2 Timoti 1:18 - The Keyagana NT and 25 OT books

¹⁸ Efasasi taonifiʼmo maiʼnogenoʼaeʼmo muki afinaʼaeʼmo naha maeʼniya kavaʼmo ago ageʼnane. Nagaemo Ala kava nefeʼmo, kagae afinaʼmo afole aisigekaeʼmo kahau huka ato, huʼna nunumuʼmo huʼna neʼatove.

2 Timoti 1:18 ပူးပေါင်းရင်းမြစ်များ

1 Kini 17:20

Maleʼnenoʼaeʼmo lokiya vaino nunumuʼmo hunoʼaeʼmo, O Ala kava neʼmo Gotiʼnimogae, huno, Ani kogu a kanomo yagaino neʼnateya a kanomo alopa kana yaʼmo amiteka mafaʼneʼamo amagiʼnapiye, huno nunumuʼmo huteno

Luki 1:72

Gotiʼa kotalakemo hu maleʼniya aote geʼamo laginago vayaʼaifeʼmo hunoʼaeʼmo, nahau huʼna lapategauve, huno hapa paiʼniya geeʼmo agesamo afino ho huteno ani kavaʼmo huʼniye.

Luki 8:3

Yovana anauʼamo agiʼamo Suyaʼa Heloti noʼafi yateʼmo neʼyagaiya vekamo aʼmo maige Susanaʼe magoʼe huʼa asole aʼne anagaʼmogiʼeʼmo moniʼe neʼyaʼeʼmo ha maeʼa amimale amimale huʼa uʼeʼa huʼnae.

Apa 18:19

Lagautegeʼapaeʼmo uʼa Efasasi taonifiʼmo avaʼyi huteʼa Poloʼa Pilisilaʼe Akuvilaʼeʼmo anatalenuno Yu vayaʼai mono nopiʼmo uno haino hapa paiʼnigeʼapaeʼmo Yu vayaʼeʼmo ani gemo huge afige huʼa maiʼnae.

Apa 18:21

Na agufa kavaʼmo Yulusalemu kotegamo afole aisifigeʼna uʼna hopa afinaʼmo maisuvafeʼmo ugesuve. Gotiʼa hauʼnisiyana halate atagineʼna eʼna lapakegauve, huno hapa paiteno apataleno Efasasi taonifatiʼmo sipifiʼmo uʼniye.

Apa 19:1

Apolosiʼa Kolitiyani taonifiʼmo maiʼnigenoʼaeʼmo Poloʼa folagapiʼmo haneʼniya aveleʼmo uteno uno Efasasi taonifiʼmo avaʼyi huteno Goti geʼamo neʼafiya vayaʼmo maiʼnageno apaketenoʼaeʼmo,

1 Kolitiyani 1:8

Agaemo atupa afinaʼmo he titapa maisayafeʼmo lokiya vaino lapateme lapateme neʼunoʼaeʼmo Ala kava netimo Yesu Kalaisiʼa agaiʼa afinaʼmo vaiʼmo afaʼa olapamigiye.

1 Kolitiyani 16:8

Mani Efasasi taonifiʼmo maite maite huliʼna neʼvisugenoʼaeʼmo Petikosi afinaʼmo afole aitesigeʼnaeʼmo ataleʼna uguve.

1 Kolitiyani 3:13

Kalaisi afinaʼmo afole aisigeʼapaeʼmo haiya kava huʼa noʼmo kiʼnisafigeno henagaʼamo afole yateʼmo alino afole aino ategaiye. Atamo lesiya afinaʼmo muki vayaʼai aliʼyaʼapimo alino apave ligiye. Atamoʼmo muki vayaʼai aliʼyaʼapimo amalageka hugiye. Alagepa aliʼyaʼmo aliʼnafi hosu aliʼyaʼmo aliʼnafi huno apamalageka hugiye.

2 Kolitiyani 9:1

Lapakaemo Yuta kotega maiʼnaya apaote vayaʼaina hapa maesaya ofalini monieʼmo avoʼmo kaesuva aliʼyaʼnimo ohaneʼniye.

