmo kae maleʼniya gemoʼa Ilaiyafeʼmo ava gemo huʼniya gemo lapakaemo afiʼnafiye. Ilaiyaʼa Gotifeʼmo,

Lomu 12:9

Aigofe olahapauno lapaipafatiʼmo lapau lapayamopafiʼmo lahapaino. Hosu kavafeʼmo alagi olahapauʼninagetapa alagepa kavateʼmo atafautapa alagi hutapa maiyo.

Lomu 15:20

Nagaemo muki afinaʼmo Kalaisifeʼmo alagepa faigoko geʼamo aeʼa hakalo huʼa hapa opaiʼnaya vayaʼaitegaʼeʼmo uʼna aeʼna hakalo huʼna hapa paisuvafeʼmo nayamukiki huʼnove. Mago vayaʼmogi noʼmo faiʼa ateʼnisaya yateʼmo no kisuvafeʼmo oʼnahauʼniye.

Lomu 15:9

Ani kavaʼmo huno alu nofi vayaʼaifeʼmo Gotiʼa hau huno apateʼniyaʼmofeʼmo agiʼaleʼmo aliʼa asaga huʼa atesayafeʼmo uno aliʼyaʼamo aliʼniye. Goti mukufi gemoʼa ani kavatefeʼmo hunoʼaeʼmo, Alu nofi vayaʼai folagapiʼmo maiʼneʼnaeʼmo kagikaleʼmo aliʼna asaga huʼna kateteʼna kagikalefeʼmo mono yokemo huguve, huno huʼniye.

Lomu 8:28

Muki alu kava alu kavaʼmo afole neʼaiya kavaʼmoʼa Gotifeʼmo hapau apayamopafiʼmo nehapaiya vayaʼaifeʼmo Gotiʼa huguve, huno hu maleʼniya geʼaletiʼmo keya aeno ge huʼniya vayaʼmo alagepa huʼa maisayafeʼmo muki alu kavatetiʼe alu kavatetiʼeʼmo alino magokepi lokaeno aliʼyaʼmo neʼaliye.

Lomu 9:11

Alino oʼanateʼnigeʼanaeʼmo mago alagepa kavaʼe hosu kavaʼeʼmo osuʼnaʼa afinaʼmo Gotiʼa, yege mafaʼnemoʼa aganaʼamo aiyafiʼmo maiʼneno aliʼyaʼamo alisiya vekamo maigiye, huno ha paiʼniye. Gotiʼa hogoteno agesa afiteno hauʼnigeno lekana paino ateʼniya kavaʼamo alino afole aino atesiyafeʼmo ani gemo hu maleʼniye. Mago vekamo alagepa kavaʼaletiʼmo lekana paino oʼateʼnifa keya aeno ge nehiya vekamoʼmo agaiʼageʼmo hauʼnigeno lekana paino ateʼniye.

1 Kolitiyani 8:3

Oʼafiʼnayaʼmonanafa Gotifeʼmo hapau apayamopafiʼmo nehapaiya vayaʼmo apakeno aeto hutenoʼaeʼmo vayaʼnimo maiʼnae, huno nehiye.

2 Kolitiyani 7:1

Nahau nayamopafiʼmo nahauʼniya vayaʼnimogitapae, huʼna, Gotiʼa ani kavaʼmo huguve, huno hu maleʼniya gemo ago afiʼnonaʼmofeʼmo lagaitimo muki hosu kavatimo lagufaleʼe laipa lagesafiʼeʼmo oʼaniʼya faiʼniya yakana huno haneʼniya kavaʼmo aeta kalo paeta atalegetao. Gotifeʼmo koli nehutaeʼmo aote kavaʼmo agetetaeʼmo alagi hume hume utah haita hapaigetao.

Galesiya 4:9

hemenimo Gotiʼa ago ageʼnae, huʼna huguvaʼmonanafa Gotiʼa lapakeʼniye, huʼna hisuva gemo haneʼniye. Lapakeʼniyaʼmofeʼmo na kava higetapaeʼmo Gotiʼa ataletapa aita atagi netapa keʼaepa gemoʼmo afaʼa lapa oʼmaeno lokiya vaino olapatesiya gemo afeʼalumelagamo maisayafeʼmo lapauʼniye. Halate kalavusi aliʼyaʼmo neʼaliya vayaʼmo maisayafeʼmo nehafiye.

Efasasi 2:20

Apa vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo Gotiʼa noʼmo faino neʼateya yafakana huʼa maiʼnae. Gotiʼa ani yafateʼmo no kigekana huno alino lapateʼniye. Yesu Kalaisiʼa hogote yafaʼmo aluga aluga atupaleʼmo noʼmo faiʼa neʼataya yafakana huno maiʼniye.

