2 Timoti 1:12 - The Keyagana NT and 25 OT books

¹² Ani aliʼyaʼmo neʼaluvaʼmofeʼmo mani kana yaʼmo aliʼna maiʼnovaʼmonanafa navagagemo alagi nosiye. Nagaemo naha maesiyafeʼmo ina lafeʼmo nagesamo afiʼna fatago huʼnofi huʼna ago ageʼna aeto huʼnove. Nagaemo ageteʼnaeʼmo amiʼnova yateʼmo afaʼa yagaino nateme nateme neʼviyanageno agaiʼa afinaʼmo afole aigiye, huʼna nagesamo afisuvafeʼmo alino nave liʼnigeʼna ago ageʼnove.

2 Timoti 1:12 ပူးပေါင်းရင်းမြစ်များ

Samu 25:2

O Gotiʼnimogae, huʼna, aliʼna amufa kamiʼnovaʼmofeʼmo fiku yanageʼa kame vayaʼnimogimo aeʼa nagasesageno navagage hugiyanagi oʼnatalo.

Samu 31:5

Nagaemo nauneʼnameʼmo aliʼna kayapiʼmo kamiʼnove. O Ala kava neʼmo lama geʼageʼmo nehana Gotiʼnimogae, huʼna, Miya faika nateteka navalelika uʼnane.

Samu 56:9

Nagaemo kagaefeʼmo keya aeʼna ge hisuva afinaʼmo kame vayaʼnimo apaune hegae. Gotiʼa nagae aupaligamo maiʼniye, huʼna ago afiʼnove.

Samu 9:10

O Ala kava nene, huʼna, Hapa maesanafeʼmo kagaetegamo neʼaya vayaʼmo apataleka oʼuganaʼmofeʼmo kagikamo afiʼa alagepa huʼa afiʼnaya vayaʼmogimo kagaefekeʼmo aliʼa amufa nekamiye.

Aiyeya 12:2

Afiyo, huʼa, Gotiʼa nagufamo alino katino neʼnateya vekamo maiʼniye. Ala kava neʼmoʼa mago agiʼamo Yamo nagaemo lokiya vaiʼna neʼmauva kavaʼmo nehiyanageʼna agiʼaleʼmo aliʼna asaga hisuva yokemo huguvaʼmofeʼmo nagaemo agaefekeʼmo aliʼna amufa amiʼnaeʼmo koli osuguve. Agaemo nagufamo alino katino neʼnateya vekamo hamaleʼniye.

Aiyeya 50:7

Ala kava neʼmo Gotiʼa maigiyaʼmofeʼmo aeʼa oʼnagasesageno ala nagiʼnimo afaʼa hanegaiye. Hanegaiyaʼmofeʼmo naipamo aliʼna lokiya vaiʼna ateʼnove. Ago afiʼnovana navagage osugiye.

Aiyeya 54:4

Kagaemo magoʼe huno kavagage osugiyaʼmofeʼmo koli osuvo. Apakaemo vayaʼmogimo kagaefeʼmo magoʼe huʼa huʼa faipa osuge kavagage yaʼmo okamige hugae. Haʼao, kagaemo a mafaʼnemo maiʼnekaeʼmo Isipi kotegamo kalavusi aliʼyaʼmo aliʼnana kavagage kavafeʼmo alagi kagekanika ataleteka maigane. Ina kava huka a kanomo anauʼamoʼmo ataleno uʼniya akanogana huka maige kogu akanogana huka kagaikageʼmo maige huʼnana afinafeʼmo kagekanisigeno magoʼe huno kavagage osugiye.

Neyomi 1:7

Ala kava neʼmoʼa alagi alagepa vekamo maiʼniye. Agaemo vayaʼamo kana yaʼmo neʼaliya afinaʼmo fala nekiya koʼapigana huno maiʼneno alagepa huno yagaino neʼapate. Agaefeʼmo aliʼa amufa neʼamiya vayaʼaifeʼmo, Vayaʼnimo maiʼnae, huno apakeʼniye.

Matiyu 24:36

Hainu afinaʼmofi na kanaleʼmofi huʼa muki vayaʼamogimo alagi oʼafiʼnae. Kokuʼnapi enisole vayaʼmogiʼe Mafaʼneʼamoʼeʼmo alagi oʼafiʼnayaʼmonanafa muki yaʼmo Afoʼamokeʼmo afiʼniye.