Efasasi 2:4

Maiʼnonaʼmonanafa kagemi yaʼapiʼe vayaʼmogimo alopa kagemi yaʼapimo haneʼniya kava huno Gotiʼa hau huno neʼapateya kavaʼamo kagemi yaʼagana huno haneʼniya vekamoʼmo lagaefeʼmo hau ayamopafiʼmo hauʼniye.

1 Tesaloniyani 2:19

Ala kava netimo Yesu Kalaisiʼa eminesiya afinafeʼmo agava maiʼneta lavayagunagu huge lamogaga aige miyatimo alisunafeʼmo lamogaga aige nehuna kavaʼmo aepa vayaʼmo ina lagiye. Lapakaitapigemae.

1 Timoti 1:3

Nagaemo Masetoniya kotegamo visuvafeʼmo huʼnaeʼmo, Efasasi taonifiʼmo maiʼneka mago hosu gemo nehaya vayaʼaifeʼmo, alu gemo alita apaya oʼmaleyo, huka hapa paiyo.

2 Timoti 1:12

Ani aliʼyaʼmo neʼaluvaʼmofeʼmo mani kana yaʼmo aliʼna maiʼnovaʼmonanafa navagagemo alagi nosiye. Nagaemo naha maesiyafeʼmo ina lafeʼmo nagesamo afiʼna fatago huʼnofi huʼna ago ageʼna aeto huʼnove. Nagaemo ageteʼnaeʼmo amiʼnova yateʼmo afaʼa yagaino nateme nateme neʼviyanageno agaiʼa afinaʼmo afole aigiye, huʼna nagesamo afisuvafeʼmo alino nave liʼnigeʼna ago ageʼnove.

2 Timoti 1:16

Ala kava neʼmoʼa Onesifolasiʼe afamo anagaʼaʼeʼmo hau huno apateno. Onesifolasiʼa kalavusifiʼmo maiʼnova kavafeʼmo avagage osuʼnigeno Lomu taonifiʼmo eno avaʼyi huteno lusi kava huno kahauya huno nagetenoʼaeʼmo muki afinaʼmo naha maete naha maete huʼnigenoʼaeʼmo naipamoʼmo falu huʼniye.

2 Timoti 4:12

Nagaemo Tikikasiʼa aliʼna ateʼnogeno Efasasi taonifiʼmo uʼniye.

2 Timoti 4:8

Hemenimo fatago vayaʼmogi alisaya agufa hetamaʼnimo nateʼniyanageʼna aliguve. Ala kava neʼmoʼa agoti gemo alino kanale huno alino fako huno neʼapateya vekamo afole aisiya afinaʼmo namigiye. Nagaiʼnigeʼmo oʼaliguvaʼmonanafa muki vayaʼmo eminesiyafeʼmo hapauʼnisiya vayaʼamogiʼeʼmo aligune.

Himulu 6:10

Lapakaemo aliʼyaʼmo alige Gotifeʼmo lapau lapayamopafiʼmo lapauʼnigeta aliʼyaʼamo alige nehutapa apaote vayaʼamo hapa maeʼnayanageta hapa neʼmae. Gotiʼa hosu kavaʼmo huno alino fako huno noʼapateyaʼmofeʼmo alagepa kavatapieʼmo alagi age okanigiye.

1 Pita 1:10

Akeyaʼvilaga vayaʼmogimo Gotitegati gemo alini eʼa aeʼa hakalo huʼa hapa paiʼnaya vayaʼmogi ani lapakufamo alino katino lapatesiya kavatefeʼmo apayamukiki huʼa lusi kava huʼa kahauya huʼnae. Apakaemo apaune gemo huʼapaeʼmo, Gotiʼa fikumo lapa maeno lapamigiye, huʼa huʼnae.

Leveleseni 2:1

Kagaemo Efasasi taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo seveniʼa kanefiʼmo lamaga nayapiʼmo aliʼneʼna seveniʼa goli yafatetiʼmo alo huʼnaya hiʼyalamuteʼmo lamumo maleʼnaya hiʼyalamuʼmo folagapiʼmo umenitata nehuva vekamoʼnamo lapa nepauve.