2 Timoti 1:10 - The Keyagana NT and 25 OT books

¹⁰ Akeyaʼvilagamo lamiʼniyaʼmonanafa Yesu Kalaisiʼa lagufamo alino katino lateteno lahau neʼvaiya vekamo afole aiʼnigenoʼaeʼmo hemenimo ani kavaʼmo laulagaleʼmo ago afole aiʼnigeta ageʼnone. Agaemo nefaluna kavaʼmo lokiyaʼamo alino hano huno ataleteno agaiʼaeʼmo alagepa faigoko geʼaletiʼmo maige maige huʼa maisaya yaʼmo alino afole aino ateʼniye.

2 Timoti 1:10 ပူးပေါင်းရင်းမြစ်များ

Aiyeya 43:3

Nagaemo Ala kava neʼmo Gotiʼtapimoʼnamo Isaleli vayaʼmogi naote vekaʼapimoʼnamo apakufamo aliʼna katiʼna neʼapatova vekamo maiʼnovaʼmofeʼmo ani kavaʼmo lapakaetegamo afole oʼaigiye. Nagaemo miya faiʼna hatu maeʼna lapatesuvafeʼmo Isipi vayanagi Itiyopiya vayanagi Sima vayanagi huʼna miyatapilefeʼmo afaʼa apataleʼnove.

Aiyeya 45:15

O Isaleli vayaʼmogi Gotiʼapimogamo apakufamo alika katika neʼapatana Gotigae, huʼna, Lama gemo huʼnaeʼmo, Kagaikamo alika fala kika nekatane.

Aiyeya 45:21

Lapakaemo eta agotileʼmo getapimo aeta hakalo hiyo. Magokepiʼmo maiʼnetapaeʼmo ge huge afige hutapa maiyo. Ina laʼmo afole aisiya kavafeʼmo akeyavilagamo aeno hakalo huʼniye. Nagaiʼnigeʼmo aeʼna hakalo huʼna hapa paiʼnofiye. He, alu gotiʼmo oʼmaiʼniye. Nagaemo fatago kavaʼageʼmo nehuva Gotiʼnamo apakufamo aliʼna katiʼna neʼapatova Gotiʼnamo maiʼnove. Alu gotiʼa alagi oʼmaiʼniye.

Luki 11:36

Lapaipafiʼmo aeno ha leʼnisiyaʼmoʼmo magokayaga lahapaopaleʼmo hani yaʼmo ohanesigeno muki lapakufafilagamo aeno ha lesigeno lamumoʼmo lapakufaleʼmo aeno ha neleya kava huno aeno ha legaiye, huno hapa paiʼniye.

Luki 13:7

Agaemo yosa hoyaʼafiʼmo aliʼyaʼmo neʼaliya vekaeʼmo hunoʼaeʼmo, loleʼe magoʼe kafugamo eʼna agege agege huʼnovana alagamo oʼaeʼnigeʼna ageʼnove. Lanitani mopamo ago leno hau huʼnigenoʼaeʼmo alagamo noʼaeyanagi heʼya aika atalo, huno ha paiʼnigenoʼaeʼmo,

Luki 2:11

Ani afinaʼmo Nevini taonifiʼmo mago a kanomoʼmo apakufamo alino katino apatesiya mafaʼnemo alino ateʼniye. Ani mafaʼnemo Kalaisi vekamo Ala kava neʼmo maiʼniye.

Yoni 1:9

Ani vekamo alagi lama ge alagepa ha le vekamoʼmo muki vayaʼmo ma mopafiʼmo afole neʼaiya vayaʼmo ha le yaʼmo alino neʼapamiye.

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Yoni 20:31

Lapakesamo afita fatago hutetapaeʼmo, Yesuʼa Kalaisi vekamo Goti Mafaʼneʼamo maiʼniye, hutetapa maiʼnetapaeʼmo agiʼaletiʼmo alagepa hutapa maige maige hutapa maisayafeʼmo mani gemo huʼna avoʼmo kae maleʼnove.

Yoni 4:42

Apakaemo a kanoeʼmo huʼapaeʼmo, kagaemo laha paiʼnana geletikeʼmo lagesa afita fatago osuʼnonaʼmonanafa agaiʼa avayafatiʼmo laha paiʼniya gemo afitetaeʼmo lagesamo afita fatago nehune. Ma mopafi vayaʼai apakufamo alino katino apateteno hapau neʼvaiya vekamae, huta lagesamo afita fatago nehune, huʼa ha paiʼnae.

