2 Timoti 2:18 - The Keyagana NT and 25 OT books

¹⁸ Anakaemo alagepa kaʼmo atale uʼanaeʼmo, agaegiʼeʼmo ago he tiʼnonanageta falisunatetiʼmo halate he otigune, huʼana hapa paiʼnaʼageʼapaeʼmo mago vayaʼamogi apakesamo afiʼa fatago huʼnaya kavaʼapimo aliʼana ataleʼnaʼageno asagauno aiʼniye.

2 Timoti 2:18 ပူးပေါင်းရင်းမြစ်များ

Matiyu 15:13

muki yaʼamo kokuʼnapi afoʼnimoʼa ohakaleʼnisiya yaʼmo hafuʼyaʼaʼeʼmo alino vakaino atalegaiye.

Matiyu 22:29

Yesuʼa hapa painoʼaeʼmo, lapakaemo Goti Mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye.

Luki 8:13

Mago avina yaʼmo yafa agotofuleʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo apamogaga neʼaiye. Hafuʼyamo mopafi oʼaeʼniya agufa kavaʼmo huʼa yoka apakesamo afiʼa fatago huʼnagenoʼaeʼmo apamalageka nehiya afinaʼmo ataleʼa ago asagauʼa neʼaiye.

Apa 5:39

Inagi Gotiʼa alino aepa faiʼnisiyaʼmoʼmo lapakaemo alitapa hano hutapa oʼatalegae. Fiku yanagetapa lapakaemo Goti kameʼamo maigae. Mago kavaʼmo apakaetegamo osutapa afaʼa apataleyo, huʼna lapa nepauve, huno hapa paiʼniye.

1 Kolitiyani 11:19

Fatago kavaʼmo nehaya vayaʼmogi afole yategamo afole aisayafeʼmo aliʼa fako huʼa apaote apaote huʼa maisaya agufa kavaʼmo haneʼniye.

1 Kolitiyani 15:12

Lagaemo hutaeʼmo, Kalaisiʼa faliʼniyatetiʼmo ago alino he tino ateʼniye, huta aeta hakalo huta lapa nepaunaʼmofeʼmo na kava higetapa mago vayaʼamogitapamo hutapaeʼmo, faliʼnaya vayaʼmo he otigae, hutapa nehae.

Kolosi 3:1

Gotiʼa Kalaisiʼeʼmo magokepi alino he tino lapateʼniyaʼmofeʼmo kokuʼnapi haneʼniya yafeʼmo lapaʼye huʼninagetapa kahauya hiyo. Anileʼmo Kalaisiʼa Goti lamaga haopaleʼmo siyaʼaleʼmo maiʼniye.

1 Timoti 1:19

Kamemo nehukaeʼmo kagesamo afika fatago huteka kagupi mafaʼnemo geʼamo afiyo. Mago vayaʼai apakupi mafaʼnemoʼmo, hosu kavaʼmo nehae, huno nehigeʼapaeʼmo noʼafigenoʼaeʼmo apakesamo afiʼa fatago huʼnaya kavaʼapimo alagi alino atagaeno neʼatale.

1 Timoti 6:10

Monieʼmo hapaʼye nehiya kavaʼmoʼa muki alu hosu alu hosu kavaʼmo aepaʼamo haneʼniye. Mago vayaʼmo magoʼe monimo alisayafeʼmo hapaʼye huʼnigeʼapaeʼmo lagesamo afita fatago nehuna gemo ataleʼnageno asole hanageke kavaʼmoʼa apaipafiʼmo hapaeʼnigeʼa asole kana yaʼmo aliʼnae.

1 Timoti 6:21

Apakaemo huʼapaeʼmo, mani gemo akame nehune, huʼa nehaya geletiʼmo lagesamo afita fatago nehuna gemo atale uʼeʼa huʼa maiʼnae. Ani kavatefeʼmo maika halove huka maiyo. Gotiʼa fikumo lapa maeno lapamino. He, lama ge.

2 Timoti 2:14

Ani geeʼmo muki afinaʼmo apakesamo afisayafeʼmo ani gemo hapa paiyo. Ala kava neʼmo aulagaleʼmo maiʼneʼnaeʼmo, alu ge alu geletiʼmo kaveta osiyo, huka hapa paiyo. Ani agufa gemoʼmo afisaya vayaʼmo hapa oʼmaegaifa alino hosu hunoʼageʼmo apategaiye.

Taitasi 1:11

Ani agufa vayaʼmogi monimo alisayafeʼmo afaʼa osisaya agufa gemo aliʼa apaya neʼmaleʼapaeʼmo muki afamo anaga vayaʼae vayaʼaeʼmo aliʼa hosu huʼa neʼapatae. Ge osisayafeʼmo apavayaleʼmo huka apatafauka apato.

Himulu 3:10

Huʼnayaʼmofeʼmo ani afinaʼmo muki maiʼnaya vayaʼaifeʼmo naipamo leʼna apateteʼnaeʼmo, muki afinaʼaeʼmo hosu apaipa apakesageʼmo afiteʼapaeʼmo nataleʼnae. Geʼnimo alagi alagepa huʼa noʼafiye.

Yemisi 5:19

Konagaʼnimogitapae, huʼna, lapakaepatiʼmo mago vekamoʼmo alagepa kaʼmo ataleno uneno nehisigenoʼaeʼmo mago vekamoʼa avalelino esiyana,

1 Yoni 2:19

Apakaemo ago lataleʼa uʼnayaʼmonanafa vayatimo oʼmaiʼnae. Apakaemo lagaepatiʼmo maiʼnaesinana olataleʼa lagaeʼeʼmo magokepi lokaeʼa maiʼnaesine. Ani vayapatiʼmo mago vayaʼmogi vayatimo oʼmaiʼnae, huta apakesunafeʼmo ago lataleʼa uʼnae.