2 Timoti 1:6 - The Keyagana NT and 25 OT books

⁶ Ani kavaʼmo huka maiʼnanaʼmofeʼmo kagesamo afika ho hisanafeʼmo kaha nepauve. Nagaemo kagaeteʼmo nayaʼmo maleʼna kateʼnogenoʼaeʼmo Gotiʼa lokiyaʼamo ago kamiʼniye. Kamiʼniya lokiyaʼamoʼmo ata legekana huno yu oseno magoʼe huno lesiyafeʼmo fu huka kaegeno leno.

2 Timoti 1:6 ပူးပေါင်းရင်းမြစ်များ

Aiyeya 43:26

Nage okanisigeʼna halate nagesa afisuvafeʼmo akeyaʼvilaga kavafeʼmo nagesamo huta halo aiyo. Gemo higetao magokepiʼmo gemo huta fako hugune. Nagaemo lapakaefeʼmo huʼnaeʼmo, fatago vayaʼmo maiʼnae, huʼna hisuvafeʼmo gemo hutapa lahapau vaisaya gemo huta naha paiyo.

Luki 19:13

Agaemo teniʼa vayaʼmo aliʼyaʼamo neʼaliya vayaʼaifeʼmo ge huʼnigeʼa eʼnagenoʼaeʼmo magoke magoke monimo fako huno apamite apamite hutenoʼaeʼmo, mani moniletiʼmo aliʼyaʼmo aligenoʼao akamelegaʼamo magoʼe monimo afole aino. Aliʼyaʼmo alime alime neʼvigeʼna eno, huno hapa paiʼniye.

Apa 19:6

Poloʼa apakufaleʼmo ayatalaʼmo maleʼnigenoʼaeʼmo Goti Aunemeʼamo aote Aunemeʼamo emineno apakaeteʼmo aliʼyaʼmo aliʼnigeʼapaeʼmo alu apake alu apakemo aiteʼa Goti geʼamo aeʼa hakalo huʼa hapa paiʼnae.

Apa 6:6

Apakaemo apavaleliʼeʼa apa vayaʼai apaulagaleʼmo he tiʼnageʼa apakufaleʼmo apayaʼmo maleʼneʼa nunumuʼmo huʼa apateʼnae.

1 Tesaloniyani 5:19

Goti Aunemeʼamoʼmo ata legekana huno aliʼyaʼmo neʼaliyanagi aetapa yu oseyo.

1 Timoti 4:14

Yagaiʼa neʼapataya vayatama vayaʼmogi kagaeteʼmo apayaʼmo maleʼa kateteʼa Gotitegatiʼmo aliʼnaya geletiʼmo aliʼyaʼamo alisanafeʼmo lokiyaʼamo kamiʼnae. Fiku yanageno kamiʼnaya yaʼmo afaʼa hanegaiyanagi kamiʼnaya yatetiʼmo aliʼyaʼmo aliyo.

1 Timoti 4:6

Kagaemo konagatimogifeʼmo ani kavafeʼmo alika apaya malesanana Yesu Kalaisi alagepa aliʼyaʼamo neʼalina vekamo maigane. Lagesamo afita fatago nehuna gemo alagepa huka akame huʼnana gemo neʼyaʼmo negekana huka nesanagenoʼaeʼmo lokiya vaino kategaiye.

2 Timoti 2:14

Ani geeʼmo muki afinaʼmo apakesamo afisayafeʼmo ani gemo hapa paiyo. Ala kava neʼmo aulagaleʼmo maiʼneʼnaeʼmo, alu ge alu geletiʼmo kaveta osiyo, huka hapa paiyo. Ani agufa gemoʼmo afisaya vayaʼmo hapa oʼmaegaifa alino hosu hunoʼageʼmo apategaiye.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.

2 Pita 1:12

Inagi mani avoʼmo nekaova gemo afitetapa ani gelefeʼmo lokiya vaitapa maiʼnayaʼmonanafa aliʼna he tiʼna lapatesugetapa mani geeʼmo halate lapakesamo afisayafeʼmo afaʼa oʼmaigufa alagepa huʼna gemo lapa paiguve.

2 Pita 3:1

Nahauʼniya vayaʼnimogitapae, huʼna, ago afiʼnaya geeʼmo halate alagepa lapakesafatiʼmo magoʼe hutapa lapakesamo afisayafeʼmo aliʼna he tiʼna lapatesuvafeʼmo hogoteʼna avoʼmo kaeteʼnaeʼmo hemenimo halate henaga gemo avoʼmo nekaove.

Yuti 1:5

Lapakaemo ani kavafeʼmo ava gemo ago afiʼnayaʼmonanafa halate magoʼe hutapa ani geeʼmo lapakesamo afisayafeʼmo lapa paiʼnaeʼmo, Ala kava neʼmoʼa Isaleli vayaʼmo Isipi kotegatiʼmo apakufamo alino katino apateteno hapa maeno apavalelino eʼniyaʼmonanafa henagaʼamo apakesamo afiʼa fatago osuʼnaya vayaʼmo alagi alino apagoʼya lagauno apataleʼniye.