Matiyu 7:22

Ani alopa afinaʼmo afole neʼaisigeʼapaeʼmo asole vayaʼmogimo nagaefeʼmo, Ala kava nene, Ala kava nene, huʼa, kagikaletiʼmo Goti geʼamo aeta hakalo huta hapa opaiʼnopiye. Kagikaletiʼmo vayaʼai apaipafatiʼmo sigisiʼa hosu apaune vayaʼmo alita hapa faita oʼapataleʼnopiye. Kagikaletiʼmo asole noʼagaya aune kavaʼmo osuʼnopiye, huʼa naha paisageʼnaeʼmo,

Luki 10:12

Lapa nepauve, huno, Gotiʼa agoti huno apatesiya afinaʼmo Sotomi taonifiʼmo maiʼnaya vayaʼmogimo mago hosu yaʼmo aligayaʼmonanafa mani taonifiʼmo maiʼnaya vayaʼmogi magoʼe huʼa hosu yaʼmo aligae.

Luki 23:46

Yesuʼa alopa gefatiʼmo hunoʼaeʼmo, afoʼnimogae, huno, nauneʼnameʼmo kayapiʼmo kamuve, huno huteno faliʼniye.

Yoni 17:15

Nagaemo huʼnaeʼmo, ma mopafatiʼmo apavalelika uka haiyo, huʼna ge nosufa hosu vekamoʼmo apakaetegamo hosu kavaʼmo osisiyafeʼmo yagaika apato, huʼna nunumuʼmo huʼna neʼapatove.

Yoni 6:44

Magoke vekamoʼa agaiʼamo nagaetegamo afaʼa oʼmegaiyaʼmonanafa Afoʼnimoʼmo alino nateʼnigeʼna emiʼneʼnova vekamokeʼmo ayate heno avayu hulino esigenoʼaekeʼmo nagaetegamo egaiye. Nagaetegamo esigeʼnaeʼmo ma mopamo hano hisiya afinaʼmo aliʼna he tiʼna ategauve.

Apa 13:46

Poloʼe Manamasiʼeʼmo koli osuʼana lokiya gefatiʼmo hapa paiʼanaeʼmo, laʼagaemo Goti geʼamo hogotetaʼa lapa paisuʼa kavaʼmo haneʼniyaʼmonanafa Goti gelefeʼmo lapakameʼyamo amitetapaeʼmo ani kavaʼmo hutapa lapakaitapimo agoti hutapa lapatetetapaeʼmo, maige maige huta maisuna yaʼmo alisuna agufa kava huta oʼmaiʼnone, hutapa nehayaʼmofeʼmo lapataletutaʼa alu nofi vayaʼaifeʼmo hapa paiguʼae.

Apa 13:50

Yu vayaʼmo ala apaki vayaʼe mono nehaya aʼnemo apaki haneʼniya aʼnemogiʼeʼmo apakesa faiʼapaeʼmo, anamagigune, huʼa huteʼa aliʼa hana faitalaʼageʼana uʼnaʼae.

Apa 21:13

Poloʼa getileʼmo aeno atagaina huno laha painoʼaeʼmo, na agufa kavaʼmo higetapaeʼmo nagaefeʼmo aviʼyaʼmo hutetapa naipamoʼmo kana hisiya yaʼmo alita neʼnamiye. Yulusalemu taonifiʼmo nofi kiʼa natesayafekeʼmo alo huʼna oʼmaiʼnofa Ala kava neʼmo Yesu agiʼalefeʼmo falisuvafeʼmo alo huʼna maiʼnove, huno laha paiʼniye.

Apa 7:59

Apakaemo yafa kayotetiʼmo Sitiveniʼa neʼamagigenoʼaeʼmo Ala kava nefeʼmo hunoʼaeʼmo, Ala kava neʼmo Yesuo, huno, nauneʼnameʼaleʼmo aliyo, huno ha paiʼniye.

Apa 9:16

Nagiʼnilefeʼmo agafu kisiya kavaʼmo aliʼna ave lisugeno aliʼyaʼnimo aligiye, huno ha paiʼniye.

Lomu 1:16

Na kava higeʼnaene. Kalaisifeʼmo alagepa faigoko geʼalefeʼmo navagage osuʼnigeʼna namogaga neʼauvaʼmofeʼmae. Gotiʼa ani gemo himamuʼaletiʼmo apakesamo afiʼa fatago nehaya vayaʼai apakufamo alino katino neʼapate. Hogoteno Yu nofi vayaʼaitegamo afole aitenoʼaeʼmo henagaʼamo alu nofi vayaʼaitegamo afole aiʼniye.

Lomu 9:33

Goti mukufi gemoʼa hunoʼaeʼmo, Afiyo, huno, nagaemo Saiyoni taonifiʼmo noʼmo faiʼna atesuva yafaʼmo malegauve. Maleʼnisugeʼapaeʼmo apaiyamo faiʼa lo aeteʼa asagauʼa aigayaʼmonanafa ina lagimo agaefeʼmo apakesamo afiʼa fatago nehisafigeʼa apavagage osuge hapai vaiʼa oʼatege hugae, huno huʼniye.

