2 Timoti 1:3 - The Keyagana NT and 25 OT books

³ Naginago vayaʼmogi Gotitefeʼmo mono aliʼyaʼmo aliʼnaya kava huʼna nagupi mafaʼnemoʼmo hosu kavaʼmo hane, huno nosigeʼnaeʼmo mono aliʼyaʼmo neʼaluve. Ani kava huʼna kagaefeʼmo nagesamo afiteʼnaeʼmo Gotifeʼmo muki afinaʼae afinaʼaeʼmo okataleʼna felugaʼe haniʼilagaʼeʼmo hao ke heʼna nunumuʼmo nehuve.

2 Timoti 1:3 ပူးပေါင်းရင်းမြစ်များ

Luki 2:37

Muki afinaʼmo alopa mono nopiʼmo maiʼnenoʼaeʼmo muki netepiʼe hanipiʼeʼmo Gotifeʼmo mono huge nunumuʼmo huge neʼyaʼmo mo sige huno maiʼniye.

Apa 22:3

Poloʼa hunoʼaeʼmo, Yu vekamo maiʼneʼna Silisiya kotega taonimo agiʼamo Tasasi taonifiʼmo itaʼnimoʼmo alino natetegeʼnaeʼmo eʼna mani Yulusalemu taonifiʼmo ko siteʼna maiʼnove. Maiʼnogeno Gameliyeloʼa muki laginago vayaʼai keʼaepa gemo alino naya maleʼnigeʼna alagepa huʼna afiʼnove. Lapakaemo hemenimo nehaya agufa kavaʼmo huʼna Goti kateʼmo nayamukiki huʼna uʼnove.

Apa 23:1

Poloʼa he tino maiʼnenoʼaeʼmo kanisole vayaʼmo aulu hapaeno apakeʼnenoʼaeʼmo, Konagaʼnimogitapae, huno, Goti aulagaleʼmo nehuva kavafeʼmo yuʼilaga vekaʼnimoʼa agoti huno noʼnate, huno hapa paiʼniye.

Apa 24:14

Ani gemo nehuvaʼmonanafa magoʼe gemo aeʼna hakalo huʼna kaha paiguve. Nagaemo mago aigofe kane huʼa nehaya kateʼmo akame nehuʼna laginago vayaʼai Gotiʼapimofeʼmo mono nehuve. Muki avoʼmo kae maleʼnaya gemo Mosese keʼaepa geʼenagi Gotitegati gemo alini eʼa aeʼa hakalo huʼa hapa nepaiya vayaʼai geʼapienagi huʼna nagesamo afiʼna fatago nehuve.

Apa 24:16

Nagaemo Goti aulagaleʼe ma mopafi vayaʼai apaulagaleʼeʼmo yuʼilaga vekaʼnimoʼa agoti huno oʼnatesiyafeʼmo nayamukiki huʼna alagepa kavaʼmo nehuve.

Apa 26:4

Hogoteʼna mafaʼneʼnileʼmo maiʼneʼnaeʼmo vayaʼniʼeʼmo Yulusalemu taonifiʼmo maime maime eʼnaeʼmo huʼnova kavaʼnimo Yu vayaʼmogimo ago nageʼnae.

Apa 27:23

Nagaemo Goti vekamo maiʼneʼna aliʼyaʼamo neʼaluva vekamo maiʼnogeno enisole vekaʼamo alino ateʼnigeno nagaetegamo emineʼniye.

Lomu 9:1

Hemenimo nagaemo mago gemo hisuvafeʼmo huve. Nagaemo Kalaisipiʼmo maiʼneʼnaeʼmo lama gemo nehuve. Aote Aunemeʼamoʼmo nagupi mafaʼneleʼmo yagaino neʼategenoʼaeʼmo lama gemo nehane, huno naha nepaiye.

2 Kolitiyani 1:12

Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.