Yoni 5:40

Huʼniyaʼmonanafa maige maige hutapa maisaya yaʼmo alisayafeʼmo nagaetegamo esayafeʼmo alagi olapauʼniye.

Apa 13:23

Gotiʼa hogoteno hunoʼaeʼmo, Nevini aginago vayapatiʼmo lapa maesiya vekamo aliʼna afole aiʼna ategauve, huno huʼniya gelefeʼmo akame huno Yesuʼa Nevini aginagomo Isaleli vayaʼai apakufamo alino katino apatesiya vekamo alino afole aino ateʼniye.

Apa 5:31

Gotiʼa agaemo ala agiʼamo amiteno avalelino uno haino lamaga haopaleʼmo atetenoʼaeʼmo, hogote vekamo yagaino apatesiya vekamo maiʼneno apakufamo alino katino neʼapateya vekae, huno lekana paino ateʼniye. Agaemo Isaleli vayaʼmogita laipamo alita afe lesuna kavaʼmo lamige hosu kavatimo alino atalege haisiyafeʼmae.

Lomu 16:26

hemenimo Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya gemo alagepa faigoko geʼamo ha le yategamo ago afole aiʼniye. Maige maige huno neʼmaiya Gotiʼa, alita aeta hakalo hiyo, huno huʼnigeʼa muki nofi vayaʼmogi apakesamo afiʼa fatago hisaya gemo akame hisayafeʼmo aeʼa hakalo huʼa hapa paiʼnae.

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

Lomu 3:31

Inagi lagaemo apakesamo afiʼa fatago hisaya kavafeʼmo ava gemo nehutaeʼmo keʼaepa geʼamo aeta ati nekaopiye. Alagi atalegeno hano hino. Lagaemo keʼaepa geʼamo ha maeta alita he tita neʼatone.

Lomu 6:6

Ago afiʼnonana lagufafi hosu kavatimo lokiyaʼamo hano hisigeno hosu kavaʼmoʼa yagaino lateʼnisigeta aliʼyaʼamo magoʼe huta oʼalisunafeʼmo Gotiʼa atafa vekatimo Kalaisiʼeʼmo malipu yosaleʼmo nili aiʼnigeno faliʼniye.

1 Kolitiyani 15:26

Kame vayaʼamo alino hano huno apataleteno henaga kame kavaʼmo nefaluna kavaʼmo alino hano huno atalegaiye.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

2 Kolitiyani 5:4

Lagaemo seli notifiʼmo maiʼnetaeʼmo lusi kava huta kana yaʼmo aliʼneta kage kage nehune. Kukenatimo asagita atalesunafeʼmo lagesamo oʼafita saufa kukenamo alita akalo huta vaisunageno maige maige huta maisuna kavatimoʼmo falisuna kavaʼmo alino hano huno atalesiyafeʼmo lahauʼniye.

Galesiya 5:4

Lapakaemo hutapaeʼmo, keʼaepa gemo akame nehuna kavatetiʼmo Goti aulagaleʼmo fatago vayaʼmo maigune, hutapa hisayana Kalaisiʼa ataletapa Gotiʼa fikumo lapa maeno nelapamiya kavategamo oʼmaitapa malaga vayaʼmo maiʼnae.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Efasasi 1:9

Hauʼniya kavatefeʼmo ani kavaʼmo huguve, huno agesamo afiteno lokiya gemo hu maleʼniya kavaʼmo hogoteno alino fala ki maleʼniyaʼmonanafa hemenimo ago alino lave liʼniye.

2 Tesaloniyani 2:8

Ani afinaʼmo muki keʼaepa gemo amagino neʼataleya vekamoʼmo muki vayaʼai apaulagaleʼmo afole aisigenoʼaeʼmo Ala kava neʼmo alino alave nehisigeno emineno avamusa aisiya kayotetiʼmo alagi amagigiye.