1 Kolitiyani 1:8

Agaemo atupa afinaʼmo he titapa maisayafeʼmo lokiya vaino lapateme lapateme neʼunoʼaeʼmo Ala kava netimo Yesu Kalaisiʼa agaiʼa afinaʼmo vaiʼmo afaʼa olapamigiye.

1 Kolitiyani 3:13

Kalaisi afinaʼmo afole aisigeʼapaeʼmo haiya kava huʼa noʼmo kiʼnisafigeno henagaʼamo afole yateʼmo alino afole aino ategaiye. Atamo lesiya afinaʼmo muki vayaʼai aliʼyaʼapimo alino apave ligiye. Atamoʼmo muki vayaʼai aliʼyaʼapimo amalageka hugiye. Alagepa aliʼyaʼmo aliʼnafi hosu aliʼyaʼmo aliʼnafi huno apamalageka hugiye.

Filipai 1:20

Hosu kavaʼmo huteʼna navagage hisiya kavafeʼmo alagi noʼnahaiye. Alagepa kavaʼmo huguve, huʼna naipamo kaliteʼna navayagunagu huʼna agava neʼmauve. Hogoteʼna Kalaisi agiʼaleʼmo muki afinaʼmo aliʼna asaga huʼnovanageʼna falisufi afaʼa maisufigeʼna hemeniʼeʼmo ani kavaʼmo huʼna aiseʼamo koli osuʼnovanageʼna agiʼaleʼmo aliʼna asaga hugesuve.

Filipai 3:10

Nagaemo Kalaisina ageʼna alagepa huʼna agesuvafeʼmo neʼnahaiye. Faliʼniyatetiʼmo he tiʼniya himamuʼamoʼa naipafiʼmo aliʼyaʼmo alisigeʼna agegesuve. Kana yaʼmo aliʼniya kavatefeʼmo magoke agufa kava huʼna kana yaʼmo alisuvafeʼmo neʼnahaiye. Faliʼniyanageʼna atafa naipamo hano hisiyafeʼmo faliteʼna agaekana huʼna maigesuve.

Filipai 3:21

Agaemo ayamufaʼaletiʼmo muki yaʼe vayaʼeʼmo alino aiyafiʼmo apateteno yagaino apatesiya ayamufaʼaletiʼmo hosu lagufamo lokiya oʼvaino nekasaliya lagufamo agaiʼa agufagana agufa lagufamo ha le konali lagufamo alino hamaleno lategaiye.

Filipai 3:8

Ataleʼnovanageʼna hemenimo huʼnaeʼmo, hogote yaʼmo aeno agaseʼniya yaʼmo Ala kava neʼnimo Kalaisi Yesuʼa ageʼna alagepa huʼna agesuvafeʼmo muki yaʼnimo ago ataleʼnove. Hosuʼniya neʼyaʼmo alini uʼa neʼatalaya neʼyakana huno haneʼniye, huʼna huteʼna Kalaisiʼa alisuvafeʼmo aliʼna yaga auʼna ataleʼnove.

1 Tesaloniyani 2:16

Lagaemo Yu nofi vayapatiʼmo oʼmaiʼnaya vayaʼaifeʼmo ge hisunageno Gotiʼa apakufamo alino katino apatesiya kaʼmo aliʼa akani maleʼnae. Muki afinaʼmo ani kavaʼmo nehagenoʼaeʼmo hosu kavaʼapimoʼmo lusi kava huno havai teʼniye. Gotiʼa apakava maiʼniyaʼmonanafa hemenimo lusi kava huno aipamo leno apateteno kayoʼmo apamiʼniye.

1 Tesaloniyani 5:4

Konagatimogitapae, huta, faiʼa kasalo opaegayaʼmonanafa kumaya vayaʼmo neʼageʼapaeʼmo hapau neʼaiya kava hutapa lapakaemo hanipiʼmo oʼmaiʼnayaʼmofeʼmo ani afinaʼmo lapakaetegamo afole aisigetapaeʼmo lapau oʼaigae.

1 Timoti 6:20

Timotiyo, huʼna, Gotiʼa yagaika atesanafeʼmo alagepa faigoko geʼamo kamiʼniya geʼaleʼmo alagepa huka yagaika ato. Mago vayaʼmogimo Gotifeʼmo mono osuʼa afa geletiʼmo Goti geʼaleʼmo huʼa aeʼa ati nekae. Mani geeʼmo ageteʼa afiʼnaya gemae, huʼa nehayaʼmonanafa aigofe geʼapimo haneʼniye.

