2 Timoti 1:8 - The Keyagana NT and 25 OT books

⁸ Lamiʼniyaʼmofeʼmo Ala kava netimo faigoko geʼamo aeka hakalo huka hapa paisanafeʼmo kavagage osinageka Kalaisi agiʼalefeʼmo kalavusifiʼmo maiʼnova vekaeʼmo kavagage osino. Kavagagemo osinageka faigoko gelefeʼmo hanageke yaʼmo alisayafeʼmo Goti himamuʼaletiʼmo kana yaʼmo aliyo. Nagaemo kana yaʼmo aliʼnova kava huka kana yaʼmo aligetaʼao.

2 Timoti 1:8 ပူးပေါင်းရင်းမြစ်များ

Samu 119:46

Nagaemo kavayafatiʼmo nehana gemo aliʼna yagaiʼnaya kini vayaʼaifeʼmo aeʼna hakalo huʼna hapa paisugenoʼaeʼmo navagage osugiye.

Samu 19:7

Ala kava neʼmo keʼaepa geʼamo kanale alagepa gemo haneʼneno apakupi mafaʼnemo alino alagepa huno neʼate. Ala kava neʼmo faigoko geʼamoʼmo aino ataginovano nosifa alagepa huno haneʼnenoʼaeʼmo oʼageʼnaya vayaʼmo alino apaya maleʼnigeʼa apakesamo neʼafiye.

Aiyeya 51:7

Fatago kavaʼnimo alagepa hutapa ageteta keʼaepa geʼnimo lapaipafiʼmo haneʼnisiya vayaʼmogitapae, huʼna, geʼnimo afiyo. Vayaʼmogi lapakaetegamo hosu gemo hisageno lapavagage hisiyafeʼmo koli osiyo. Apakaemo huʼa faipa huʼa lapatesayafeʼmo lapamoʼya oʼaiyo.

Maki 8:38

Hemeni afinaʼmo maiʼnaya vayaʼmogi anauʼapimoʼmo ataleʼa kumai heʼa neʼvaya aʼnegana huʼa maiʼnae. Ani vayapatiʼmo ina lagimo nagaeʼe geʼnileʼefeʼmo apavagage nehisifigeno Vemo mafaʼnemoʼmo Afoʼamotegatiʼmo ha le konali yaʼamo aliteno apaote enisole vayaʼaʼeʼmo eminenoʼaeʼmo apakaefeʼmo avagage hugiye, huno hapa paiʼniye.

Luki 9:26

Ina lagimo nagaeʼe geʼnileʼefeʼmo apavagage nehisifigeno Vemo Mafaʼnemoʼmo ha le konali yaʼamo Afoʼamotegatiʼmo aliʼniya ha le konali yaʼamo aliteno apaote enisole vayaʼmogi ha le konali yaʼapiʼe enisole vayaʼaʼeʼmo eminenoʼaeʼmo apakaefeʼmo avagagemo hugiye.

Yoni 15:27

Lapakaemo aliʼyaʼnimo aepa faiʼna aliʼnova afinatetiʼmo nagaeʼeʼmo magokepi lokaeta maime maime etapa hemeniʼeʼmo maiʼnayaʼmofeʼmo lapakaeʼeʼmo nagaefeʼmo faigoko geʼnimo aeta hakalo hugae, huno hapa paiʼniye.

Yoni 19:35

Apakesamo afiʼa fatago hisayafeʼmo ani kavaʼmo ageʼniya vekamoʼmo faigoko gemo huno hapa paiʼniye. Agaemo hunoʼaeʼmo, lama gemo nehuve, huno, ago ageʼnove, huno hapa paiʼniye.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

Lomu 1:16

Na kava higeʼnaene. Kalaisifeʼmo alagepa faigoko geʼalefeʼmo navagage osuʼnigeʼna namogaga neʼauvaʼmofeʼmae. Gotiʼa ani gemo himamuʼaletiʼmo apakesamo afiʼa fatago nehaya vayaʼai apakufamo alino katino neʼapate. Hogoteno Yu nofi vayaʼaitegamo afole aitenoʼaeʼmo henagaʼamo alu nofi vayaʼaitegamo afole aiʼniye.

