2 Timoti 1:13 - The Keyagana NT and 25 OT books

¹³ Kagaemo aliʼna kaya maleʼnogeka afiʼnana geleʼmo atafauka alagi huvo. Ani gemoʼa kaita haugekana huno ohaneʼneno vayaʼmo alino hapageno neʼapateya gemo akame hisana kavaʼmo auneʼamo aliʼna kave liʼnove. Kalaisi Yesupiʼmo maiʼnekaeʼmo kagesamo afika fatago nehukaeʼmo kahau kayamopafiʼmo kahauʼninageka ani geleʼmo atafauka alagi huvo.

2 Timoti 1:13 ပူးပေါင်းရင်းမြစ်များ

Mai'naya kavane 23:23

Lama gemo miya faitekaeʼmo halate miya faisayafeʼmo maketimo osuvo. Ani kavaʼmo huka afiteka agesana yaʼmo alige aliʼna kaya malesuva gemo afige afika aeto hisana gemo alige huteka oʼatalo.

Mai'naya kavane 3:18

Ani a kanomo vayaʼmogi atafauʼa anu nekiya vayaʼmo alagepa huʼa afaʼa maisaya yaʼmo alino neʼapamiya yosagana huno maiʼniye. Atafauteʼapaeʼmo noʼatalaya vayaʼmogimo apamogaga neʼaiye.

Mai'naya kavane 3:21

Mafaʼneʼnimogae, huʼna, afiteka ageʼnana kavateʼmo alagepa huka yagaiyo. Afiteka aliʼyaʼmo neʼalina kavakaleʼmo atafauka alagi huvo.

Mai'naya kavane 4:13

Alino kaya malesiya a kanomo atafauteka oʼatalo. Alagepa huka maisana kavaʼmo aepa a kanomo maiʼniyanagi yagaika ato.

Mai'naya kavane 8:14

Nagaemo geʼniletiʼmo alagepa huʼna aliʼna ho huʼna neʼapatove. Nagaemo afiteʼna ageʼnove. Nagaemo muki geʼamo afiʼnogeno lokiyaʼnimo haneʼniye.

Lomu 6:17

Hogoteno hosu kavaʼmoʼa yagaino lapateʼnigetapa kalavusi aliʼyaʼamo neʼaliya vayaʼmo maiʼnayaʼmonanafa Gotiʼa lapavalelino eno geʼamo aiyafiʼmo lapateʼnigetapa lapaipafatiʼmo geʼamo akame nehayaʼmofeʼmo Gotifeʼmo hao ke hegetao.

Filipai 1:27

Lapakaemo magoke kavaʼmo hutapa Kalaisifeʼmo alagepa faigoko geʼamo akame hutetapa alagepa kavaʼmo hutapa maiyo. Maiʼnisageʼnaeʼmo lapakaetegamo uʼna lapakesufi olapakesufigeʼa mago vayaʼmogimo, oʼataleʼa magoke apaipa apakesamo aliteʼa Kalaisifeʼmo alagepa faigoko geʼalefeʼmo magokepi lokaeʼa maiʼneʼa kamemo nehae, huʼa lapava gemo huʼa naha paisageʼna afiguve.

Filipai 4:9

Nagaemo aliʼna lapaya maleʼnogetapa alita lapaipafiʼmo maleʼnaya gemo akame hiyo. Nava gemo afiteta nehuva kavaʼmo ago nageʼnayanagi nakame higenoʼao Gotiʼa laipamo alino falu nehiya kavaʼmo aepa vekamoʼa lapakaeʼeʼmo magokepi lokaeno maino.

1 Tesaloniyani 5:21

Osutapa muki kavaʼe geʼeʼmo alita fako hutapa agege afige hutetapa alagepa kavaʼe alagepa geʼeʼmo atafauta lapaipafiʼmo maleyo.

1 Timoti 1:10

Kumai kavaʼmo nehaya vayaʼaitefenagi vemogi ve apafalugi neʼaliya vayaʼaitefenagi vayaʼmo kumayaʼmo neʼapavalaya vayaʼaitefenagi aigofe gemo nehaya vayaʼaitefenagi apagoʼyamo ataleteʼa aigofe gemo nehaya vayaʼaitefenagi huno hu maleʼniye. Inagi mani hosu kavatefenagi muki alu hosu kava alu hosu kavatefenagi huno hu maleʼniye. Kaitaʼmo haugekana gemo ohaneʼneno vayaʼmo alino hapageno neʼapateya geʼamo ago amagiʼa neʼatalaya kavateʼefeʼmo hu maleʼniye.

1 Timoti 1:14

Ala kava netimoʼa lusi kava huno fikumo naha maeno namiʼnigeʼna Kalaisi Yesupiʼmo maiʼneʼnaeʼmo nagesamo afiʼna fatago nehuʼnaeʼmo nahau nayamopafiʼmo nahauʼniye.

1 Timoti 6:3

Ala kava netimo Yesu Kalaisi geʼamo alagepa gemo haneʼniyaʼmofeʼmo kaitaʼmo haugekana huno ohaneʼneno vayaʼmo alino alagepa huno neʼapateya gemo haneʼniye. Mago vekamoʼmo ani gelefeʼmo hunoʼaeʼmo, he, huno osuge Gotifeʼmo mono nehaya kavaʼmo alino afole aino neʼateya gemo oʼafige hutenoʼaeʼmo alu gemo alino apaya neʼmalesiyaʼmoʼmo

2 Timoti 1:1

Gotiʼa hunoʼaeʼmo, Kalaisi Yesupiʼmo maige maige huʼa maisaya yaʼmo apamiguve, huno huʼniye. Mani gelefeʼmo, Yesu Kalaisi apa vekaʼamo maigane, huno naha paiʼnigeʼnaeʼmo nagaemo Poloʼnamo aliʼyaʼamo alisuvafeʼmo hauʼnigeno navaleno nateʼniye.

