2 Sitoli 20:13 - The Keyagana NT and 25 OT books

¹³ Muki Yuta ve anaganagi aʼne anaganagi mafaʼne anagaʼapigi huʼa Ala kava neʼmo aulagaleʼmo mono noʼmo haopaleʼmo he tiʼa maiʼnae.

2 Sitoli 20:13 ပူးပေါင်းရင်းမြစ်များ

2 Sitoli 20:12

O Gotitimogae, huʼna, ani asole ami vayaʼmogimo lagaemo kamemo lahaesayafeʼmo neʼae. Lagaemo apakaeʼeʼmo kamemo hisuna agufa lokiyatimo ohaneʼniye. Na agufa kavaʼmo hisupi, huta oʼageʼnonaʼmonanafa aulu heta kageta maiʼnone. Kagaemo hosu kavaʼapimo anonaʼapilefeʼmo afaʼa alika fako huka oʼapategapiye, huno nunumuʼmo huʼniye.

2 Sitoli 20:14

Mago Livai nofi vekamo agiʼamo Yahasiʼeliʼa ani vayaʼai folagapiʼmo maiʼniye. Yahasiʼeliʼmo Sekalaiya mafaʼnemo maiʼnigeno Sekalaiyaʼmo Menaiya mafaʼnemo maiʼnigeno Menaiyaʼmo Yiʼeli mafaʼnemo maiʼnigeno Yiʼeliʼmo Mataniya mafaʼnemo maiʼniye. Ani vayaʼmo Esapi aginago vayaʼmo maiʼnageno agaemo mago Livai nofi vekamo maiʼniye. Inagi Ala kava neʼmo Aunemeʼamoʼmo Yahasiʼeliteʼmo emineno lokiya vaino ateʼnigeno

Esala 10:1

Esalaʼmo Goti mono noʼamo kipaʼmo haopaleʼmo maiʼneno hosu kavaʼapimo aeno hakalo huno nunumuʼmo huge aviʼyaʼmo huge ape hute hute huge huno maiʼnigeʼapaeʼmo muki asole Isaleli vayaʼmo ve anaganagi aʼne anaganagi mafaʼne anaganagi huʼa eʼa haopaleʼmo aliʼa anupa huʼa maiʼneʼa apakaeʼeʼmo lusi kava huʼa aviʼyaʼmo huʼnae.

Yona 3:5

Niniva taonifiʼmo maiʼnaya vayaʼmogimo ani Goti geʼamo afiteʼapaeʼmo, lama gemo huʼniye, huteʼa apakesamo afiʼa fatago huʼnae. Lagaemo ina agufa vayaʼmogitaʼe ala lagi vayaʼmogitaʼeʼmo laipamo alita afe leteta neʼyaʼmo mosiʼneta kogu agufa kukenamo alita vaiteta maigune, huʼa huʼnae.

Apa 21:5

Apakaeʼeʼmo lokaeta maiʼnona afinaʼmo ago hano huʼnigeta apataleta uʼnone. Apakaemo muki ve aʼneʼe mafaʼneʼapiʼe lagaeʼeʼmo taonifatiʼmo ataleta magokepi lokaeta uta ani agiʼnaleʼmo laleʼyamo faiʼneta nunumuʼmo hutetaeʼmo