Lomu 16:25

Gotiʼa nagaemo aeʼna hakalo nehuva alagepa faigoko geʼaletiʼe Yesu Kalaisifeʼmo ava gemo aeʼa hakalo nehaya geʼaletiʼeʼmo afaʼa alino lokiya vaino lapategaiye. Ma mopamo alo huʼniya afinatetiʼmo ani gemo fala kino haneme haneme eʼniyaʼmonanafa

Lomu 8:36

Goti mukufiʼmo avoʼmo kae maleʼniya gemoʼa hunoʼaeʼmo, Gotiyo, huʼa, vayaʼmogimo kagaetefeʼmo muki afinaʼmo kamitimo lamagisayafeʼmo nehae. Apakaemo huʼapaeʼmo, kamitimo apamagisuna sipisipi afugana huʼa maiʼnae, huʼa nehae, huno huʼniye.

Lomu 9:33

Goti mukufi gemoʼa hunoʼaeʼmo, Afiyo, huno, nagaemo Saiyoni taonifiʼmo noʼmo faiʼna atesuva yafaʼmo malegauve. Maleʼnisugeʼapaeʼmo apaiyamo faiʼa lo aeteʼa asagauʼa aigayaʼmonanafa ina lagimo agaefeʼmo apakesamo afiʼa fatago nehisafigeʼa apavagage osuge hapai vaiʼa oʼatege hugae, huno huʼniye.

1 Kolitiyani 1:6

Lagaemo Kalaisife ava gemo aeta hakalo huta lapa paiʼnonagenoʼaeʼmo ani gemoʼa lapaipafiʼmo lamino lokiya vaino haneʼniyaʼmofeʼmae.

2 Kolitiyani 6:7

Lama gemo huge Goti himamuʼaletiʼmo huge huta alagepa kavaʼmo huʼnone. Fatago kavatetiʼmo kame hisuna yaʼmo lamaga layapiʼmo alige hoga layapiʼmo alige huʼnone.

Efasasi 3:1

Gotiʼa ani kavaʼmo nehiyaʼmofeʼmo nagaemo Poloʼnamo Kalaisi Yesutefeʼmo Yu nofi vayaʼmo oʼmaiʼnageʼnaeʼmo lapa maeʼna kalavusi huʼneʼnaeʼmo nunumuʼmo huʼna nelapatove.

Efasasi 3:13

Inagi nagaemo lapa maesuvafeʼmo kana yaʼmo aliʼnovaʼmofeʼmo lapaipamoʼmo kana nehinagetapaeʼmo, atalegaune, hutapa osiyo. Mani kavatetiʼmo ala lapakitapimo aligae.

Efasasi 4:1

Inagi nagaemo Ala kava netefeʼmo kalavusi huʼneʼnaeʼmo, Gotiʼa alagepa kavaʼmo hutapa maisayafeʼmo keya aeno ge huʼniya agufa kavaʼmo hutapa maiyo, huʼna aliʼna he tiʼna nelapatove.

Efasasi 4:17

Ani kavaʼmo hutapa maiʼnayaʼmofeʼmo nagaemo Ala kava neʼmo agiʼaletiʼmo lokiya gemo huʼna lapa paiʼnaeʼmo, Malaga vayaʼmogi nehaya agufa kavaʼmo hogotetapa huʼnayaʼmonanafa hemenimo magoʼe hutapa osiyo. Fikumo apakesamo neʼafigenoʼaeʼmo apaipa apakesamoʼmo hani huʼnigeno apaipamo lokiya vaiʼniyaʼmofeʼmo noʼagayaʼmofeʼmo Gotiʼa afaʼa maisaya yaʼmo neʼapamiya yaʼmo oʼaliʼa malaga vayaʼmo maiʼnae.

Filipai 1:7

Gotiʼa fikumo naha maeno namiʼnigeʼna kalavusifiʼmo maiʼneʼnaeʼmo alagepa faigoko geʼamo ha maesuvafeʼmo ge huʼna aliʼna lokiya vaiʼna neʼatove. Fikumo naha maeno namiʼniya kava huno fikumo lapa maeno nelapamigetaeʼmo magoke agufa aliʼyaʼmo aliteta muki afinaʼmo magoke laipa lagesamo aliʼnonaʼmofeʼmo lapakaefeʼmo alagepa huʼna nagesamo neʼafuve.