2 Timoti 1:14

Gotiʼa faigoko geʼaleʼmo yagaika atesanafeʼmo kamiʼniye. Ani faigoko geʼaleʼmo laipafiʼmo maiʼniya aote Aunemeʼamo himamuʼaletiʼmo yagaika ato.

2 Timoti 1:16

Ala kava neʼmoʼa Onesifolasiʼe afamo anagaʼaʼeʼmo hau huno apateno. Onesifolasiʼa kalavusifiʼmo maiʼnova kavafeʼmo avagage osuʼnigeno Lomu taonifiʼmo eno avaʼyi huteno lusi kava huno kahauya huno nagetenoʼaeʼmo muki afinaʼmo naha maete naha maete huʼnigenoʼaeʼmo naipamoʼmo falu huʼniye.

2 Timoti 1:18

Efasasi taonifiʼmo maiʼnogenoʼaeʼmo muki afinaʼaeʼmo naha maeʼniya kavaʼmo ago ageʼnane. Nagaemo Ala kava nefeʼmo, kagae afinaʼmo afole aisigekaeʼmo kahau huka ato, huʼna nunumuʼmo huʼna neʼatove.

2 Timoti 1:8

Lamiʼniyaʼmofeʼmo Ala kava netimo faigoko geʼamo aeka hakalo huka hapa paisanafeʼmo kavagage osinageka Kalaisi agiʼalefeʼmo kalavusifiʼmo maiʼnova vekaeʼmo kavagage osino. Kavagagemo osinageka faigoko gelefeʼmo hanageke yaʼmo alisayafeʼmo Goti himamuʼaletiʼmo kana yaʼmo aliyo. Nagaemo kana yaʼmo aliʼnova kava huka kana yaʼmo aligetaʼao.

2 Timoti 2:9

Mani Goti gelefeʼmo huʼapaeʼmo, hosu kavaʼmo nehiya vekamo maiʼniye, huʼa huteʼa nofi kiʼa nateʼnayaʼmonanafa Goti geʼamo aino atagu ofaesiyafeʼmo nofi kiʼa oʼateʼnae.

2 Timoti 4:8

Hemenimo fatago vayaʼmogi alisaya agufa hetamaʼnimo nateʼniyanageʼna aliguve. Ala kava neʼmoʼa agoti gemo alino kanale huno alino fako huno neʼapateya vekamo afole aisiya afinaʼmo namigiye. Nagaiʼnigeʼmo oʼaliguvaʼmonanafa muki vayaʼmo eminesiyafeʼmo hapauʼnisiya vayaʼamogiʼeʼmo aligune.

Taitasi 3:8

Mani nehuna gemo lama gemo haneʼniyaʼmofeʼmo ani kavafeʼmo lokiya gemo huka hapa paisanafeʼmo nahauʼniye. Hapa paigeʼapao Gotifeʼmo apakesamo afiʼa fatago huʼnaya vayaʼmogimo apayamukiki huʼa alagepa kavaʼmo hiyo. Ani kavaʼmo alagepa kavaʼmo haneʼneno vayaʼaina hapa neʼmaeya kavaʼmo haneʼniye.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

Himulu 2:18

Amalageka huʼnigeno agafu kiʼniyaʼmofeʼmo apamalageka nehiya vayaʼmo afaʼa hapa maegaiye.

Himulu 7:25

Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.

1 Pita 4:16

Aligayaʼmonanafa Kalisitini vayaʼmo maiʼnayaʼmofeʼmo kana yaʼmo alisayana lapavagage osutapa ani kavatefeʼmo Goti agiʼaleʼmo alita asaga hiyo.

1 Pita 4:19

Inagi Gotiʼa hauʼniyanageno, kana yaʼmo aligae, huno nehisaya vayaʼmo alagepa kavaʼmo huteʼa Gotiʼa lapakupi mafaʼneleʼmo yagaino apatesiyafeʼmo alita ayapiʼmo maleyo. Agaemo muki yaʼamo alo hu maleʼniya vekamo huguve, huno hu maleʼniya geʼamo alagi akame nehiya vekamo maiʼniyaʼmofeʼmo lapakupi mafaʼnemo alita ayapiʼmo maleyo.

Yuti 1:24

Laha neʼmaeya Gotiʼa agaiʼageʼmo ageteno afiʼniya vekamo agiʼaleʼmo alita asaga huta ategetao. Agaemo alagi asagauta oʼaisayafeʼmo lapatafauno maigiye. Ha le konali vekamo aulagaleʼmo afaʼa lapavalelino esigenoʼaeʼmo vaiʼmo olapamisigetapa lusi kava hutapa lapamogaga aita maigae.