2 Sitoli 34:3 - The Keyagana NT and 25 OT books

³ Yosaiyaʼmo eitiʼa kafugamo neya kini vekamo maiʼnenoʼaeʼmo aginago kini vekamo Nevini Gotiʼamoʼmo agesiyafeʼmo aepa faino kahauya huʼniye. Agaemo tuolofuʼa kafugamo yagaino apatetenoʼaeʼmo Yuta haopalegaʼe Yulusalemu taonifiʼeʼmo yosaletiʼmo alo huʼnaya aune yatefenagi aeniletiʼmo alo huʼnaya aune yatefenagi haginaletiʼmo alo huʼnaya aune yatefenagi huʼa ave koteʼmo mono huʼnaya yaʼmo aepa faino alino ataleʼniye.

2 Sitoli 34:3 ပူးပေါင်းရင်းမြစ်များ

2 Sitoli 33:15

Agaemo alu nofi vayaʼmogi aigofe gotiʼapimogimo alino atalege ani agaiʼamo aigofe goti auneʼamo Ala kava neʼmo nopiʼmo maleʼniyatetiʼmo alino atalege huʼniye. Agaemo Ala kava neʼmo mono noʼmo haneʼniya aveleʼmo haneʼniya aigofe gotigi ofalini yafa hiʼyalamuʼmo alino naku paeno atalege Yulusalemu koteʼmo haneʼniya ofalini yafa hiʼyalamuʼmo alino naku paeno atalege huʼniye. Muki hosu yaʼmo taonifatiʼmo alininuno malagamo alagi yaga auno ataleʼniye.

2 Sitoli 33:17

Ani kavaʼmo huʼniyaʼmonanafa Yuta vayaʼmogimo magoʼe huʼa anaga haopaleʼmo haneʼniya hiʼyalamuteʼmo ofalinimo osuʼnae. Huʼnayaʼmonanafa Ala kava neʼmo Gotiʼapimotefekeʼmo ofalinimo huʼnae.

2 Sitoli 33:22

Agaemo Ala kava neʼmo aulagaleʼmo afoʼamoʼmo Manaseʼmo huʼniya agufa hosu kavaʼmo huʼniye. Emoniʼmo afoʼamoʼmo aigofe gotigi apauneʼamo alo huno maleʼniya yatefeʼmo mono huteno ofalinimo apamige aliʼyaʼapimo alige huʼniye.

2 Sitoli 34:33

Ani afinaʼmo muki Isaleli haopalegamo asole aigofe gotigi apauneʼamo afaʼageʼmo haneʼnigenoʼaeʼmo ani yafeʼmo Ala kava neʼmoʼa alagi ohauʼnigenoʼaeʼmo avenatuʼnaʼmo heno neʼatale. Kini vekamo Yosaiyaʼmo ani kavatetiʼmo muki ani hosu yaʼmo muki Isaleli vayaʼmo maiʼnaya kotegatiʼmo alino ataleteno muki Isaleli vayaʼmogimo Ala kava neʼmo Gotiʼapimoʼmo alagi akame hisayafeʼmo alino he tino apateʼniye. Kini vekamo muki maiʼniya afinaʼmo apakaemo Ala kava neʼmo apakinago vayaʼmogi Gotiʼapimoʼmo alagi oʼataleʼnae.

Samu 119:9

Haiya kava huno neya vekamoʼmo nehiya kavaʼamo afaʼa aeno kalo paeno atalegaiye. Agaemo gekamo alagepa huno afisiya kavatetikeʼmo afaʼa aeno kalo paeno atalegaiye.

Hatu maeno apate'niya gemae 34:13

Haʼao, lapakaemo ofalinimo nehaya hiʼyalamuʼapimo alitapa halagape vaitapa atalege posi yosagana huʼa yafaʼmo faiʼa ateʼneʼa mono nehaya yafaʼmo amagitapa nakupaetapa atalege yosaletiʼmo alo huʼnaya auneʼamo naipeletiʼmo vasagalitapa atalege hiyo.

Mai'naya kavane 20:11

Vayaʼmogimo kavaʼapimo ageteʼapaeʼmo alagepa vayaʼmo maiʼnae, huʼa apakege hosu vayaʼmo maiʼnae, huʼa apakege nehaya kava huʼa aise mafaʼne anagaʼeʼmo apakeʼnae.

Mai'naya kavane 8:17

Nagaefeʼmo hapau apamopafiʼmo nehapaiya vayaʼaifeʼmo nahau nayamopafiʼmo neʼnahaiye. Apaya mukiki huʼa kahauya nehisaya vayaʼmogi nagegae.

Maika 1:5

Yekopu nofi vayaʼmogimo Goti geʼamo amagiʼa ataleʼnayaʼmofeʼmo muki ani kavaʼmo afole aigiye. Isaleli nofi vayaʼmogimo hosu kavaʼmo huʼnayaʼmofeʼmo ani kavaʼmo afole aigiye. Yekopu nofi vayaʼmogimo Goti geʼamo amagiʼa ataleʼnaya kavaʼmo aepa vayaʼmo haiya vayane. Sameliya taonifiʼmo maiʼnaya vayane. Yuta nofi vayaʼmogimo aveleʼmo aigofe gotiʼapimogifeʼmo mono nehaya kavaʼmo aepa vayaʼmo haiya vayane. Yulusalemu taonifiʼmo maiʼnaya vayane.

Matiyu 6:33

Lapakaemo hogotetapa Gotiʼa yagaino neʼapateya vayapiʼmo haitapa maige fatago kavaʼamo alige hutapa maisayafeʼmo kahauya hiyo Gotiʼa muki yaʼmo ma mopafi maisaya yaʼmo magokepiʼmo lapamigiyaʼmofeʼmae.

2 Timoti 3:15

Kagaemo aise mafaʼnemo maiʼnana afinatetiʼmo Goti aote mukufiʼmo avoʼmo kae maleʼnaya gemo afime afime eka hemenimo maiʼnane. Gotiʼa ani geletiʼmo afiteka agesana kaipamo afaʼa kamiteka Kalaisi Yesufeʼmo kagesamo afika fatago nehana kavatetiʼmo kagufamo alino katino kateteno kahau vaigiye.