Filipai 3:10

Nagaemo Kalaisina ageʼna alagepa huʼna agesuvafeʼmo neʼnahaiye. Faliʼniyatetiʼmo he tiʼniya himamuʼamoʼa naipafiʼmo aliʼyaʼmo alisigeʼna agegesuve. Kana yaʼmo aliʼniya kavatefeʼmo magoke agufa kava huʼna kana yaʼmo alisuvafeʼmo neʼnahaiye. Faliʼniyanageʼna atafa naipamo hano hisiyafeʼmo faliteʼna agaekana huʼna maigesuve.

Filipai 4:13

Nagaemo Kalaisipiʼmo maiʼneʼnaeʼmo lokiya vaino neʼnateya himamuʼaletiʼmo muki kavaʼamo afaʼa huguve.

Kolosi 1:11

Gotiʼa ha le konali lokiyaʼaʼe vekamoʼmo lokiyaʼaletiʼmo lokiya vaino lapateno. Lokiya vaino lapatesigetapa hosu afinaʼmo oʼataleta hosu lapaipamo okalita lapamogaga aiʼnetapa muki yaʼmo Afoʼamofekeʼmo hao ke hegae.

Kolosi 1:24

Nagaemo lapakaetefeʼmo kana yaʼmo neʼaluvaʼmofeʼmo namogaga neʼauve. Kalaisiʼa kana yaʼmo aliʼniya kava huʼna agufalefeʼmo kana yaʼmo neʼaluve. Kalaisi agufaʼamo agaiʼa siosi vayaʼamae. Goti mafaʼneʼamogi kanamo neʼaliya aliʼyaʼapimo hano osuʼniye. Nagaemo kana yaʼmo neʼaluva hetamaʼnimo aliʼna hapa maegauve.

1 Tesaloniyani 3:4

Lapakaeʼeʼmo hogoteta maiʼnetaeʼmo ani gemo hutaeʼmo, kana yaʼmo aligune, huta lapa paiʼnona agufa kana yaʼmo aliʼnonageta ago lageʼnae.

1 Timoti 2:6

Agaemo muki vayaʼmo miya faino hatu maeno apatesiyafeʼmo agaiʼa agufamo Gotina amiʼnigeʼapaeʼmo Gotiʼa lekana pai maleʼniya afinaʼmo geʼamo aeʼa hakalo huʼa hapa paigae.

2 Timoti 1:10

Akeyaʼvilagamo lamiʼniyaʼmonanafa Yesu Kalaisiʼa lagufamo alino katino lateteno lahau neʼvaiya vekamo afole aiʼnigenoʼaeʼmo hemenimo ani kavaʼmo laulagaleʼmo ago afole aiʼnigeta ageʼnone. Agaemo nefaluna kavaʼmo lokiyaʼamo alino hano huno ataleteno agaiʼaeʼmo alagepa faigoko geʼaletiʼmo maige maige huʼa maisaya yaʼmo alino afole aino ateʼniye.

2 Timoti 1:12

Ani aliʼyaʼmo neʼaluvaʼmofeʼmo mani kana yaʼmo aliʼna maiʼnovaʼmonanafa navagagemo alagi nosiye. Nagaemo naha maesiyafeʼmo ina lafeʼmo nagesamo afiʼna fatago huʼnofi huʼna ago ageʼna aeto huʼnove. Nagaemo ageteʼnaeʼmo amiʼnova yateʼmo afaʼa yagaino nateme nateme neʼviyanageno agaiʼa afinaʼmo afole aigiye, huʼna nagesamo afisuvafeʼmo alino nave liʼnigeʼna ago ageʼnove.

2 Timoti 1:16

Ala kava neʼmoʼa Onesifolasiʼe afamo anagaʼaʼeʼmo hau huno apateno. Onesifolasiʼa kalavusifiʼmo maiʼnova kavafeʼmo avagage osuʼnigeno Lomu taonifiʼmo eno avaʼyi huteno lusi kava huno kahauya huno nagetenoʼaeʼmo muki afinaʼmo naha maete naha maete huʼnigenoʼaeʼmo naipamoʼmo falu huʼniye.

