2 Timoti 1:7 - The Keyagana NT and 25 OT books

⁷ Na kava nehiyaʼmofeʼmae. Gotiʼa lamiʼniya Aunemeʼamoʼmo laipafiʼmo aliʼyaʼmo neʼaligetaeʼmo lamoʼya oʼaita himamuʼamo aliʼneta lahau layamopafiʼmo lahauʼnigeta lagesamo neʼafuna kavateʼmo neʼyagaune.

2 Timoti 1:7 ပူးပေါင်းရင်းမြစ်များ

Samu 119:80

Nagaemo avoʼmo kae maleʼnaya keʼaepa gekaleʼmo aiʼna hapaisuva naipa nagesamo namigeʼnao navagage osisiyafeʼmo akame hino.

Mai'naya kavane 2:7

Agaemo fatago vayaʼmogimo alagepa huʼa afiteʼa neʼagaya kavaʼmo alino anupa nehiye. Agaemo haleguʼapigana huno maiʼneno aeno hau vaino neʼapate.

Mai'naya kavane 8:14

Nagaemo geʼniletiʼmo alagepa huʼna aliʼna ho huʼna neʼapatove. Nagaemo afiteʼna ageʼnove. Nagaemo muki geʼamo afiʼnogeno lokiyaʼnimo haneʼniye.

Aiyeya 11:2

Ala kava neʼmo Aunemeʼamoʼmo agaeteʼmo emineno maigiye. Ageteno neʼafiya kavanagi afino aeto nehiya kavanagi alino apaya neʼmaleya kavanagi lokiyaʼagi afisiya kavanagi Ala kava nefeʼmo koli huteno akame nehiya kavanagi huno alino amisiya Aunemeʼamo agaeteʼmo maigiye.

Maika 3:8

Apakaemo ani kava huʼa maiʼnayaʼmonanafa nagaemo Yekopu nofi vayaʼe Isaleli nofi vayaʼefeʼmo huʼnaeʼmo, Hosu kavaʼmo huʼnae, huʼna hapa paisuvafeʼmo Ala kava neʼmo Aunemeʼamoʼmo lokiya vaino nateʼnigeno naipafiʼmo lokiyaʼnigi alagepa huʼna aliʼna fako hisuva kavanagi himamuʼagi huno havai teʼniye.

Luki 10:19

Afiyo, huʼna, nagaloʼyaveʼe sokopiyoniʼeʼmo lapaiyaletiʼmo aeta latapaisayafeʼmo himamuʼnimo aliʼna lapamiʼnove. Kame vayatapimogi himamuʼapimo aeta apaka sesayafeʼmo himamuʼnimo aliʼna lapamiʼnovanageʼa muki vayaʼmogi afaʼa olahapaegae.

Luki 15:17

Inagi hogoteno negi nagi kavaʼmo huʼniyana ani afinaʼmo agesamo aino halo aiʼnigeno agesamo afinoʼaeʼmo, afoʼnimo aliʼyaʼamo neʼaliya vayaʼmogi magoʼe huno lusi neʼyaʼmo haneʼnigeʼa neʼnaya yafena naga teʼnigeʼna aise afinaʼmo falisuvafeʼmo huve.

Luki 24:49

Afiyo, huno, Afoʼnimoʼmo polomasi gemo hunoʼaeʼmo, Nauneʼnameʼmo aliʼna lapamiguve, huno lapa paiʼniyanageʼna Goti Aunemeʼamo aliʼna atesugeno emineno lapakaeʼeʼmo maigiye. Emiʼnegaiyaʼmonanafa hogoteta uta Yulusalemu taonifikeʼmo agava maime maime neʼvigenoʼao Goti Aunemeʼamoʼmo emineno lokiya vaino lapategaiye, huno hapa paiʼniye.

Luki 8:35

Muki vayaʼmogi ani kavafeʼmo ava gemo afiteʼapaeʼmo agesayafeʼmo Yesutegamo uʼa agayana hosu apaune vayaʼmo ago ataleʼa uʼnaya vekamo agesamo aino halo aiʼnigeno kukena yaʼmo vaiteno Yesu aiyafiʼmo maiʼnigeʼa ageteʼapaeʼmo apamoʼya aiʼniye.

Yoni 14:27

Naipamoʼmo falu huʼnigeʼna maiʼnova kava hutapa lapaipamoʼmo falu huʼnisigetapa maisayafeʼmo nelapamuve. Ma mopafi vayaʼmogi neʼapamiya kava huʼna nolapamuve. Lapausoli hutetapa lapaipamoʼmo atete huʼnisigetapa koli osiyo.