2 Timoti 1:14

Gotiʼa faigoko geʼaleʼmo yagaika atesanafeʼmo kamiʼniye. Ani faigoko geʼaleʼmo laipafiʼmo maiʼniya aote Aunemeʼamo himamuʼaletiʼmo yagaika ato.

2 Timoti 2:2

Nagaemo muki vayaʼaifeʼmo aeʼna hakalo huʼna hapa paiʼnogekaeʼmo apakaeʼeʼmo magokepi lokaeka maiʼnekaeʼmo kagaemo ago afiʼnane. Kagaemo ani afiʼnana gemo muki afinaʼmo alagepa huʼa aliʼyaʼmo neʼaliya vayaʼmogi ani geleʼmo yagaiʼa atesayafeʼmo alika apamigeʼapao aliʼneʼa magoʼe huʼa alu vayaʼmo aliʼa apaya maleyo.

2 Timoti 3:14

Humi apategaiyaʼmonanafa kagaemo alino kaya maleʼniya vekamo ago ageʼnanaʼmofeʼmo afiteka aliʼnana geleʼmo atafauka alagi huʼneka kagesamo afika fatago huʼnana kavateʼmo atafauka alagi hume hume uka maiyo.

2 Timoti 4:3

Henagaʼamo kaita haugekana huno ohaneʼneno vayaʼmo alino hapageno neʼapateya geeʼmo ohapaugiyaʼmofeʼmo ani agufa gemo alika apaya malo. Apakaiʼapi nehapaiya kavaʼmo akame huteʼa hapauʼniya gemo afisayafeʼmo aliʼa apaya neʼmalaya vayaʼmo apavaleliʼa ete ete hugae.

Taitasi 1:9

Apakaemo lama gemo aliʼa apaya maleʼnaya gemo afiteʼa atafauʼa alagi huʼa maiʼnisayana lokiya vaino neʼapateya geletiʼmo alagepa huʼa aliʼa apaya malege geʼapileʼmo huʼa aeʼa ati nekaya vayaʼai geʼapimo huʼa aeʼa agasege huʼa maigae.

Taitasi 2:1

Ani agufa hosu kavaʼmo hugayaʼmonanafa kagaemo lokiya gelefeʼmo magoʼe huka alika apaya malo.

Taitasi 2:8

Huʼa faipa huʼa oʼatesayafeʼmo alagepa lokiya gemo hapa paigeʼapao kame vayakamogi lagaefeʼmo hosu faigoko gemo osisageno apavagage hino.

Himulu 10:23

Ani kavaʼmo huguve, huno laha paiʼniya vekamoʼmo geʼamo amagino ataleteno alu gemo osugiyaʼmofeʼmo agava maiʼneta lavayagunagu nehuna kavatefeʼmo lole lagesamo oʼafita atafauta alagi huʼneta aeta hakalo higetao.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Himulu 4:14

Yesuʼa Goti Mafaʼneʼamo hogote ala vekatimo mono huno nelateya vekamo maiʼnenoʼaeʼmo uno haino kokuʼnaʼmo aeno agaseno Gotitegamo uno haino maiʼniyaʼmofeʼmo lagesamo afita fatago huteta aeta hakalo huta hapa nepauna geleʼmo atafauta alagi huta maigetao.

Yuti 1:3

Neʼnahaiya vayaʼnimogitapae, huʼna, Gotiʼa lagaeʼe lapakaeʼeʼmo lagufamo alino katino lateʼniya kavafeʼmo avoʼmo kaegauve, huteʼna lusi kavaʼmo huʼna nagesamo afiteʼnaeʼmo hogoteʼna avoʼmo kaesuva kavaʼmo afole aiʼniye. Lagesamo afita fatago nehuna gelefeʼmo kamemo hutapa ha maesayafeʼmo mani gemo avoʼmo kaeʼna lapaipamo aliʼna lokiya vaiʼna lapatesuvafeʼmo huve. Gotiʼa mani gelefeʼmo lagesamo afita fatago nehuna gemo muki afinafeʼmo magoke afinaʼmo agaemo laote vayaʼamo lamiʼniye.

Leveleseni 2:25

afiʼnaya gelekeʼmo atafauta alagi huta maime maime neʼvigeʼna emineno.

Leveleseni 3:11

Aise afinaʼmo utesigeʼna emiʼnegauve. Aeʼa neʼapakasaya vayaʼmogi neʼaliya agufa kakolitatapimo aligae. Fiku yanageʼa mago alu vayaʼmogimo lapakaemo alisaya kakolitatapimo aligayanagi aliʼnaya yateʼmo atafauta alagi hutapa maiyo.

Leveleseni 3:3

Haino metaleʼniyaʼmofeʼmo afitetapa aliʼnaya geeʼmo lapake okanitapa kanale huta akame hutetapa lapaipamo alita afe leyo. Lapaupatiʼmo he otiʼnisageʼnaeʼmo kumayaʼmo neʼaliya vekamo neʼeya kava huʼna fiku kesi katetiʼmo esugetapaeʼmo hainu afinaʼmo esufigetapa oʼnagegae.