2 Sitoli 20:7 - The Keyagana NT and 25 OT books

⁷ Gotitimogamo oʼmaiʼnapiye, huno, kagaemo ago lageʼnane. Isaleli vayaʼmogita laginago vekamo Emalehamuʼmo kao vekamo mafaʼne anagaʼamo maiʼneta alagi kagaika vayakamo maiʼnone. Kagaemo akeyaʼvilagamo mani mopaleʼmo maiʼnaya vayaʼmo alika hapafaika apataleteka mani mopamo alika laginago vayaʼmo apamiʼnanageno muki afinaʼmo lagae mopamo haneʼnigeta

2 Sitoli 20:7 ပူးပေါင်းရင်းမြစ်များ

Aepa Gemae 12:7

Ala kava neʼmoʼa Emalemitegamo afole aiteno ina ge huno ha paiʼniye. Nagaemo mani mopamo aliʼna kaginago vayaʼmo apamiguve, huno ha paiʼnigeno Emalemiʼa agaetegamo afole aiʼniya Ala kava netefeʼmo ofalinimo nehaya agufa yafa hiʼyalamuʼmo huʼniye.

Aepa Gemae 13:15

Muki ani ageʼnisana mopamo kagaeʼe kaginago vayaʼeʼmo lapamiguve.

Aepa Gemae 17:7

Nagaemo kagaegi henagaʼamo kagaepati afole aisaya vayaʼenagi uʼa aiʼa atagu faesaya vayaʼenagi huʼna kotalakeʼnimo hu malegauve. Ani kotalakemo hanege hanege huno hanegaiye. Ani kotalakemo haneʼniyana nagaemo Gotikamoʼnamo maiʼneʼna kagae kakamelega kaginago vayaʼai Gotiʼapimoʼnaʼeʼmo maiguve.

2 Sitoli 20:8

ani mopaleʼmo yatala afinaʼmo ago maiʼnone. Akeyaʼvilagamo laginago vayaʼmogimo ani mopaleʼmo kagikalefeʼmo alopa mono noʼmo ki maleteʼapaeʼmo kagaefeʼmo ina ge huʼa nunumuʼmo huʼnae.

Samu 80:8

Akeyaʼvilagamo kagaemo Isipi kotegatiʼmo mago nofiʼmo alinika eʼnane. Ani nofiʼmo kali malesanafeʼmo ani mopaleʼmo maiʼnaya vayaʼmo alika hapa faika apataleteka mopaʼapileʼmo ani nofiʼmo kali maleʼnane.

Hatu maeno apate'niya gemae 20:2

Nagaemo Ala kava neʼmo Gotitapimoʼnamo maiʼneʼnaeʼmo Isipi kotegamo kalavusi lahapaise vose hutapa aliʼyaʼmo aliʼnageʼnaeʼmo lapavaleliʼna eʼnove.

Hatu maeno apate'niya gemae 33:2

Nagaemo enisole vekaʼnimo aliʼna atesugeno uno hogotetesigeʼna Kenani nofi vayanagi Emo nofi vayanagi Hiti nofi vayanagi Pelesi nofi vayanagi Hivi nofi vayanagi Yemusi nofi vayanagi huʼna alina hapafaiʼna apatalegauve.

Hatu maeno apate'niya gemae 6:7

Nagaemo lapavalesugetapa nagaiʼni vayaʼnimo maisageʼnaeʼmo nagaemo Gotitapimoʼnamo maiguve. Ani afinaʼmo nagetapaeʼmo, Ala kava neʼmo Gotitimoʼmo Isipi kotegamo kana yaʼmo aliʼnonagenoʼaeʼmo hatu maeno lateʼniya Gotiʼmae, hutapa hugae.

Yoni 11:11

Lao vekamo Layosiʼmo ago au kaleno maiʼniyaʼmofeʼmo uʼna aupatiʼmo hauneʼna ategauve, huno hapa paiʼnigeʼapaeʼmo,

Yoni 15:15

Aliʼyaʼmo afoʼamoʼmo aliʼyaʼamo neʼaliya vayaʼmo muki aliʼyaʼamo alisayafeʼmo aliʼyaʼmo aepaʼamo alino apave noliyaʼmonanafa aliʼyaʼnimo neʼaliya vayaʼageʼmo maiʼnayaʼmofeʼmo hemenimo magoʼe huʼna ge osuguve. Afoʼnimotegatiʼmo muki geʼamo afiʼnova gemo ago lapa paiʼnovaʼmofeʼmo nao vayaʼmo maiʼnae, huʼna nehuve.

Yemisi 2:23

Emalehamuʼa huʼniya kavafeʼmo Goti mukufiʼmo avoʼmo kae maleʼniya gemo neʼyaʼmo alagi afole aiʼniye. Ani gemoʼa hunoʼaeʼmo, Emalehamuʼa Gotifekeʼmo agesamo afino fatago huʼnigenoʼaeʼmo, naulagaleʼmo fatago vekamo maiʼnane, huno ha paiʼniye. Vayaʼmogi huʼapaeʼmo, Emalehamuʼa Goti ao vekamo maiʼniye, huʼa huʼnae.

Yasuva 1:6

Kagaemo koli osuge kamoʼya oʼaige huteka he tika lokiya vaikageʼmo maiyo. Nagaemo mopamo lapamiguve, huʼna lapakinago vayaʼaifeʼmo nagoʼyamo ataleʼna polomasi gemo ago hu maleʼnove. Vayakamogimo ani mopamo apakaiʼapi mopamo alisayafekeʼmo kagaemo alika fako huka apamiganaʼmofeʼmo koli osuvo.

Yasuva 23:9

Ala kava neʼmoʼa asole lokiya nofi vayaʼmo lapakaetegatiʼmo alino hapa faino apataleʼnigeʼa afaʼa he tiʼa kame huʼa aeʼa lapaka osesaya kavaʼmo huʼniye.

Yasuva 24:13

Nagaemo mago mopamo lapakaitapimo aliʼyaʼmo oʼaliʼnaya mopamo lapamiʼnove. Nagaemo lapakaemo okiʼnaya taonimo lapamiʼnove. Hemenimo lapakaemo ani taonifiʼmo maiʼnetapaeʼmo lapakaemo lapayapatiʼmo ofaiʼnaya nofi alagafati aniʼe olivi yosa alagaʼeʼmo neʼnae.

Yasuva 24:3

Inagi nagaemo Emalehamuʼmo lapakinago vekamo Yufaletisi aniʼmo mugagayaga faligamo haneʼniya kotetiʼmo avaleliʼna eʼnogeno eno muki Kenani haopalega mopaleʼmo umenitata huʼniye. Nagaemo asole aginago vayaʼmo amiʼnove. Nagaemo mago ve mafaʼnemo Aisakiʼmo amiʼnove.