Apa 1:8

Oʼafigayaʼmonanafa Goti Aunemeʼamo aote Aunemeʼamo lapakaeteʼmo emineno lokiya vaino lapatesigetapa Yulusalemu taonifinagi muki Yutiya kotegagi Sameliya kotegagi muki ma mopamo loleʼe loleʼe atupalegagi hutapa nava gemo aeta hakalo hutapa hapa paimale hapa paimale hugae, huno hapa paitegenoʼaeʼmo

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

Apa 20:24

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Apa 21:13

Poloʼa getileʼmo aeno atagaina huno laha painoʼaeʼmo, na agufa kavaʼmo higetapaeʼmo nagaefeʼmo aviʼyaʼmo hutetapa naipamoʼmo kana hisiya yaʼmo alita neʼnamiye. Yulusalemu taonifiʼmo nofi kiʼa natesayafekeʼmo alo huʼna oʼmaiʼnofa Ala kava neʼmo Yesu agiʼalefeʼmo falisuvafeʼmo alo huʼna maiʼnove, huno laha paiʼniye.

Apa 26:11

Umenitata huʼna muki Yu vayaʼai mono nopiʼmo kayoʼmo apamiteʼna Yesufeʼmo huʼa faipa huʼa atesayafeʼmo apamagiʼnove. Lusi kava huno naipamo leʼnigeʼnaeʼmo alu nofi vayaʼai taoniʼapifiʼe taoniʼapifiʼeʼmo umenitata huʼna kayoʼmo apamiʼnove.

Apa 26:25

Ala vekamo Fesitasiyo, huno, Nagaemo negimo noʼmalove. Hapa nepauva gemo negi gemo nosufa nagesamo haneʼnigeʼna alagi lama gemo nehuve.

Apa 6:8

Sitiveniʼa agesamo afino fatago huʼniya kavaʼe lokiyaʼaʼeʼmo aipafiʼmo havai teʼnigeno noʼagaya agufa lokiya aune kavaʼmo Yu vayaʼaitegamo huʼniye.

Apa 9:22

Soloʼa magoʼe magoʼe huno lokiya gefatiʼmo huno aeno hakalo huno hapa painoʼaeʼmo, Yesuʼa Kalaisi vekamo maiʼniye, huno alino apave liʼniye. Alagepa huno alino apave liʼniyaʼmofeʼmo Namasakasi taonifiʼmo maiʼnaya Yu vayaʼmogimo geʼaleʼmo afaʼa aeʼa atagaina huʼa osuʼnae.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

Lomu 8:15

Aliʼnaya Aunemeʼamoʼmo halate koli hisayafeʼmo lapavaleno kalavusi aliʼyateʼmo olapateʼnifa Goti afamo anagapiʼmo lapavalelino uno haino faleno lapateʼniye. Faleno lateʼnigeta Aunemeʼaʼe himamuʼaletiʼeʼmo hutaeʼmo, Afo, Afotimogae, huta keya neʼaone.

1 Kolitiyani 2:4

Nagaemo ma mopafi vayaʼmogi afiteʼa ageʼnaya geletiʼmo apakesamo nefaiya agufa geletiʼmo ge osuge aeʼna hakalo huʼna lahapa opaige huʼnovaʼmonanafa nagaemo lahapa nepaugenoʼaeʼmo Goti Aunemeʼamoʼmo himamuʼaletiʼmo lapaipafiʼmo alino lapave liʼnigetapaeʼmo, alagi lama gemo haneʼniye, hutapa huʼnae.

Galesiya 5:22

Mani hosu kavaʼmo haneʼniyaʼmonanafa Goti Aunemeʼamoʼmo apaipafiʼmo alagagana huno alagepa kavaʼmo alino afole aino neʼate. Ani alagepa kavaʼmo haneʼniyana hapau apayamopafiʼmo hapauge apamogaga aige magoke apaipa apakesamo alige hosu kavaʼmo halate aeʼa atagaina huʼa osuʼa afaʼa maige yuna apaipa kaliteʼa hapa maege muki afinaʼmo oʼataleʼa alagepa kavaʼmo huge

Kolosi 1:8

Agaemo lapava gemo hunoʼaeʼmo, Goti Aunemeʼamoʼmo apaipafiʼmo aliʼyaʼmo aliʼnigeʼapaeʼmo hapau apayamopafiʼmo nehapaiye, huno laha paiʼniye.

Himulu 2:15

Alitenoʼaeʼmo nefaliya kavaʼmo afoʼamoʼmo Nevoʼmo aeno agaseno himamuʼamo alino atalesiyafeʼmo faliʼniye. Falisaya kavafeʼmo koli huteʼa kanamo neʼaliya vayaʼmo hatu maeno apatesiyafeʼmo faliʼniye.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Yoni 4:18

Gotiʼa lagaefeʼmo hau ayamopafiʼmo hauʼniye, huta huteta agaefeʼmo lahau layamopafiʼmo lahauʼnisiyana koli nosune. Haino hapaiʼniya hau ayamopafiʼmo hauʼniya kavaʼaletiʼmo lamoʼya neʼaiya kavatimo laipafatiʼmo alino neʼatale. Apamoʼya neʼaiya kavaʼmo aepaʼamo haneʼniyana hosu kavaʼmo nehunaʼmofeʼmo hosu miyatimo aligune, huʼa apakesamo neʼafiye. Gotiʼa hau ayamopafiʼmo hauʼniya kavaʼamoʼmo koli nehaya vayaʼai apaipafiʼmo kosino afu nole.