Galesiya 1:14

Nagaemo Yu nofi vayaʼmogi nehaya kava huʼna magoʼe huʼna huliʼna neʼuʼnaeʼmo nafaluʼnimogimo ago aeʼna apakaseʼna laginago vayaʼai gemo akame nehuʼnaeʼmo lusi kava huʼna nayamukiki huʼna maiʼnove.

Efasasi 1:16

Gotifekeʼmo hao ke heʼna lapateteʼnaeʼmo muki afinaʼmo oʼataleʼna nunumuʼmo huʼna nelapatove.

1 Tesaloniyani 3:10

Lagaemo uta lapa maeta lapakesamo afita fatago huʼnaya kavatapimo alita kosita atesunafeʼmo muki afinaʼmo felugaʼe haniʼilagaʼeʼmo laipafiʼmo nunumuʼmo huta nelapatone.

1 Timoti 1:19

Kamemo nehukaeʼmo kagesamo afika fatago huteka kagupi mafaʼnemo geʼamo afiyo. Mago vayaʼai apakupi mafaʼnemoʼmo, hosu kavaʼmo nehae, huno nehigeʼapaeʼmo noʼafigenoʼaeʼmo apakesamo afiʼa fatago huʼnaya kavaʼapimo alagi alino atagaeno neʼatale.

1 Timoti 1:5

Kagaemo hapa paisanageʼa afiteʼapaeʼmo hapau apayamopafiʼmo hapausiyafeʼmo hapa paiyo, huʼna ago kaha paiʼnove. Inagi hapau apayamopafiʼmo nehapaiya kavaʼmo yaveyave apaipafatiʼmo afole aige alagepa huno alino fako huno neʼapateya apakupi mafaʼnefatiʼmo afole aige lama ge huʼa apakesamo afiʼa fatago nehaya kavatetiʼmo afole aige nehiye.

1 Timoti 5:5

Apakaiʼapigeʼmo maiʼnisaya kogu aʼne anagaʼmogimo Gotifeʼmo aliʼa amufa amiteʼapaeʼmo nunumuʼmo huʼa apatege felugaʼe haniʼilagaʼeʼmo nunumuʼmo huge huʼa neʼmaiye.

2 Timoti 1:5

Kagaefeʼmo nagesamo afiʼna ho huʼnaeʼmo, lama gemo huno agesamo afino fatago huʼniye, huʼna nehuve. Mani agufa lama ge kavaʼmo hogoteno alemokamoʼmo Lovisi aipafiʼmo haneʼnigeno itakamoʼmo Yunisi aipafiʼeʼmo haneʼniya kavaʼmo huno kagae kaipafiʼmo haneʼniye, huʼna ago ageʼnovaʼmofeʼmo lole nagesamo oʼafiʼnofa magoke nagesamo neʼafuve.

2 Timoti 3:15

Kagaemo aise mafaʼnemo maiʼnana afinatetiʼmo Goti aote mukufiʼmo avoʼmo kae maleʼnaya gemo afime afime eka hemenimo maiʼnane. Gotiʼa ani geletiʼmo afiteka agesana kaipamo afaʼa kamiteka Kalaisi Yesufeʼmo kagesamo afika fatago nehana kavatetiʼmo kagufamo alino katino kateteno kahau vaigiye.

Himulu 13:8

Yesu Kalaisiʼa alu afina alu afinaʼmo alu kavaʼmo huno noʼmaifa akeyaʼvilaga maiʼniya kavakeʼmo huno neʼmaiyanageno henagaʼamo ani agufa kavakeʼmo huno maigiye.

1 Samiyo 12:23

Nagaiʼnieʼmo huʼnaeʼmo, Fiku yanageʼna magoʼe huʼna nunumuʼmo huʼna olapatesuvaʼmoʼmo Ala kava netegamo hosu kavaʼmo huguve. Nagaemo alagepa kavaʼe fatago kavaʼeʼmo hisayafeʼmo aliʼna lapaya malegauve.