2 Timoti 1:15 - The Keyagana NT and 25 OT books

¹⁵ Ago afiʼnanana muki Esiya kotega vayanagi Esiya vekalaʼmo Fiselasiʼagi Hemosenisiʼagi huʼa ago nataleʼnae.

2 Timoti 1:15 ပူးပေါင်းရင်းမြစ်များ

Apa 16:6

Apakaemo Filisiya kotegaʼe Galesiya kotegaʼeʼmo umenitata huʼa maiʼnagenoʼaeʼmo Goti Aunemeʼamoʼmo Esiya kotegamo uʼa Goti geʼamo aeʼa hakalo huʼa hapa opaisayafeʼmo ka akanino apateʼniye.

Apa 19:10

Agaemo lole kafugamo maiʼneno ani kavaʼmo hume hume neʼvigeʼapaeʼmo muki Esiya kotega vayapatiʼmo Yu vayaʼe alu nofi vayaʼmogiʼeʼmo Ala kava neʼmo geʼamo afiʼnae.

Apa 19:27

Vayaʼmogi henagaʼamo lagaemo neʼaluna aliʼyafeʼmo, Hosu aliʼyaʼmo neʼaliye, huʼa hugae. Aliʼyatieʼmo huʼa faipa huʼa atege hogote gotitimoʼae huta nehuna aʼmo mono nofeʼmo huʼa faipa huʼa atege huteʼa agiʼaleʼmo aliʼa afepi ategae. Esiya vayaʼe muki ma mopafi vayaʼmogiʼeʼmo gotitimoʼae huta nehuna afeʼmo mono nehae, huno hapa paiʼniye.

Apa 19:31

Mago Polo ao vayaʼmogi ani koteʼmo yagaiʼa neʼapataya vayaʼmogimo huʼapaeʼmo, aliʼa anupa huʼa neʼmaiya yategamo oʼuvo, huʼa huʼnaya gemo huʼa atalageno Polotegamo uʼniye.

Apa 2:9

Lagaemo Patiya vayaʼmo eta maige Mitiya vayaʼmo eta maige Elami vayaʼmo eta maige Mesopotemiya vayaʼmo eta maige Yutiya vayaʼmo eta maige Kapanosiya vayaʼmo eta maige Ponitasi vayaʼmo eta maige Esiya vayaʼmo eta maige

Apa 20:16

Poloʼa hunoʼaeʼmo, Efasasi taonimo aeta agaseta Yulusalemu taonifi Petikosi afinaʼmo uta avaʼyi hisunafeʼmo malage huta ugune, huno agesamo afiʼniye. Yu vayaʼai hopa afinaʼmo agiʼamo Petikosi afinane.

1 Kolitiyani 16:19

Mani Esiya kote siosiʼale siosiʼaleʼmo maiʼnaya vayaʼmogimo ge lapamamaeʼnae. Akuvilaʼe Pilisilaʼeʼmo noʼanifiʼmo aliʼa anupa huʼa mono nehaya siosi vayaʼmogiʼeʼmo magoʼe huʼa ge lapamamaeʼnae.

Filipai 2:21

Muki vayaʼmogi Kalaisi Yesu aliʼyafeʼmo apakesamo oʼafiʼa apakaiʼapi aliʼyafekeʼmo apakesamo neʼafiye.

2 Timoti 4:16

Lomu gamani vayaʼmogimo hogote afinaʼmo agotimo huʼa nateʼnageʼnaeʼmo naha maesiya gemo huʼnogenoʼaeʼmo mago vekamoʼmo eno naha oʼmaeʼnifa muki vayaʼamo ago nataleʼa uʼnae. Inagi Gotiʼa hosu kavaʼapimo anonaʼapilefeʼmo oʼapamisiyafeʼmo nahauʼniye.