2 Timoti 1:1

Gotiʼa hunoʼaeʼmo, Kalaisi Yesupiʼmo maige maige huʼa maisaya yaʼmo apamiguve, huno huʼniye. Mani gelefeʼmo, Yesu Kalaisi apa vekaʼamo maigane, huno naha paiʼnigeʼnaeʼmo nagaemo Poloʼnamo aliʼyaʼamo alisuvafeʼmo hauʼnigeno navaleno nateʼniye.

2 Timoti 1:8

Lamiʼniyaʼmofeʼmo Ala kava netimo faigoko geʼamo aeka hakalo huka hapa paisanafeʼmo kavagage osinageka Kalaisi agiʼalefeʼmo kalavusifiʼmo maiʼnova vekaeʼmo kavagage osino. Kavagagemo osinageka faigoko gelefeʼmo hanageke yaʼmo alisayafeʼmo Goti himamuʼaletiʼmo kana yaʼmo aliyo. Nagaemo kana yaʼmo aliʼnova kava huka kana yaʼmo aligetaʼao.

2 Timoti 4:1

Ala kava netimo Yesu Kalaisiʼa muki vayaʼai apaulagaleʼmo afole aiteno agoti huno apatetenoʼaeʼmo vayaʼamogitaleʼmo yagaino lategaiye. Nagaemo agae aulagaleʼe Goti aulagaleʼeʼmo huʼnaeʼmo,

2 Timoti 4:8

Hemenimo fatago vayaʼmogi alisaya agufa hetamaʼnimo nateʼniyanageʼna aliguve. Ala kava neʼmoʼa agoti gemo alino kanale huno alino fako huno neʼapateya vekamo afole aisiya afinaʼmo namigiye. Nagaiʼnigeʼmo oʼaliguvaʼmonanafa muki vayaʼmo eminesiyafeʼmo hapauʼnisiya vayaʼamogiʼeʼmo aligune.

Taitasi 2:11

Gotiʼa fikumo hapa maeno apamitenoʼaeʼmo vayaʼai apakufamo alino katino neʼapateya kavaʼamo muki vayaʼmo ago alino afole aino apave liʼniye.

Taitasi 2:13

Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.

Taitasi 3:4

Ani agufa kavaʼmo hume hume neʼonagenoʼaeʼmo lagufamo alino katino nelateya vekamo Gotiʼa alino ao yaʼmo huteno ma mopafi vayaʼaifeʼmo hau ayamopafiʼmo hauʼniya kavaʼamo laulagaleʼmo ago alino afole aino ateʼnigeta ageʼnone.

Himulu 10:32

Hogotetapa maiʼnaya kavafeʼmo lapakesamo afita ho hiyo. Gotiʼa ha le yaʼamoʼmo lapaipafiʼmo aeno ha leʼnigetapa ageʼnae. Agetetapaeʼmo lusi hanageke yaʼmo aliʼnetapaeʼmo oʼataleta lokiya vaitapa lapayamukiki huʼnae.

2 Pita 1:1

Nagaemo Saimoni Pitaʼnamo Yesu Kalaisi aliʼyaʼamo neʼaluva vekamo maiʼneʼna apa vekaʼamo maiʼnove. Gotiʼa lagufamo alino katino nelateya Gotitimoʼa Yesu Kalaisi fatago kavaʼaletiʼmo fikumo lapamaeno lapamiʼnigetapa lapakesamo afita fatago huʼnaya vayaʼamogitapaeʼmo mani gemo avoʼmo nekaove. Lapakesamo afita fatago nehaya kavatapimo alopa monileʼyaʼmo aeno agaseʼniya kavaʼe lagesamo afita fatago nehuna kavatiʼeʼmo magoke aiyaya kavaʼmo haneʼniye.

2 Pita 1:11

Gotiʼa ani kavatetiʼmo lusi kava huno lapa maeno lapamiteno kitamo yakino lapatesigetapa Ala kava netimo lagufamo alino katino nelateya vekatimo Yesu Kalaisiʼa yagaino apatesiya koteʼmo hanege hanege huno hanesiya koteʼmo uta haitapa maigae.

2 Pita 1:3

Gotiʼa yalagisa vekamoʼmo himamuʼaletiʼmo alagepa huta maiʼneta Gotifekeʼmo alagepa huta mono hisunafeʼmo muki yaʼamo fikumo laha maeno lamiʼniye. Lagaemo Gotiʼmo ageta alagepa huta ageʼnona kavatetiʼmo muki yaʼamo lamiʼnigeta aliʼnone. Ha le konali yaʼamo aliteta agaekana huta maisunafeʼmo lagaefeʼmo eyo, huno keya aeno ge huʼniye.