2 Timoti 2:3

Ani kavatefeʼmo kagaemo Yesu Kalaisi alagepa ati vekaʼagana huka maiʼneka kana yaʼmo alige alige huka maiyo.

2 Timoti 2:8

Yesu Kalaisiʼa Nevini aginago vekaʼamoʼmo alagepa faigoko geʼnilefeʼmo faliʼniyatetiʼmo ago alino he tino ateʼniya kavafeʼmo kage okanika kagesa afifi huka maiyo.

2 Timoti 2:9

Mani Goti gelefeʼmo huʼapaeʼmo, hosu kavaʼmo nehiya vekamo maiʼniye, huʼa huteʼa nofi kiʼa nateʼnayaʼmonanafa Goti geʼamo aino atagu ofaesiyafeʼmo nofi kiʼa oʼateʼnae.

2 Timoti 4:17

Nataleʼa uʼnayaʼmonanafa Ala kava neʼmoʼa nagae nahaopaleʼmo lokaeno maiʼnenoʼaeʼmo muki geʼamo aeʼna hakalo huʼna hano hisugeʼapaeʼmo muki alu nofi vayaʼmogimo alagepa faigoko geʼamo afisayafeʼmo lokiya vaino nateʼniye. Laiyonimoʼa nahaesiyafeʼmo nehigenoʼaeʼmo Gotiʼa nagufamo alino katino nateʼniye.

2 Timoti 4:5

Afigayaʼmonanafa kagaemo muki afinaʼmo alagepa huka kagesamo afiteka kagaikaleʼmo alagepa huka yagaika kato. Hanageke yaʼmo neʼalikaeʼmo oʼataleka atafauka alagi huka maiyo. Uʼeʼa huʼa alagepa faigoko gemo aeʼa hakalo huʼa hapa nepaiya vayaʼmogi neʼaliya agufa aliʼyaʼmo lokiya vaika aliyo. Goti aliʼyaʼamo neʼalina aliʼyakamo muki agufa kavaʼalefeʼmo aliyo.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.

1 Yoni 4:14

Lagaemo Afotimoʼmo Mafaʼneʼamoʼmo muki ma mopafi vayaʼai apakufamo alino katino apatesiyafeʼmo alino ateʼnigeno emineʼniye, huta agetetaeʼmo aeta hakalo huta hapa nepaune.

Yuti 1:24

Laha neʼmaeya Gotiʼa agaiʼageʼmo ageteno afiʼniya vekamo agiʼaleʼmo alita asaga huta ategetao. Agaemo alagi asagauta oʼaisayafeʼmo lapatafauno maigiye. Ha le konali vekamo aulagaleʼmo afaʼa lapavalelino esigenoʼaeʼmo vaiʼmo olapamisigetapa lusi kava hutapa lapamogaga aita maigae.

Leveleseni 1:2

Yoniʼa muki ageʼniya kavafeʼmo avoʼmo kae maleʼniye. Mani gemo Yesu Kalaisiʼa Gotitegati alagi lama geʼamo alino ave liʼniya kavaʼmo haneʼniye.

Leveleseni 1:9

Nagaemo Yoniʼnamo konagatapimoʼnamo maiʼnove. Yesupiʼmo maiʼnetaeʼmo magokepi lagafu kige Yesuʼa yagaino nelateyategamo maige oʼataleta atafauta alagi huta maige nehune. Nagaemo Goti alagi lama geʼe Yesufeʼmo ava geʼeʼmo aeʼna hakalo huʼna hapa paiʼnovaʼmofeʼmo aliʼa nahafaitalageʼna eʼna Patamosi ani agoʼnanenafiʼmo maiʼnove.

Leveleseni 12:11

Konagatimogimo aikeli sipisipimo kolaʼaletiʼmo lama geʼamo aeʼa hakalo huʼa hapa paiʼnaya geʼaletiʼmo aeʼa agaseʼnae. Apakaemo apakaiʼapi apakufaeʼmo apakesamo oʼafiʼa afaʼa faligune, huʼa huʼnae.

Leveleseni 19:10

Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.