2 Sitoli 33:2 - The Keyagana NT and 25 OT books

² Yagaino apateʼniyaʼmonanafa Ala kava neʼmo aulagaleʼmo hosu kavaʼmo huʼniye. Alu nofi vayaʼmogi hogoteʼa ma mopafiʼmo maiʼneʼa hosu kavaʼmo huʼnageno Ala kava neʼmoʼa ohauʼnigeno avenatuʼnaʼmo heno atalegekana huno alino hapafaino apataleʼnigeʼa Isaleli vayaʼmo eʼa apakae apaimuʼyaleʼmo maiʼnae. Ani alu nofi vayaʼmogimo hosu kavaʼmo huʼnaya kava huno Manaseʼmo ani agufa hosu kavaʼmo huʼniye.

2 Sitoli 33:2 ပူးပေါင်းရင်းမြစ်များ

2 Sitoli 33:22

Agaemo Ala kava neʼmo aulagaleʼmo afoʼamoʼmo Manaseʼmo huʼniya agufa hosu kavaʼmo huʼniye. Emoniʼmo afoʼamoʼmo aigofe gotigi apauneʼamo alo huno maleʼniya yatefeʼmo mono huteno ofalinimo apamige aliʼyaʼapimo alige huʼniye.

2 Sitoli 36:14

Magoʼe huno hosu kavaʼamo afole aiʼniyana muki mono huʼa neʼapataya vayanagi muki vayatama vayanagi ve aʼnemogiʼenagi huʼa magoʼe magoʼe huʼa gemo amagiʼa ataleʼnae. Apakaemo muki malaga alu nofi alu nofi vayaʼmogimo alagi hosu atu aiʼniya kavaʼmo huʼa maiʼnaya agufa kava huʼa maiʼnae. Apakaemo Ala kava neʼmoʼa Yulusalemu taonifi mono noʼmo agaiʼalefeʼmo aote hu maleʼniya noʼamo aliʼa hosu huʼa ateʼnae.

Esala 9:14

Huʼnanaʼmofeʼmo fiku yanageta lagaemo halate keʼaepa gekamo amagita ataleteta alagi okahauʼnigeka kavenatuʼnaʼmo heka neʼatala kavaʼmo nehaya vayapatiʼmo aʼmafaʼneʼapimo alige aʼmafaʼnetimo apamige hugune. Ani kavaʼmo hisunana kagaemo kaipamo leka lateteka mukiʼamo alagi kamitimo lamagika hano huka latalesanageta lagaepatiʼmo magokeʼamo alagi oʼmaigune.