2 Timoti 2:14 - The Keyagana NT and 25 OT books

¹⁴ Ani geeʼmo muki afinaʼmo apakesamo afisayafeʼmo ani gemo hapa paiyo. Ala kava neʼmo aulagaleʼmo maiʼneʼnaeʼmo, alu ge alu geletiʼmo kaveta osiyo, huka hapa paiyo. Ani agufa gemoʼmo afisaya vayaʼmo hapa oʼmaegaifa alino hosu hunoʼageʼmo apategaiye.

2 Timoti 2:14 ပူးပေါင်းရင်းမြစ်များ

Hamakaki 2:18

Naipeletiʼmo aigofe gotiʼapimogimo yosaletiʼmo alo huʼnae. Alo huʼnaya aune yaʼmoʼa haiya kava huno hapa maegaiye. Aigofe gotiʼapimogimo aigofe mono kavaʼmo aliʼa apaya neʼmalae. Na kava higeʼapaeʼmo alo huʼnaya aigofe gotiʼapimogi apake noʼaiya gotiʼapimogifeʼmo laha maegae, huʼa nehae.

Matiyu 16:26

Mago vekamoʼmo muki ma mopafi yaʼmo aliʼnisigeno agupi mafaʼnemo afela hesiyaʼmoʼmo akamelegati magoʼe yaʼmo alisifiye. Haʼao oʼaligiye. Agupi mafaʼnemo afela heʼnisiyaʼmoʼmo na agufa miyatetiʼmo halate miya faino aligiye.

Apa 13:10

Satani mafaʼneyo, huno, Kagaemo alagepa kavaʼmo kameʼamo maiʼnane. Aigofe kavakamoʼe hosu kavakamoʼeʼmo kagae kaipafiʼmo havai teʼniye. Ala kava neʼmo fatago kavaʼamo alika kayagi kayaga huka neʼatane.

Apa 15:24

Lagaemo mago gemo afiʼnonana mago lagaepati vayaʼmogimo lapakaetegamo uʼa hosu gemo kana huʼniya agufa gemo lapa paiʼapaeʼmo, lapakufamo lagautetapa keʼaepa gemo akame hiyo, huʼa lapa paiʼnagetapaeʼmo afitetapa atete huʼnae. Ani agufa gemo hutapa hapa paiyo, huta osuʼnonanafa apakaiʼapimo ani gemo lapa paiʼnae.

Lomu 14:1

Mago konagatapimogimo Goti geʼaeʼmo lokiya vaiʼa apakesamo afiʼa fatago nosisaya konagatapimogimo siosifiʼmo apavalelitapa eyo. Lapakaemo ge hapaisageʼapaeʼmo alu apakesa afisayafeʼmo apavalelita oʼmetapa fikumo apavalelitapa eyo.

Galesiya 1:7

Alu alagepa gemo ohaneʼniyaʼmonanafa mago vayaʼmogimo alagepa faigoko gemo aliʼa aiʼa ataginovano gemo huteʼa lapakesamo nefaigetapaeʼmo lapausoli nehae.

Efasasi 4:17

Ani kavaʼmo hutapa maiʼnayaʼmofeʼmo nagaemo Ala kava neʼmo agiʼaletiʼmo lokiya gemo huʼna lapa paiʼnaeʼmo, Malaga vayaʼmogi nehaya agufa kavaʼmo hogotetapa huʼnayaʼmonanafa hemenimo magoʼe hutapa osiyo. Fikumo apakesamo neʼafigenoʼaeʼmo apaipa apakesamoʼmo hani huʼnigeno apaipamo lokiya vaiʼniyaʼmofeʼmo noʼagayaʼmofeʼmo Gotiʼa afaʼa maisaya yaʼmo neʼapamiya yaʼmo oʼaliʼa malaga vayaʼmo maiʼnae.

1 Tesaloniyani 4:1

Inagi konagatimogitapae, huta, lagaemo Gotiʼa hauʼniya kavaʼmo hutapa maisayafeʼmo alita lapaya maleʼnone. Ani kava hutapa maiʼnae. Hemenimo Ala kava neʼmo Yesutetiʼmo lokiya gefatiʼmo lapao ke hetaeʼmo, magoʼe hutapa alagepa kavaʼmo hutapa maiyo.

2 Tesaloniyani 3:6

Konagatimogitapae, huta, Ala kava netimo Yesu Kalaisi agiʼaletiʼmo lokiya gemo huta lapa paitaeʼmo, muki konagatapimogimo aliʼyaʼmo oʼaliʼa afaʼa maiʼneʼa hapa paiʼnona gemo oʼafiʼnaya vayaʼmo maitapa halove huta apateyo.

1 Timoti 1:4

Kaitene geʼe lapakinago vayaʼmogi apakiʼapilefeʼmo apava gemo huliʼa neʼvaya agufa geʼeʼmo lapakesamo alaʼamo oʼafiyo, huka hapa paiyo, huʼna ago kaha paiʼnovanageʼna hemeniʼeʼmo halate magoʼe gemo huʼna kaha nepauve. Ani agufa gemoʼmo Gotifeʼmo alagepa huʼa mono hisayafeʼmo lokiya vaino noʼapatefa geletiʼmo kaveta hisaya kavakeʼmo alino afole aino neʼate.

