2 Sitoli 20:12 - The Keyagana NT and 25 OT books

¹² O Gotitimogae, huʼna, ani asole ami vayaʼmogimo lagaemo kamemo lahaesayafeʼmo neʼae. Lagaemo apakaeʼeʼmo kamemo hisuna agufa lokiyatimo ohaneʼniye. Na agufa kavaʼmo hisupi, huta oʼageʼnonaʼmonanafa aulu heta kageta maiʼnone. Kagaemo hosu kavaʼapimo anonaʼapilefeʼmo afaʼa alika fako huka oʼapategapiye, huno nunumuʼmo huʼniye.

2 Sitoli 20:12 ပူးပေါင်းရင်းမြစ်များ

2 Kini 6:15

Netepiʼmo Goti vekaʼamo aliʼyaʼamo neʼaliya vekamo nopatiʼmo he tino kumategamo uno lamino apakeyana Siliya ami vayanagi hosigi talalagi huʼa taonileʼmo ago faiʼa vego huʼnageno apakeʼniye. Agaemo uno Ilaisafeʼmo ha painoʼaeʼmo, Ala vekaʼnimogae, huno, Na agufa kavaʼmo hugune.

2 Sitoli 20:13

Muki Yuta ve anaganagi aʼne anaganagi mafaʼne anagaʼapigi huʼa Ala kava neʼmo aulagaleʼmo mono noʼmo haopaleʼmo he tiʼa maiʼnae.

Samu 141:8

Haneʼniyaʼmonanafa Ala kava neʼmo Gotiyo, huʼna, naha maesanafeʼmo kagaefekeʼmo aulu heʼna nekagove. Kagaepiʼmo fala kiʼna maiʼnovaʼmofeʼmo oʼnatalo. Nagupi mafaʼnemo hosu kava huno maisiyafeʼmo oʼnato.

Samu 25:15

Agaemo natafauʼniya umenifatiʼmo hatu maeno nategaiyaʼmofeʼmo Ala kava nefekeʼmo aulu heʼna neʼagove.

Samu 7:6

O Ala kava nene, huʼna, kaipamo leʼninageka he tiyo. Kame vayaʼnimogi apaipa leʼnigeʼa namagisayafeʼmo apayamukiki nehayanagi he tika naha mao. Fatago kavafeʼmo kahauʼniyanagi alika fako huka apato.

Samu 7:8

Kagaemo muki ma mopafi vayaʼmo alika fako huka neʼapatana vekamo maiʼnane. O Ala kava nene, huʼna, fatago kavaʼnilefeʼmo alika fako huka nato.

Samu 9:19

O Ala kava nene, huʼna, he tiyo. Fiku yanageka apakeka apataleʼnisanageʼa aeʼa apaka segae. Malaga vayaʼmo apavalelikeka apateʼneka agoti huka apato.

Aiyeya 2:4

Agaemo alu nofi vayaʼe alu nofi vayaʼeʼmo alino fako huno apateteno maiʼnaya asole vayakoʼmo ge hapaugiye. Inagi apakaemo naipeʼapileʼmo neʼamagisagenoʼaeʼmo aiʼyumo neʼaiya aenimo alino hamalege hayoʼapileʼmo neʼamagisagenoʼaeʼmo nofiʼmo nehatagaya haginamo alino hamalege hugiye. Muki nofi vayaʼmogimo magoʼe huʼa kame osuge kame hisaya kavaʼmo magoʼe huʼa aliʼa apaya oʼmalege hugae.

Aiyeya 42:4

Agaemo aliʼyaʼalefeʼmo aipamoʼmo kana hisigeno haino me otalegaiye. Haino me otalegaifa aliʼyaʼamo alime alime neʼvisigeno muki ma mopafiʼmo fatago kavaʼmo afole aigiye. Afagi kotega vayaʼmogimo keʼaepa geʼamo alino apaya malesiyafeʼmo agava maigae.

Aiyeya 45:22

Ma mopafi muki haopalegamo maiʼnaya vayane, huʼna, nagaemo Gotiʼnamo maiʼnogeno mago alu gotiʼmo alagi oʼmaiʼniyaʼmofeʼmo aulu nahaetapa nagegeʼnao lapakufamo aliʼna katiʼna lapategauvanagi, huno huʼniye.

Yona 2:4

Ago alika naha faika nataleʼnanaʼmonanafa halate kagae aote mono nofeʼmo aulu heʼna agegauve.

Leveleseni 19:11

Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.

1 Samiyo 14:6

Inagi Yonataniʼmo kame hisaya yaʼamo neʼaliya neya vekaeʼmo ha painoʼaeʼmo, Eno, huno, laʼagaeʼmo malaga vayaʼmo Goti gemo noʼafiya ati vayaʼai seli noʼapilegamo uguʼae. Ala kava neʼmoʼa laʼaha maesifigetaʼae. Ala kava neʼmoʼa asole vayaʼaitetiʼmo mukiʼamogita lagufamo alino katino latesifi aise vayaʼaitetiʼmo mukiʼamogita lagufamo alino katino latesifi hugiyaʼmofeʼmo mago yaʼmoʼa kaʼmo afaʼa akanino oʼategaiye, huno ha paiʼniye.

1 Samiyo 3:13

Lole mafaʼneʼalaʼmo alagi hosu vekalaʼmo aliʼana anateʼnaʼanageno Ilaiʼmo anatafauno oʼanateʼniyaʼmofeʼmo nagaemo ha paiʼnaeʼmo, Ageʼnana hosu kavatefeʼmo afamo anagakamo agoti huʼna apatesugeʼa muki afinaʼmo hosu kavategamo maige maige huʼa maigae,