2 Pita 2:20

Apakaemo Ala kava neʼmoʼa apakufamo alino katino neʼapateya vekamo Yesu Kalaisiʼmo ageʼnaya kavatetiʼmo ma mopafi hosu oʼaniʼya kavategatiʼmo faiʼa kasalo paetaleʼa eʼnayanageno halate hosu kavaʼapimoʼmo nofi aegekana huno apatafauno apateʼneno aeno apakasesiyaʼmoʼmo aepa faiʼniya afinaʼmo hosu kava huʼa neʼmaiyaʼmonanafa atupa afinaʼapimo magoʼe huʼa alagi hosu kavaʼmo huʼa maigae.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

2 Pita 3:2

Lapakaemo akeyaʼvilaga apaote vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogi huʼnaya geʼe Ala kava neʼmo lagufamo alino katino nelateya vekamoʼmo apa vayaʼamogitaʼeʼmo hutaeʼmo, ani kavaʼmo hiyo, huta huʼnona getiʼeʼmo halate magoʼe hutapa lapakesamo afisayafeʼmo mani gemo avoʼmo nekaove.

1 Yoni 1:2

Mani vekamo afaʼa neʼmaiya yaʼmo aepa vekamo afole aiʼnigeta agetetaeʼmo agaefeʼmo faigoko geʼamo aeta hakalo huta lapa nepaune. Agaemo maige maige huʼa neʼmaiya yaʼmo afoʼamoʼmo Goti muki yaʼmo Afoʼamoʼeʼmo magokepi lokaeno maiʼneno lagaetegamo afole aiʼniya vekaeʼmo ava gemo huta lapa nepaune.

1 Yoni 4:14

Lagaemo Afotimoʼmo Mafaʼneʼamoʼmo muki ma mopafi vayaʼai apakufamo alino katino apatesiyafeʼmo alino ateʼnigeno emineʼniye, huta agetetaeʼmo aeta hakalo huta hapa nepaune.

Leveleseni 18:1

Hutegeʼnaeʼmo ageʼnovana mago alu enisole vekamo kokuʼnapatiʼmo emineʼnigeʼna ageʼnove. Lusi himamuʼamo aliʼnigeno ha le konali yaʼamoʼmo ma mopafiʼmo aeno ha leʼniye.

Leveleseni 2:7

Apakesamo haneʼnisiya vayaʼmogi Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afiyo. Nagaemo kamemo huʼa aeʼa neʼapakasaya vayaʼaifeʼmo, Afaʼa maisaya yaʼmo neʼapamiya yosa alagamo Goti hoyamo agiʼamo Palanaisi hoya folagapiʼmo haneʼniya yosa alagamo etapa afaʼa lagita neyo, huʼna hapa paiguve, huno naha paiʼniye.

Leveleseni 20:14

Gotiʼa nefaliya kavaʼe vayaʼmo faliʼnageno apakupi mafaʼneʼamo uno neʼmaiya kotegaʼeʼmo alino hano huno ataleʼniye. Ata kotupiʼmo maiʼnaya kavaʼmo agiʼamo napa tu afinaʼmo nefaliya kavaʼmae.

Leveleseni 22:14

Gotiʼa ani kavaʼmo hiyo, ina kavaʼmo osiyo, huno huʼniya gemo akame nehaya vayaʼmogimo Goti aulena vayaʼamogimo taoni lafi kate kipatetiʼmo uʼa haiʼa afaʼa neʼmaiya yaʼmo neʼapamiya yosa alagamo negae.

Leveleseni 22:17

Goti Aunemeʼamoʼe sipisipi vekaleʼmo maisiya a kanomoʼeʼmo, Neʼeyo, huʼana huʼnaʼae. Ani gemo afiʼnisaya vayaʼmogimo, neʼeyo, huʼa hiyo. Anifeʼmo lapauʼnisiya vayaʼmogimo neʼeyo, huʼa nehae. Hapauʼnisiya vayaʼmogimo afaʼa neʼmaiya yaʼmo neʼapamiya aniʼmo fikumo negae, huno hapa paiʼniye.