1 Timoti 1:6

Magoʼamogimo ani alagepa kaʼmo ago atale uʼa afa gelefeʼmo ge huge afige huteʼa afa kavatefekeʼmo mono nehae.

1 Timoti 4:8

Apakufaletiʼmo teleninimo nehaya kavaʼmoʼmo aiseʼamo hapa maegaiyaʼmonanafa mono kavaʼmoʼa muki alagepa kavatefeʼmo laha maegaiye. Gotiʼa hunoʼaeʼmo, alagepa mono nehaya kavaʼmoʼa afaʼa maisaya kavatefeʼmo hemeniʼe afole aisiya afinaʼeʼmo lapa maegaiye, huno polomasi gemo huʼniye.

1 Timoti 5:21

Nagaemo Goti aulagalenagi Ala kava netimo Yesu Kalaisi aulagalenagi Gotiʼa lekana paino apateʼniya enisole vayaʼai apaulagalenagi huʼna kaha paiʼnaeʼmo, mani kavaʼmo huka alika fako huka apatesanafeʼmo hukaeʼmo fiku alika fako huka oʼapateka hogoteka ani gemo aepaʼamo afitekaeʼmo mago vayaʼaitegaʼe alu vayaʼaitegaʼeʼmo lole agufa kavaʼmo osuka magoke aiyaya kavakeʼmo huka alika fako huka apato, huʼna kaha nepauve.

1 Timoti 6:13

Nagaemo afaʼa neʼmaiya yaʼmo neʼapamiya Goti aulagaleʼe Kalaisi Yesuʼa Ponitiyasi Pailati aulagaleʼmo alagepa gemo huteno faliʼniya vekamo aulagaleʼeʼmo maiʼneʼnaeʼmo kaha nepauve.

2 Timoti 1:6

Ani kavaʼmo huka maiʼnanaʼmofeʼmo kagesamo afika ho hisanafeʼmo kaha nepauve. Nagaemo kagaeteʼmo nayaʼmo maleʼna kateʼnogenoʼaeʼmo Gotiʼa lokiyaʼamo ago kamiʼniye. Kamiʼniya lokiyaʼamoʼmo ata legekana huno yu oseno magoʼe huno lesiyafeʼmo fu huka kaegeno leno.

2 Timoti 2:16

Aliganaʼmonanafa ma mopafi geʼe afa geʼeʼmo nehisagekaeʼmo maika halove huka apato. Ani agufa gemoʼmo hapa oʼmaesigeʼa Gotifeʼmo mono osuʼa magoʼe huʼa hosu kavaʼmo hugae.

2 Timoti 2:23

Negi maleteʼa fiku gemo huge afige huʼa neʼmaisayaʼmoʼmo ago afiʼnanana gemo vaige vaige huʼa maigayanagi maika halove huka apato.

2 Timoti 4:1

Ala kava netimo Yesu Kalaisiʼa muki vayaʼai apaulagaleʼmo afole aiteno agoti huno apatetenoʼaeʼmo vayaʼamogitaleʼmo yagaino lategaiye. Nagaemo agae aulagaleʼe Goti aulagaleʼeʼmo huʼnaeʼmo,

Taitasi 3:1

Kagaemo, Gamani vayaʼai geʼapimo afige ala vayatapimo yagaiʼa nelapataya vayaʼai geʼapimo afige hutetapa akame nehutapaeʼmo muki alagepa kavaʼamo hisayafeʼmo alo hutapa maiyo, huka hapa paiyo. Mani gemo ago afiʼnayaʼmonanafa halate hapa paiyo.

Himulu 13:9

Fiku yanageʼa mago vayaʼmogi aeto aeto agufa geletiʼmo lapayateʼmo heʼa lapavayu huliʼa ugayanagi ehetapiye. Alagepa kavanageno Gotiʼa fikumo lapa maeno nelapamiya gemoʼa lapaipa lapakesamo alino lokiya vaino lapategaiye. Neʼyafeʼmo, neyo, huʼa huge oʼneyo, huʼa huge nehaya gemoʼa lapaipa lapakesamo alino lokiya vaino olapategaiye. Ani gemo akame nehaya vayaʼmo hapa oʼmaeʼniye.

2 Pita 1:13

He, nagesamo afiʼnovana kanale kavanageʼna muki afinaʼmo ofaliʼna seli noʼnifiʼmo afaʼa maiʼneʼnaeʼmo aliʼna he tiʼna lapatesugetapa halate lapakesamo afisayafeʼmo mani gemo avoʼmo kaeʼna lapa nepauve.

1 Samiyo 12:21

Ala kava neʼmo oʼataleyo. Atalesayaʼmoʼmo afaʼa ina agufa yaʼmo alisayafeʼmo lahapaugiye. Ina agufa yaʼmo haneʼniyaʼmofeʼmo lapakaemo akamelegatiʼmo magoʼe yaʼmo afaʼa oʼaligae. Lapa oʼmaesiya yaʼmo haneʼniye.