Efasasi 3:15

Goti afamo anaga vayaʼamo muki kokuʼnapi neʼmaiya vayaʼe ma mopafi neʼmaiya vayaʼmogiʼeʼmo Gotiʼa afoʼapimotetiʼmo ala apakiʼapimo neʼaliye.

Efasasi 4:30

Gotiʼa henagaʼamo lapavalesiya afinafeʼmo Aunemeʼaletiʼmo lapakaeteʼmo alagena kavaʼamo ago hu maletenoʼaeʼmo, mafaʼneʼnimo maiʼnae, huno huʼniyaʼmofeʼmo Aote Aunemeʼamoʼmo aipamoʼmo kana hisiya kavaʼmo osiyo.

1 Timoti 3:15

Aise afinaʼmo maigeʼna oʼvisugekaeʼmo Goti nopiʼmo maiʼnekaeʼmo hisana kavaʼmo agesanafeʼmo mani gemo avoʼmo nekaove. Ani noʼmo afaʼa neʼmaiya Goti siosiʼamo haneʼnigeno lama geʼamoʼmo hanege hanege huno hanesiyafeʼmo noʼmo posilekeʼmo nehaneya kava huno lama geʼamo siosiʼaleʼmo haneʼniye.

1 Timoti 6:19

Ani kavaʼmo nehisayana alagepa yaʼapimo henagaʼamo hapa maesiya afinafeʼmo neʼmalayanageʼa maige maige huʼa maisaya yaʼapimo aligae.

Himulu 11:10

Agaemo Gotiʼa agesamo afino alo huno faino ateʼniya taonifiʼmo maisiyafeʼmo agava maiʼniye.

2 Pita 3:14

Nahauʼniya vayaʼnimogitapae, huʼna, afole aigiyaʼmofeʼmo agaemo kahauya huno lapakesiyana agava maiʼnetapaeʼmo hosu kavatapimo ohanesigetapa vaiʼmo oʼalita agaeʼeʼmo alagepa hutapa magokepi lokaeta maisayafeʼmo lapayamukiki hiyo.

1 Yoni 2:19

Apakaemo ago lataleʼa uʼnayaʼmonanafa vayatimo oʼmaiʼnae. Apakaemo lagaepatiʼmo maiʼnaesinana olataleʼa lagaeʼeʼmo magokepi lokaeʼa maiʼnaesine. Ani vayapatiʼmo mago vayaʼmogi vayatimo oʼmaiʼnae, huta apakesunafeʼmo ago lataleʼa uʼnae.

Leveleseni 17:8

Ageʼnana afela afumo hogoteno maiʼniyana hemenimo oʼmaiʼniyanageno henagaʼamo ive kelifatiʼmo afole aisigeno alagi alino agoʼya lagauno atalegaiye. Ma mopafi vayaʼmo Gotiʼa ma mopamo alo osuʼniya afinaʼmo afaʼa maisaya yaʼmo aliʼnisaya vayaʼai apakiʼapimo haneʼniya mukufiʼmo avoʼmo okaeʼnisiya vayaʼmogimo afela afumo ageteʼapaeʼmo hapau aigae. Hogoteno maiʼniyana hemenimo oʼmaiʼniyanageno halate henagaʼamo afole aigiyaʼmofeʼmo hapau aigae.

Leveleseni 2:13

Lapakeʼnovana Sataniʼa yagaino neʼapateya koteʼmo maiʼnageʼna lapakeʼnove. Nagiʼnimo oʼataletapa atafauta alagi hutapa maiʼnae. Mago vayaʼmogimo lama ge nava gemo huʼniya vekamo agiʼamo Anitipasiʼa Sataniʼmo neʼmaiya kotegamo lapakae folagapiʼmo kamitimo amagiʼnayaʼmonanafa lapakaemo oʼnataletapa nagaefeʼmo magoʼe hutapa lapakesamo afita fatago nehae.

Leveleseni 21:14

Yafa kegiʼyamo faino ateʼniya yafaʼmo tuolofuʼa yafaʼmo haneʼnigeno ani yafateʼmo sipisipi vekamo tuolofuʼa apa vayaʼamogi apakiʼapimo avoʼmo kae maleʼniye.

Leveleseni 22:4

Apakaemo Goti augosafiʼmo agesagenoʼaeʼmo agiʼamo hapanileʼmo avoʼmo kaegaiye.

Leveleseni 3:8

Nehaya kavatapimo ago lapakeʼnove. Ageyo, huʼna, Lapaulagaleʼmo ago kitamo yakiʼna lapateʼnovanageʼa mago vayaʼmogi eʼa kitamo kiʼa olapategae. Lapakeʼnovana lokiyatapimo aiseʼamo haneʼniyaʼmonanafa geʼnimo akame hutetapaeʼmo nagiʼnilefeʼmo oʼaliʼnone, hutapa hega oʼaeʼnageʼna lapakeʼnove.